17 ނޮވެމްބަރު 2023ގައި ރައީސުލްޖުމްހޫރިއްޔާ، ޑރ. މުޙައްމަދު މުޢިއްޒު ވެރިކަމަށް ވަޑައިގެންނެވުމަށްފަހުގައި ސަރުކާރުގެ މަސްކުންފުނި މިފްކޯއަށް ގެންނެވި ބަދަލުތަކަށް ފަހުގައިވެސް އެކުންފުނިން މަސްވެރިންނަށް ދޭންޖެހޭ ފައިސާ ވަނީ ނުދެވިފައެވެ. މަސްވެރިން ކިރުވާފައިވާ މަހަށް މަސްވެރިންނާއި އޮޑިވެރިންނަށް ހަމަޔަށް ފައިސާ ނުލިބުމުގެ ދަތިތައް މަސްވެރި އަދި އޮޑިވެރި އާއިލާތަކުން ތަޙައްމަލުކުރަމުންދާއިރު، އެކަމުގެ ޝަކުވާތައް އިވެމުންދާކަމުގައި އައްޑޫ ސިޓީގެ މޭޔަރު ޢަލީ ނިޒާރު ވިދާޅުވިއެވެ.

އެ މިނިސްޓްރީން ވިދާޅުވީ، މަސްވެރިންނަށް މިހާތަނަށް ނުދެވިހުރި ފައިސާ ދިނުމަށް ސަރުކާރުން ކުރަމުންދާ މަސައްކަތުގެ ތެރެއިން މާދަމާ މަސްވެރިންނަށް 100 މިލިޔަން ރުފިޔާ ދޫކުރުމަށް ނިންމާފައި ވާކަމަށެވެ. މިފްކޯއިންވެސް ވިދާޅުވީ، ދިވެހި މަސް އޮޑިފަހަރަށް ދައްކަންޖެހޭ ފައިސާގެ ތެރެއިން 100 މިލިއަން ރުފިޔާ މާދަން ދައްކާގޮތަށް ހަމަޖައްސާފައިވާ ކަމަށާއި، މަސްވެެރިންގެ ފަރާތުން މިފްކޯއަށް ދެއްވަމުން ގެންދަވާ އެއްބާރުލުމަށް ނިހާޔަތަށް ޝުކުރު ދަންނަވާ ކަމަށެވެ.

ސަރުކާރުގެ މަސްކުންފުނި މިފްކޯއަކީ ސައްތައިންސައްތަ ސަރުކާރުގެ ހިއްސާވާ ކުންފުންޏަކަށް ބަދަލުކޮށް އެކަމުގެ އެއްބަސްވުމުގައި ސޮއިކޮށްފިއެވެ. މިކަމުގެ އެއްބަސްވުމުގައި ސޮއިކޮށްފައިވަނީ މިއަދު އޮތް ރަސްމިއްޔާތެއްގައެވެ.

ރައީސުލްޖުމްހޫރިއްޔާގެ ވާހަކަފުޅުގައި މިނިންމުން ނިންމެވީ މަސްވެރިކަމުގެ ސިނާޢަތުގެ ފައިދާ އެންމެ ފުރިހަމަ ގޮތުގައި މަސްވެރިންނަށް ލިބިދެއްވުމަށް ކަމުގައި ވިދާޅުވިއެވެ. އަދި އެމަނިކުފާނު ދެކެވަޑައިގަންނަވާ ގޮތުގައި، ރާއްޖޭގެ މަސްވެރިކަން ކުރިއަރުވައި މަސްވެރިކަމުގެ ދާއިރާ ހަރުދަނާ ކުރެވޭނީ މިފްކޯ ހަރުދަނާ ކުރެވިގެން ކަމުގައިވެސް ވިދާޅުވިއެވެ. އެމަނިކުފާނު އިތުރަށް ވިދާޅުވީ، މަސްވެރިންނަށް ޚާއްޞަ ކޯޕަރޭޓިވްއެއް ޤާއިމުކުރައްވައި، އެ ކޯޕަރޭޓިވްއަކީ މިފްކޯގެ ހިއްސާދާރެއް ކަމުގައި ހެއްދެވުމަށްވެސް ސަރުކާރުން ނިންމަވާފައިވާ ކަމަށެވެ.

ޖަޒީރާ 106 އަކީވެސް ދުވާލަކު 60 ޓަނުގެ މަސް ބްރެއިން ފްރީޒް ކުރެވޭ، އަދި 200 ޓަނުގެ މަސް ރައްކާކުރުމުގެ ކެޕޭސިޓީ ހުރި ބޯޓެކެވެ. މީގެ އިތުރު ދެބޯޓު ގަނެފައިވާ އިރު، އެބޯޓުތައްވެސް ރާއްޖެއަށް ގެނައުމަށް ކުރަންޖެހޭ މަސައްކަތްތައް މިފްކޯއިން ދަނީ ކުރަމުންނެވެ.

މިފްކޯއަށް 25ރ އަށް މަސްކިލޯއެއް ގަނެގެން ކުންފުންޏަށް ގެއްލުންތައްވަމުންދާތީ، މަސްގަންނަ އަގު ރިވިއުކޮށް އަގު ދަށްކުރުމަށް ކުންފުނިން މަސައްކަތްކުރަމުންދާކަމުގައި ރާއްޖޭގެ ބައެއް މީޑިއާތަކުން ވަނީ ރިޕޯޓްކޮށްފައެވެ. އެހެން ނަމަވެސް އެކަމާއި ގުޅޭ ގޮތުން މިފްކޯއިން ނެރުނު ނޫސްބަޔާނުގައި ބުނެފައި ވަނީ، ފަތުރަމުން ގެންދަނީ ދޮގު ޚަބަރެއް ކަމަށާއި، މަސްގަންނަ އަގު ދަށްކުރުމުގެ ވިސްނުމެއް އެކުންފުނިން ނުގެންގުޅޭ ކަމަށެވެ. އަދި މަސްގަންނަ އަގު ރިވިއު ކުރުމާއި ގުޅޭ ގޮތުން، ފިނޭންސް މިނިސްޓްރީއާ އަދި ސަރުކާރުގެ އެހެން އިދާރާއާއެކުވެސް މިފްކޯއިން މަޝްވަރާކުރަމުން ނުދާ ކަމުގައި އެކުންފުނިން ވަނީ ބުނެފައެވެ.

އިނގިރޭސިވިލާތާއި ޔޫރަޕަށް މަސް އެކްސްޕޯޓު ކުރަން ނަގާ ޑިއުޓީ އެ ގައުމުތަކުން ނުނަގާނެކަން ކަށަވަރުވުމުން، ހޮނިހިރު ދުވަހުން ފެށިގެން މިފްކޯއިން މަސް ގަންނަ އަގު މިވަނީ ބޮޑު ކުރަން ނިންމާފައެވެ. އެގޮތުން ދެން މިފްކޯއިން މަސް ކިލޯއެއް ގަންނާނީ 25ރ. އަށް ކަމަށް އެ ކުންފުނިން ހާމަކުރެއެވެ. މި ދައުރުގެތެރޭގައި މިހާތަނަށް މިފްކޯއިން ވަނީ މަސްވެރިންގެ އަތުން ގަތް މަހަށް 4.4 ބިލިއަން ރުފިޔާ އަށް ވުރެން ބޮޑު ޚަރަދެއް ކޮށްފައެވެ.

ވެރިކަމުގެ 4 އަހަރު ދުވަހުގެ ތެރޭގައި މަސްވެރިންނަށް އެންމެ ގިނަ އަދަދަކަށް ފައިސާ ދޫކޮށްފައިވަނީ މި ސަރުކާރުގެ 4 އަހަރުގެ ތެރޭގައިކަމަށް މިފްކޯގެ ސީއީއޯ އިސްމާއިލް ފައުޒީ ވިދާޅުވެއްޖެއެވެ. ފައުޒީ މިހެން ވިދާޅުވީ، ޓީވީ ޕްރޮގްރާމެއްގައި ވާހަކަދައްކަވަމުންނެވެ.