ލޯކަލް މާރުކޭޓްގައި ވިޔަފާރިކުރުމަށް ގޮޅިތައް ދޫކޮށްފައިވާ ފަރާތްތަކަށް ދީފައިވާ ހުއްދަޔާއި ޤަވާއިދާއި ޚިލާފަށް ބިދޭސީން ބައިތިއްބާފައިވާ ގޮޅިތައް ބަލައި އެގޮޅިތަކުގެ ވެރިން ޖޫރިމަނާ ކުރަންފަށައިފިއެވެ.

މާލޭ ސިޓީ ކައުންސިލުން ބުނީ، މިއަދުވެސް ސިޓީ ކައުންސިލުން ގޮޅިތައް ބަލާފައިވާކަމަށާއި، ހުއްދަ ނެތި ގޮޅިތަކުގައި ބިދޭސީން ބައިތިއްބާފައިވާ ދެ ފަރާތެއް މިއަދުވެސް ޖޫރިމަނާކޮށްފައިވާ ކަމަށެވެ.

ސިޓީ ކައުންސިލުން އެކަށައަޅާފައިވާ އުސޫލުގެ ދަށުން ޤަވާއިދާއި ޚިލާފުވާ ގޮޅިތަކުގެ ވެރިންނާިއ މެދު ފިޔަވަޅު އަޅައި ފުރަތަމަ ފަހަރު ޖޫރިމަނާ ކުރަނީ 2000ރ އިންނެވެ. އެހެން ނަމަވެސް ތަކުރާރުވެއްޖެނަމަ އިންޒާރުުދީ 4000ރ އިން ޖޫރިމަނާ ކުރާނެއެވެ. އޭގެ ފަހުންވެސް އިސްލާޙް ނުކުރާނަމަ ގޮޅި ދޫކޮށްފައިވާ ފަރާތުގެ ކިބައިން ގޮޅި އަތުލުމުން ބާރު ސިޓީ ކައުންސިލަށް ލިބިގެންވާ ކަމުގައިވެސް ސިޓީ ކައުންސިލުން ވަނީ ބުނެފައެވެ.