Advertisement
މިފްކޯގެ އެމްޑީ، ޝަމާޙް ރަޝީދު ---
މިފްކޯގެ މެނޭޖިންގ ޑައިރެކްޓަރު ސަސްޕެންޑްކޮށްފި
މިފްކޯގެ ސީއީއޯ އަދި މެނޭޖިން ޑިރެކްޓަރު އަހުމަދު ޝަމާޙް ރަޝީދު ސަސްޕެންޑްކޮށްފިއެވެ.
ޕްރަައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)ން ނެރުނު ނޫސްބަޔާނުގައި ބުނެފައި ވަނީ، ޝަމާޙް ރަޝީދު ސަސްޕެންޑްކޮށް މަޤާމުގެ މަސްއޫލިއްޔަތު ތަކުން އެކަހެރިކޮށްފައި ވަނީ ދެހަފްތާގެ މުއްދަތަކަށް ކަމަށެވެ. އެފިޔަވަޅު އޭނާގެ މައްޗަށް އަޅާފައިވަނީ، މިފްކޯގެ ސީއީއޯ އަދި މެނޭޖިން ޑިރެކްޓަރު އަހުމަދު ޝަމާޙް ރަޝީދުއާ ގުޅޭ ގޮތުން، ކޯޕަރޭޓް ގަވަނެންސްއާއި ގުޅުން ހުރި މައްސަލަތަކެއް ޕްރަައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު ހުށައެޅިފައިވާތީ އެކަމުގެ ފުރިހަމަ ތަޙްޤީޤެއް ހިންގުމަށްޓަކައި ކަމަށްވެސް ޕީބީސީން މިއަދު ވަނީ ބުނެފައެވެ.
ޕީބީސީން ހާމަކޮށްފައިވާ ގޮތުގައި މިފްކޯގެ ސީއީއޯ އަދި އެމްޑީ އަހުމަދު ޝަމާޙް ރަޝީދު މަޤާމުގެ މަސްޢޫލިއްޔަތުތަކުން އެކަހެރިކޮށްފައި ވަނީ މިއަދުން ފެށިގެން 14 ދުވަހަށެވެ.
މިއީ މިސަރުކާރުގައި ކުންފުންޏެއްގެ އިސްވެރިއަކާއި މެދު އެޅި މިފަދަ ފުރަތަމަ ފިޔަވަޅެވެ.
