Advertisement

ފިޝަރީޒް މިނިސްޓަރ އަޙްމަދު ޝިޔާމް އާއި މިފްކޯގެ އިސްބޭފުޅުން --

02 Jul 2024
ޚަބަރު
ޢަލީ ސުލައިމާން

މަސްގަންނަ އަގު ދަށްކޮށްގެންވެސް ވަޢުދުވީގޮތަށް މަސްވެރިންގެ އަތުން ގަންނަ މަހަށް 48 ގަޑިއިރު ތެރޭގައި ފައިސާ ނުދެވޭނެ ކަމުގައި ފިޝަރީޒް މިނިސްޓަރ ވިދާޅުވެއްޖެ

މަސްވެރިން ބާނާ މަސް މިފްކޯއަށް ގަންނަ އަގު ކުޑަކޮށް ހޯމަ ދުވަހުން ފެށިގެން ގެނެސްފައިވާ ބަދަލުތަކާއި އެކުގައިވެސް، ރިޔާސީ އިންތިޚާބުގެ ތެރޭގައި މަސްވެރިންނަށް ވީ ވަޢުދާއި އެއްގޮތަށް، 48 ގަޑިއރުގެ ތެރޭގައި މަސްވެރިން ކިރުވާ މަހަށް ފައިސާ ނުދެވޭނެ ކަމުގައި ފިޝަރީޒް މިނިސްޓަރ އަޙްމަދު ޝިޔާމް ވިދާޅުވެއްޖެއެވެ.

މިނިސްޓަރ ޝިޔާމް މިހެން ވިދާޅުވީ، ރާއްޖޭގެ ބައެއް މީޑިއާތަކާއި އިއްޔެ ބައްދަލުކުރައްވައި މަސްވެރިކަމުގެ ސިނާޢަތު ރަނގަޅު ކުރުމަށް ކުރައްވަމުން ގެންދަވާ މަސައްކަތްތަކާއި، މަސްވެރިންނަށް މިފްކޯއިން ދޭން ޖެހޭ ފައިސާ ދިނުމަށް ކުރައްވަމުން ގެންދަވާ މަސައްކަތް ތަކާއި ގުޅޭ ގޮތުން ވާހަކަފުޅު ދައްކަވަމުންނެވެ.

މިނިސްޓަރ ޝިޔާމް ވިދާޅުވީ، މަސްވެރިން ކިރުވާ މަހަށް 48 ގަޑިއިރުގެ ތެރޭގައި ފައިސާދެވޭނެ އިންތިޒާމްތައް ހަމަޖެއްސުމަކީ، ސަރުކާރުން ޙާސިލްކުރަން ބޭނުންވާ އަމާޒެއް ކަމަށެވެ. އެހެން ނަމަވެސް ކުރިޔަށް އޮތް 2 އަހަރުގެ ތެރޭގައިވެސް އެ ވަޢުދު ނުފުއްދޭނެ ކަމުގައި ފިޝަރީޒް މިނިސްޓަރ އިއްޔެ ވަނީ ފާހަގަކުރައްވާފައެވެ.

" 48 ގަޑިއިރުގެ ތެރޭގައި އަޅުގަނޑުމެންގެ ސަރުކާރުގައި ފައިސާ ދޭނެ ކަމުގެ ވަޢުދަކީ މިއީ، އަޅުގަނޑުމެން ތަޞައްވަރު ކުރާ ގޮތް އަސްލު. ސިނާޢަތަށް މި ހެޔޮ ބަދަލު ގެންނާނެ މިންވަރު ޙަޤީޤަތުގައި އަޅުގަނޑުމެން، އިނގޭތޯ؟ މިހިސާބަށް ވާޞިލްވުމަށްޓަކައި އަޅުގަނޑުމެން ކުރަންޖެހޭ މަސައްކަތްތައް މިއަދު މިކުރަނީ އިނގޭތޯ؟ މިބަދަލާއި އެކީގައި އަޅުގަނޑުމެންނަކަށް އަދި 48 ގަޑިއިރު ތެރޭގައި ފައިސާ ދެވޭނެ ގޮތެއް ނޯންނާނެ."

ފިޝަރީޒް މިނިސްޓަރ އަޙްމަދު ޝިޔާމް --

ފިޝަރީޒް މިނިސްޓަރ ޝިޔާމް ވިދާޅުވީ، 48 ގަޑިއިރުގެ ތެރޭގައި ފައިސާ ދިނުމަށް ސަރުކާރުން ވަޢުދުވެފައިވާތީ އެވާކަތައް ދެކެވުނު ނަމަވެސް މަސްވެރިންނަށްވެސް އެންމެ ޕްރެކްޓިކަލް ގޮތެއްގައި ފައިސާދިނުމަށް ސަރުކާރަށްވެސް ފެނިވަޑައިގަންނަވަނީ ކޮންމެ ހަފްތާއަކުން ހަފްތާއަކުން ފައިސާ ދިނުން ކަމުގައި މިނިސްޓަރ ޝިޔާމް ވިދާޅުވިއެވެ. އަދި މަސްވެރިންވެސް އެދެނީ ހަފްތާއިން ހަފްތާއަށް ފައިސާ ލިބުން ކަމަށާއި، 48 ގަޑިއިރުގެ ތެރޭގައި މަސްވެރިންނަށް ފައިސާ ދޫކުރެވޭ ހިސާބަށް ދެވޭނީ، މިފްކޯއަކީ ފައިދާވާ ކުންފުންޏަކަށް ހެދިގެން ކަމަށެވެ. އަދި އަމާޒަކީ މިފްކޯއަކީ ސަރުކާރުންދޭ ސަބްސިޑީއާ ފައިސާއަށް ބަރޯސާ ނުވެ ހިންގާ ކުންފުންޏަކަށް ހެދުމަކީ އަމާޒު ކަމަށާއި، މިހާރު ގެންނަމުންދާ ބަދަލުތަކާއި އެކީގައި، 2026 ވަނަ އަހަރުގެ އޮގަސްޓް މަހުގެ ނިޔަލަށް އެ ހިސާބަށް ވާޞިލްވެވޭނެ ކަމަށް އަމާޒު ހިފާފައިވާ ކަމަށެވެ.

ކޮމެންޓް
އިއްބެ
ވެރިމީހާދުލުން ރައްޔިތުންނަނަށް ވަޢުދެއްވެއްޖެނަމަ އެވަޢުދު ފުއްދުމަކީ އެވެރިމީހާގެމައްޗަށް ލާޒިމުކަމެކެވެ ވަޢުދުނުފުދުމަކީޚާއްސަކޮށް ވަޢުދާއިޚިލާފުވުމަކީ ޔަހޫދީންގެކަމެކެވެ އެފަދަމީހުންވެރިކަމުން ބަރީއަވާންޖެހެއެވެ
02 Jul 2024
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.