މެރިން ހެޗަރީ ސްކިލްސް ޑިވެލޮޕްމަންޓް ޕްރޮގްރާމްގެ އަސާސީ ޓްރެއިނިންގ ކޯހުގެ ފުރަތަމަ ބުރު ނިންމާލައިފިއެވެ.

މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސް ހާމަކުރައްވާފައިވާ ގޮތުގައި، މިޕްރޮގްރާމަކީ، ފަރުމަސް އާލާ ކުރުމަށް ބޭނުންވާ ހެޗަރީތައް ޤާއިމުކުރާނެ ގޮތާއި މެރިކަލްޗަރގެ ހުނަރުތައް ޒުވާނުންނަށް ދަސްކޮށްދިނުމަށް ކުރިއަށް ގެންދެވުނު ތަމްރީނު ޕްރޮގްރާމްއެކެވެ.

މިތަމްރީން ޕްރޮގްރާމް ކުރިޔަށް ގެންގޮސްފައި ވަނީ، މި މަހުގެ 8 ވަނަ ދުވަހުން ފެށިގެން، ކ. މަނިޔަފުށި ، މެރިކަލްޗަރ ރިސާރޗް އެންޑް ޓްރޭނިންގ ސެންޓަރުގައެވެ. މެރިން ހެޗަރީ ސްކިލްސް ޑިވެލޮޕްމަންޓް ޕްރޮގްރާމްގެ އަސާސީ ޓްރެއިނިންގ ކޯހުގެ ފުރަތަމަ ބުރު ފުރިހަމަކޮަށް 14 މީހުން ވަނީ ސެޓްފިކެޓް ހާސިލްކޮށްފައެވެ.

މި ތަމްރީން ޕްރޮގްރާމްގައި ވަނީ، ފާނަ، ހުއިފި ލަނޑާ، ދިވެހި މާގަނޑުމަހުގެ އިތުރުން އިތާމުތް އާލާކޮށް ދިރުވާނޭ ގޮތްތައް ދަސްކޮށްދީފައެވެ.