މީހެއްގެ އެކައުންޓުން 1.8 މިލިއަން ރުފިޔާ ފޭރުނު މައްސަލައިގައި ޝާމިލްވާ މީހުންގެ މައްޗަށް ދަޢުވާ ކުރުމަށް މިއަދު އެމައްސލަަ ޕީޖީއަށް ފޮނުވާފައިވާ ކަމުގައި ދިވެހި ފުލުހުންގެ ޚިދުމަތުން ވިދާޅުވެއްޖެއެވެ.

ފުލުހުންގެ ކްރައިން އިންވެސްޓިގޭޝަން ކޮމާންޑުން ތަޙްޤީޤުކުރަމުންދާ މައްސަލަތަކާއި ގުޅޭ ގޮތުން، މީޑިއާއަށް މައުލޫމާތު ދިނުމަށް މިއަދު ބޭއްވި ނޫސްވެރިންގެ ބައްދަލުވުމުގައި، ފައިނޭންޝަލް ކްރައިމް ޔުނިޓުގެ ހެޑް، ޗީފް އިންސްޕެކްޓަރ އޮފް ޕޮލިސް ޔޫސުފް ލޫޠު ވިދާޅުވީ، 1.8 މިލިއަން ރުފިޔާ ފޭރުނު މައްސަލައިގެ ތަޙްޤީޤު ފުރިހަމަކޮށް މިހާރު އެމީހުންގެ މައްޗަށް ދައުވާ ކުރުމަށް މިއަދު ޕީޖީއަށް މައްސަލަ ފޮނުވާފައިވާ ކަމަށެވެ. މިގޮތުން އެމައްސަލައިގައި ދައުވާ ކުރާ މީހުންގެ ތެރޭގައި ހިމެނެނީ، ކުޑަކުއްޖަކު ހިމެނޭހެން ތިން މީހަކު ކަމުގައިވެސް އޭނާ ވިދާޅުވިއެވެ.

މިމައްސަލައިގައި ފައިސާ ފޭރިފައިވަނީ އެކައުންޓްގެ ވެރިފަރާތުގެ ފޯނުގެ ޕާސްވޯޑާއި އެހެނިހެން މައުލޫމާތު ހޯދައިގެންނެވެ. އެކަމުގައި ބައިވެރިވި ކުޑަކުއްޖާއަކީ، ފައިސާތަކުގެ ވެރިފަރާތުގެ އާއިލީ ގުޅުން އޮންނަ ކުއްޖެކަމަށް މީޑިއާތަކުގައި ރިޕޯޓްކޮށްފައިވެއެވެ.

ފަހަކަށް އައިސް ރާއްޖޭގައި ވައްކަމާއި އެކިގޮތް ގޮތުން އޮޅުވާލައިގެން މީހުން އަތުން ފައިސާ ފޭރުމުގެ މައްސަލަތައް އަންނަނީ އިތުރުވަމުންނެވެ.