Advertisement
ފެލިވަރުގެ ހާދިސާ --
ފެލިވަރު ކާރުޚާނާގެ ބޮއިލަރެއް ފަޅައިގެން ހިނގައްޖެ
މިފްކޯގެ ދަޅުމަސް ބަންދުކުރާ ކާރުޚާނާ ފެލިވަރުގައި ބޭނުން ކުރަމުން އައި ބޮއިލަރެއް ގޮވައި ބޮޑެތި ގެއްލުންތަކެއް ލިބިއްޖެއެވެ.
މިހާދިސާ ހިނގިކަން ކަށަވަރުވެފައި ވީނަމަވެސް އެހާދިސާ އާއި ގުޅިގެން މިހާތަނަށް މިފްކޯއިން އަދި އެއްވެސް އެއްޗެއް ބުނެފައެއް ނުވެއެވެ. އެހެން ނަމަވެސް މިފްކޯގައި މަސައްކަތް ކުރައްވާފައިވާ ސީނިއަރ ބޭފުޅެއް ގެ ފަރާތުން މައުލޫމާތު ލިބިފައިވާ ގޮތުގައި ފަޅައިގެން ދިޔަ ބޮއިލަރަކީ، ފެލިވަރު ކޭނިންގ ފެކްޓްރީގައި ބޭނުން ކުރަމުން އަންނަތާ ވަރަށް ގިނަދުވަސްވީ ބޮއިލަރެކެވެ. އެހާދިސާ އާއި ގުޅިގެން ފެލިވަރުގެ އޮޕަރޭޝަންސްތަކަށް ބުރޫ އަރާނެ ކަމުގައިވެސް އޭނާ ވިދާޅުވިއެވެ.
ފެލިވަރުަގއި ހިނގި މިހާދިސާގައި އެއްވެސް މީހަކަށް ގެއްލުމެއް ނުލިބުނު ނަމަވެސް ފެކްޓްރީއަށް ވަނީ ގެއްލުންތައް ލިބިފައެވެ.
މިއަދުގެ ހާދިސާ އާއި ގުޅޭ ގޮތުން މިފްކޯގެ ބަހެއް ލިބޭ ގޮތެއް ނުވިއެވެ.
