މަސްކިރުވުމަށްފަހު، ސަރުކާރުގެ ކުންފުނި މިފްކޯއިން މަސްވެރިންނަށް ދޫނުކުރެވި ހުރި ފައިސާގެ ތެރެއިން 100 މިލިއަން ރުފިޔާ މާދަމާ މަސްވެރިންނަށް ދޫކުރާނެ ކަމުގައި ފިޝަރީޒް މިނިސްޓްރީ އާއި މިފްކޯއިން ވިދާޅުވެއްޖެއެވެ.

އެ މިނިސްޓްރީން ވިދާޅުވީ، މަސްވެރިންނަށް މިހާތަނަށް ނުދެވިހުރި ފައިސާ ދިނުމަށް ސަރުކާރުން ކުރަމުންދާ މަސައްކަތުގެ ތެރެއިން މާދަމާ މަސްވެރިންނަށް 100 މިލިޔަން ރުފިޔާ ދޫކުރުމަށް ނިންމާފައި ވާކަމަށެވެ. މިފްކޯއިންވެސް ވިދާޅުވީ، ދިވެހި މަސް އޮޑިފަހަރަށް ދައްކަންޖެހޭ ފައިސާގެ ތެރެއިން 100 މިލިއަން ރުފިޔާ މާދަން ދައްކާގޮތަށް ހަމަޖައްސާފައިވާ ކަމަށާއި، މަސްވެެރިންގެ ފަރާތުން މިފްކޯއަށް ދެއްވަމުން ގެންދަވާ އެއްބާރުލުމަށް ނިހާޔަތަށް ޝުކުރު ދަންނަވާ ކަމަށެވެ.

މަސްވެރިން ކިރުވާ މަހަށް ފައިސާ ނުދެވޭ މައްސަލަގައި މަސްވެރިންގެ ފާޑުކިޔުންތަކާއި ނުރުހުން ސަރުކާރަށް ވަނީ އަމާޒުވެފައެވެ. އަދި މަސްވެރިންނަށް ފައިސާ ނުލިބުމުގެ ސަބަބުން އެކަމުގެ ދަތިކަށް މަސްވެރިންގެ އާއިލާތަކުން ވަނީ ވަރަށް ބޮޑަށް ތަހައްމަލު ކުރަންޖެހިފައި ކަމަށް ބުނެ މަސްވެރިން ވަނީ ސަރުކާރާއި  މެދު ސޯޝަލް މީޑިއާގައި ނުރުހުން ފާޅުކޮށްފައެވެ.