މިފްކޯއަށް މަސްގަންނަ އަގަށް މިއަދުން ފެށިގެން އެކުންފުނިން ބަދަލުތަކެއް ގެނެސްފައި ވާއިރު، ސަރުކާރުން ވަޢުދުވީ އަގު ކަމުގައިވާ 20ރ އަށް މަސްކިލޯއެއް ގަނެވެން ނެތް ސަބަބުވެސް އެމަނިކުފާނު ވަނީ ހާމަކުރައްވާފައެވެ. ފިޝަރީޒް މިނިސްޓަރ ވިދާޅުވީ، ރިޔާސީ އިންތިޚާބުގެ ތެރޭގައި މިސަރުކާރުން މަސްވެރިންގެ އަތުން 20ރއަށް މަސްކިލޯއެއް ގަތުމަށް ވީ ވަޢުދު ބިނާކުރި އެއް ސަބަބަކީ، ޔޫރަޕަށް ރާއްޖޭގެ މަސް އެކްސްޕޯޓްކުރުމަށް ނަގަމުން އައި ޑިއުޓީ، ވަރަށް އަވަހަށް އުވާލާނެ ކަމަށް ވިދާޅުވެ ކުރީގެ ސަރުކާރުން މަސްވެރިންނަށާއި ރައްޔިތުންނަށް ދެމުން އައި އުއްމީދު ކަމަށެވެ. އަދި އެކަން އެގޮތަށް ހަމަޖެހިގެންދާނެ ކަމުގައި އެބޭފުޅުންވެސް އުއްމީދު ކުރެއްވި ކަމުގައި ފިޝަރީޒް މިނިސްޓަރ ވިދާޅުވިއެވެ. އަދި އޭރު ކުރީގެ ސަރުކާރުން މަސްކިލޯއެއް 25ރ އަށް ގަންނަން ފެށިކަންވެސް މިނިސްޓަރ ފާހަގަ ކުރެއްވިއެވެ.

މައުލޫމާތު ލިބޭ ގޮތުގައި މިފްކޯއިން މަސް ގަންނަ އަގަށް ބަދަލު ގެނައުމަށް ނިންމާފައިވަނީ މި ފެށޭ ޖުލައި މަހުގެ 1 ވަނަ ދުވަހުން ފެށިގެންނެވެ. މަސް ގަންނަ އަގު ދަށްކޮށްފިނަމަ، ސަރުކާރުން މިފްކޯއަށް ދޭ ސަބްސިޑީ ކުޑަކުރެވޭނެއެވެ. އެގޮތުން 20ރ. އަށް މަސް ގަނެގެން ސަބްސިޑީގެ ގޮތުގައި ސަރުކާރުން 7ރ. މިފްކޯއަށް ދައްކަން ޖެހުނު ނަމަވެސް، މަސް ގަންނަ އަގު ދަށްކޮށްފިނަމަ އެ އަދަދު 2ރ. އަށް ތިރި ކުރެވޭނެއެވެ.

ފުލުހުންގެ އިދާރާއިން މިރޭ ނެރުނު ބަޔާނެއްގައި ވިދާޅުވީ، މަސްވެރިން ސުލްޙަވެރިކަމާއި އެކު ޤާނޫނީ އިމުގެ ތެރޭގައި އިހްތިޖާޖު ކުރުމަށް ފުރުޞަތު ދެމުން ގެންދާ ކަަމަށާއި، އަދި އިހްތިޖާޖުގެ ސަބަބުން، މިފްކޯ އައްޑޫ ފިޝަރީޒް ކޮމްޕްލެކްސްގެ އޮޕަރޭޝަންތަކަށް ހުރަސް އެޅިފައިވުމާއި އެކު އެތަނުގެ އޮޕަރޭޝަންތައް އަލުން ފެށޭނެ މާހައުލެއް އުފެއްދުމަށްވެސް ފުލުހުން މަސައްކަތް ކުރަމުންދާ ކަމަށެވެ. އަދި ފުލުހުން އަމަން ޤާއިމްކޮށް ރައްކާތެރިކަން ކަށަވަރުކުރުމަށް އަޅާފިޔަވަޅުތަކަށް، މަސްވެރިންގެ ފަރާތުންވެސް އެއްބާރުލުން ދެއްވުމަށާއި، ޤާނޫނާއި ޤަވާއިދާއި ޚިލާފު ޢަަމަލެއް ނުކުރެއްވުމަށް ފުލުހުންގެ އިދާރާއިން ވަނީ އެދިވަޑައިގެންފައެވެ.

ޝާހިދު ވިދާޅުވީ، މިއަދުގެ ސަރުކާރު ވެރިކަމަށްއައީ މަސްވެރިން ކިރާ މަހަށް އެންމެ ގިނަ ވެގެން ދެ ދުވަހު ތެރޭ ފައިސާ ޖަމާ ކުރާނެކަމަށް ވަޢުދުވެކަން ދިވެހި މަސްވެރިންއެގެންދަނީ ސަރުކާރަށް ތަކުރުކޮށް ހަނދާން ކޮށްދެމުން ކަމަށެވެ. އަދި މި އަހަރު ކުރީކޮޅު ވެސް މަސްވެރިންނަށް ދޭން ޖެހޭ އެތަށް މިލިއަން ރުފިޔާއެއް ނުދައްކާތާ އެތައް މަހެއް ވެގެން މަސްވެރިން މުޒާހަރާ ކުރަން ފެށުމުން ރައްޔިތުންގެ މަޖިލީހުގެ އިންތިޙާބާ ދިމާކޮށް ސަރުކާރުން ފައިސާ ދިންކަން މަސްވެރިން ހަނދާން އެބަހުރިކަމަށް ދަނީ ބުނަމުން ކަމުގައިވެސް ޝާހިދު ފާހަގަކުރެއްވިއެވެ.

މިދިޔަ އާދީއްތަ ދުވަހު ދިން ފައިސާއާއެކު، ހުކުރު ދުވަހާ ހަމައަށް މަސްވެރިން ބާނާފައިވާ މަހަށް ފައިސާ ދީ، މިފްކޯއިން މަސްވެރިންނަށް ދޭންޖެހޭ ފައިސާގެ ބެކްލޮގް އެއްކޮށް ސާފު ކުރެވިއްޖެކަމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުއިއްޒު ވިދާޅުވެއްޖެއެވެ. މަސްވެރިންނަށް ނުދެވި ހުރި 157 މިލިއަން ރުފިޔާ ރޯދައިގެ ކުރިން ދޫކުރާނެކަމަށް ރައީސް ވަނީ ކުރިން ވިދާޅުވެފައެވެ. މި ފައިސާ ދޫކުރަން ފަށާފައިވަނީ އާދީއްތަ ދުވަހުއެވެ.

ކުރީ ސަރުކާރުގެ ދުވަސްވަރު މަސްވެރިން ކިރުވާފައިވާ މަހަށް އޭރު ސަރުކާރުން ފައިސާ ނުދީ އޮތް ކަމުގައި ބުނެ، މިސަރުކާރުގެ ސިޔާސީ ބޭފުޅުން ވާހަކަފުޅުތައް ދައްކަވަމުން ދާއިރު، މިއަދު މިފްކޯއިން އެކްސްގައި ކުރި ޕޯސްޓްގައި ބުނެފައި ވަނީ، ސަރުކާރު މިއަދު ޖަމާކޮށްދިން ފައިސާ އާއެކު، 14 ޖެނުއަރީގެ ކުރިން މަސްވެރިން މަސްކިރުވައި ދޫކޮށްފައިވާ ހުރިހާ ބިލަކަށް ފައިސާދީ ނިމޭނެ ކަމަށެވެ.

މަސްވެރިންގެ އަތުން މަސް ގަތުމަށްފަހު ސަރުކާރުން ދޭން ޖެހިފައިވާ ފައިސާގެ ތެރެއިން 70 މިލިއަން ރުފިޔާ ދޫކޮށްފައިވާކަމަށް މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްއިން ހާމަކޮށްފިއެވެ.

މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސް ހާމަކުރައްވާފައިވާ ގޮތުގައި، މިޕްރޮގްރާމަކީ، ފަރުމަސް އާލާ ކުރުމަށް ބޭނުންވާ ހެޗަރީތައް ޤާއިމުކުރާނެ ގޮތާއި މެރިކަލްޗަރގެ ހުނަރުތައް ޒުވާނުންނަށް ދަސްކޮށްދިނުމަށް ކުރިއަށް ގެންދެވުނު ތަމްރީނު ޕްރޮގްރާމްއެކެވެ.

މި ސަރުކާރު ހަވާލުވިއިރު މަސްވެރިންނަށް ދޭންޖެހޭ 250 މިލިއަނެއްހާ ރުފިޔާ ހުރި ކަމަށް ފިޝަރީޒް މިނިސްޓަރު އަހުމަދު ޝިޔާމް ވިދާޅުވުމަކީ ކަނޑައެޅިގެން ދޮގެއް ކަމަށް ކުރީގެ ފިނޭންސް މިނިސްޓަރު އިބްރާހިމް އަމީރު ވިދާޅުވެއްޖެއެވެ.

މޯލްޑިވްސް ނެޝަނަލް ޑިފެންސްފޯސް, އެމްއެންޑިއެފްއިން ވިދާޅުވީ، ކޯސްގާޑުގެ ޝިޕް ޝަހީދު އަލީ، ރާއްޖޭގެ އުތުރުން އިންޑިއާ އާއި ރާއްޖޭގެ އީއީޒެޑް ގުޅޭ ބޯޑަރު ސަރަހައްދުގައި މިހާރު ހަރަކާތްތެރި ވަމުންދާ ކަމަށެވެ. ބުދަ ދުވަހު އިންޑިއާ ސިފައިންގެ ކަނޑުގެ ދެ މަނަވަރަކުން ވަނީ، ތުރާކުނުގެ އިރުމަތިން ރާއްޖޭގެ ޚާއްޞަ އިޤުތިޞާދީ ސަރަހައްދުގައި، 72 މޭލު ބޭރުގައި މަސްވެރިކަން ކުރަމުން ދިޔަ 3 މަސްދޯންޏެއް ހުއްޓުވައި އެދޯނިތަކަށް އަރައި ބަލާފާސްކޮށްފައެވެ.

ރާއްޖޭގެ ކަނޑުގެ ސަރަހަށްދަށް ބައިނަލްއަޤުވާމީ ޤާނޫނު ތަކާއި ޚިލާފަށް އިންޑިއާގެ ނޭވީގެ ދެ މަނަވަރެއް ވަދެ ރާއްޖޭގެ ތިން މަސްދޯންޏެއް ބަލައި ފާސްކުރި އިރު، މަސްދޯނި ފަހަރުގައި ތިބި މަސްވެރިން ނެގި ފޮޓޯއާ ވީޑިއޯތަށް މަސްވެރިންނަށް ބިރުދައްކައިގެން އިންޑިއާ ސިފައިން ޑިލީޓް ކުރުވި ކަމުގައިވެސް ރިޕޯޓްކޮށްފައިވެއެވެ.

އިންޑިއާ އަސްކަރިއްޔާގެ ދެ މަނަވަރެއްގެ ސިފައިން، ރާއްޖޭގެ ސަރަހައްދަށް ވަދެ، ކަންނެލި މަސްވެރިކަން ކުރަމުން ދިޔަ ރާއްޖޭގެ ތިން ދޯންޏަކަށް ބައިނަލްއަޤުވާމީ ޤާނޫނުތަކާއި ޚިލާފަށް އަރައި، އެއުޅަނދުތައް ބަލައި ފާސްކުރުުގެ އަމަލުތަކެއް އިއްޔެ ވަނީ ހިންގާފައެވެ. އެކަމުގެ ކަންބޮޑުވުންތަކާއި އެކު ބޮޑުކަންނެލި މަސްވެރިންގެ ޔޫނިއަނުން މިއަދު ނެރުނު ބަޔާނުގައި ބުނެފައި ވަނީ. އެޖަމިއްޔާގެ މެމްބަރު ތިން ދޯންޏަކަށް، ބޭރު ޤައުމެއްގެ އަސްކަރީ ސިފައިން އަރައި،ބިރުދައްކައި، މުވާޞަލާތީ ވަސީލަތްތަކުގެ މައުލޫމާތު ދިނުމަށް މަޖުބޫރުކޮށް، މަސްވެރިކަން ކުރުމަށް ހުރަސް އެޅުމަކީ، އެޖަމިއްޔާއިން އިންތިހާއަށް ކަންބޮޑުވާ ކަމެއް ކަމަށެވެ.

އެޔޫނިއަންއިން ބުނީ، އެ ސަރަހައްދުގައި މަސްވެރިކަން ކުރަމުންދިޔަ އަސުރުމާ3، ދޯނީގެ އިތުރުން، ނިރު7 އަދި މާހޯރަ3 މި ދެ ދޯންޏަށްވެސް އިންޑއާގެ ދެ ކޯސްޓްގާޑް ކައިރިކޮށް ސިފައިން އެރިކަމަށް މަޢުލޫމާތުލިބިފައިވާ ކަމަށެވެ. އަދި ދޯނި ފަހަރަށް ސިފައިން އެރިއިރު އެމީހުން އަތުގައި ހަތިޔާރުހުރި ކަަމަށްވެސް މައުލޫމާތު ލިބިފައިވާ ކަމުގައި އެޔޫނިއަންއިން ވަނީ ބުނެފައެވެ.

އެ ޔޫނިއަންގެ އެކްސް ހޭންޑަލްގައި ފިޝަރީޒް މިނިސްޓަރ ޝިޔާމް އާއި، އެންވަޔަރަމަންޓް ޕްރޮޓެކްޝަން އޭޖެންސީ، ޓެގްކޮށް ކޮށްފައިވާ ޕޯސްޓްގައި ބުނެފައި ވަނީ، ކަންނެލިމަސްވެރިން އެންމެ ރަނގަޅަށް އެންވެރިކަން ކުރަމުން އަންނަ އިހުރު ވައްބިންފަރު ކައިރިން ކޮންމެދުވަހަކު މަހާޖައްރާފު ވެލިނަގަމުން ދާތީ އެންވެރިކަން ހަލާކުވެއްޖެ ކަމަށާއި، މާލެ އަތޮޅުތެރެއިން ވެލިނެގުން މިއަދުން މިއަދަށް ހުއްޓުވުމަށް ކަމާއިބޭ އެންމެހާ ފަރާތްތަކަށް ގޮވާލާ ކަމަށެވެ.

މޯލްޑިވްސް ފިޝަރީޒް އިންޑަސްޓްރިއަލް ކޮމްޕެނީ ލިމިޓެޑް (މިފްކޯ) ބޯޑުގައި މަސްވެރިން ތަމްސީލް ކުރާނެ މަސްވެރިއަކު ބޯޑު މެމްބަރެއްގެ ގޮތުގައި އައްޔަނުކުރުަމަށްޓަކައި، އެކަމަށް ޝައުޤުވެރިކަން ފާޅުކުރުމަށް ފުރުޞަތު ހުޅުވާލާފައި ވަނީ މިއަދުއެެވެ.