އާސަންދައިގެ ދަށުން އައިވީއެފް ހެދުމަށް ބޭނުންވާ ފަރާތްތަކުން އެކަމަށް އެދި ހުށައެޅުމަށް މިއަދުން ފެށިގެން ފުރުޞަތު ހުޅުވާލައިފިއެވެ.

އިއްޔެއިން ފެށިގެން ފުރުޞަތު ހުޅުވާލާފައި ވާއިރު، އައި.ޔޫ.އައި އަދި އައި.ވީ.އެފްގެ ފަރުވާތަކަށް އާސަންދަ ފޯރުކޮށް ދިނުމުގެ އުސޫލު އެކުލަވާލައި މިހާރު ވަނީ، ހުސްވި ފެބުރުއަރީ މަހުގެ 22 ވަނަ ދުވަހު ވަނީ އާއްމުކޮށްފައެވެ.

އުސޫލުގައި ބަޔާންކޮށްފައިވާ ގޮތުން އާސަންދަ މެދުވެރިކޮށް ދަރިމައިވުމުގެ ފަރުވާތައް ހޯދޭނީ އެއުސޫލުގައި ބަޔާންކޮށްފައިވާ ޝަރުޠުތައް ފުރިހަމަވާ ފަރާތްތަަކަށެވެ.

އެހެންނަމަވެސް މިއަހަރު އެ ފުރުޞަތު ދިނުމަށް ނިންމާފައި ވަނީ، ފޯމްތައް ހުށައަޅާ ފަރާތްތަކުގެ ތެެރެއިން އެންމެ މަތިން، ޕޮއިންޓް ލިބޭ ފުރަތަމަ 100 ދެމަފިރިންނަށެވެ.

އާސަންދައިގެ ދަށުން އައިވީއެފް ހެދުމަށް ބޭނުންވާ ފަރާތްތަކުން އެކަމަށް އެދި ހުށައެޅުމަށް ބޭނުންވާ ފޯމް، އާސަންދައިގެ ވެބްސައިޓުން ލިބެން ހުއްނާނެ ކަމަށާއި އަދި އެކަމާއި ގުޅޭ އުސޫލު ގެޒެޓްކުރެވިފައިވާ ކަމުގައިވެސް އާސަންދަ ކުންފުނިން ވަނީ ބުނެފައެވެ.

އާސަންދައިގެ ދަށުން އައިވީއެފް ހެދުމަށް ބޭނުންވާ ފަރާތްތަކުން އެކަމަށް އެދި ހުށައެޅުމަށް ދީފައިވާ ސުންގަނޑިއަކީ، މިއަހަރުގެ މެއި މަހުގެ 15 ވަނަ ދުވަހެވެ.

* އާސަންދަ މެދުވެރިކޮށް "އައި.ޔޫ.އައި" އަދި "އައި.ވީ.އެފް"ގެ ފަރުވާތައް އާސަންދަ ސްކީމް މެދުވެރިކޮށް ފޯރުކޮށްދިނުމާއި ގުޅޭ އުސޫލު