ސްޕެނިޝް ލަ ލީގާގައި ޖިރޯނާ މި ހަފްތާގެ މެޗު ވެސް ކާމިޔާބު ކުރުމުން، ރިއާލް މެޑްރިޑުން 3 ޕޮއިންޓު ހޯދި ނަމަވެސް ލީގުގެ އެއްވަނައަށް އަނބުރާ އެރޭގޮތެއް އެ ޓީމަކަށް ނުވިއެވެ. ޖިރޯނާއިން ހޯދި 3 ޕޮއިންޓާއެކީ މި ހަފްތާ ވެސް އެ ޓީމު ނިންމާލާނީ ލީގުގެ އެއްވަނައިގައި އޮވެއެވެ.

ޖަރުމަނު ބުންޑަސް ލީގާ ގައި ރޭ ހެއިޑެންހެއިމްއާ ބެޔާން މިޔުނިކް ބައްދަލުކުރި މެޗުގައި އިތުރު 2 ގޯލު ކާމިޔާބުކޮށް، އެ ލީގުގައި 11 މެޗުން އެންމެ ގިނަ ގޯލު ޖެހި ކުޅުންތެރިޔާގެ ރެކޯޑު އިނގިރޭސި ކެޕްޓަން ހެރީ ކޭން އައުކޮށްފިއެވެ. ކުރިން މި ރެކޯޑް އޮތީ 11 މެޗުން 16 ގޯލު ކާމިޔާބުކުރި ރޮބާޓް ލެވަންޑޯސްކީ އަތުގައެވެ. އެއީ 2019 ވަނަ އަހަރު ލެވަންޑޯސްކީ އައުކުރި ރެކޯޑެކެވެ.

އޭއެފްސީ ކަޕްގެ ގްރޫޕް ޑީ ގައި ދިވެހިރާއްޖޭގެ މާޒިޔާ ސްޕޯޓްސް އެންޑް ރެކްރިއޭޝަން ކްލަބާއި އިންޑިއާގެ އޮޑިޝާ އެފްސީ ބައްދަލުކުރި މެޗު 3-2 އިން އޮޑިޝާއިން ކާމިޔާބު ކޮށްފިއެވެ. ގަލޮޅު ދަނޑުގައި ކުޅުނު މި މެޗުން ލިބުނު ނާކާމިޔާބީއާއެކީ މުބާރާތުގައި ކުރިޔަށް ދިއުމުގެ ފުރުސަތު މާޒިޔާއަށް މިވަނީ ގެއްލިފައެވެ. އެއީ މި ގްރޫޕްގެ އަނެއް މެޗުގައި ބަޝުންދަރަ ކިންގްސް އިން މޯހަން ބަގާން މިރޭ ބަލިކުރުމާ ގުޅިގެންނެވެ.

އިންގްލިޝް ޕްރިމިއަރ ލީގުގައި ހޯމަ ދުވަހުގެރޭ ޓޮޓެންހަމް ހޮޓްސްޕަރ ސްޓޭޑިއަމްގައި، ޓޮޓެންހަމް ހޮޓްސްޕަރ އާއި ޗެލްސީ ބައްދަލުކުރި މެޗު 4-1 އިން ޗެލްސީ ކާމިޔާބުކޮށްފިއެވެ. މި ބައްޔާއެކު ލީގުގެ އެއްވަނައަށް އަނބުރާ އެރުމަށް ސްޕާސްއިން ކުރަމުން ދިޔަ އުއްމީދު ގެއްލި، މިހާރު އެ ޓީމު އޮތީ 26 ޕޮއިންޓާއެކު، މެންޗެސްޓަރ ސިޓީއަށް ވުރެން 1 ޕޮއިންޓު ފަހަތުގައި، ލީގުގެ 2 ވަނައިގައެވެ.

އާދީއްތަ ދުވަހުގެރޭ ރެއާލް މެޑްރިޑާއި ރަޔޯ ވަލެކާނޯ ބައްދަލުކުރި މެޗު 0-0 ން އެއްވަރުވުމުން، ޖިރޯނާއަށް ސްޕެނިޝް ލަ ލީގާގެ އެއްވަނައިގައި 2 ޕޮއިންޓުގެ ލީޑެއް ލިބިއްޖެއެވެ. މިއީ ޖިރޯނާގެ ތާރީހުގައި ވެސް، ސްޕެނިޝް ލީގުގެ އެއްވަނައިގައި މިވަރުގެ ލީޑެއް ލިބުނު ފުރަތަމަ ފަހަރެވެ.

އައިސީސީ ކްރިކެޓް ވޯލްޑް ކަޕްގައި ގްރޫޕްގެ އެއްވަނައިގައި އޮތް އިންޑިއާ އާއި ދެވަނައިގައި އޮތް ސައުތު އެފްރިކާ ބައްދަލުކުރި މެޗު، ހީކުރިގޮތާ މުޅިން ހިލާފަށް ވަރަށް ފަސޭހަކަމާއެކު އިންޑިއާއިން ކާމިޔާބުކޮށްފިއެވެ. އިންޑިއާއިން މެޗު ކާމިޔާބުކުރީ 243 "ރަން" އިންނެވެ.

ޖަރުމަން ބުންޑަސް ލީގުގައި ހޮނިހިރު ދުވަހު ބެޔާން މިއުނިކުން ބޮރޫޝިއާ ޑޯޓްމަންޑާ ބައްދަލުކުރި މެޗު 4-0 ކާމިޔާބުކުރިއިރު، އެ ޓީމުގެ އިންގްލަންޑް ފޯވާޑް، ހެރީ ކޭން މިވަނީ އަނެއްކާވެސް ހެޓްރިކެއް ހަދާފައެވެ. އޭނާވަނީ މިދިޔަ ހަފްތާގެ މެޗުގައި ވެސް ހެޓްރިކެއް ހަދާފައެވެ.

އިންގްލިޝް ޕްރިމިއަރ ލީގުގައި ހޮނިހިރު ދުވަހުގެ ރޭ ނިއުކާސްލް ޔުނައިޓެޑްގެ ސޓ. ޖޭމްސް ޕާކްގައި އެ ޓީމުން އާސެނަލްއާ ބައްދަލުކުރި މެޗުން ކުރި ހޯދައި، މި ސީޒަންގައި އާސެނަލް ބަލިނުވެ ހިފަހައްޓަމުން އައި ރެކޯޑަށް ނިމުމެއް ގެނުވައިފިއެވެ. ނިއުކާސްލްއިން 1-0 އާސެނަލްގެ މައްޗަށް ކުރިހޯދިއިރު، އެ ޓީމުގެ ގޯލު ކާމިޔާބުކޮށްދިނީ 64 ވަނަ މިނެޓުގައި އެންތޮނީ ގޯޑަންއެވެ.

61 ވަނަ ގައުމީ ޓޭބަލް ޓެނިސް މުބާރާތުގެ ފުރަތަމަ ޑިވިޝަންގެ އަންހެން ސިންގަލްސް ޗެމްޕިއަންކަން ފާތިމަތު ދީމާ އަލީ ހޯދައިފިއެވެ. ބުރާސްފަތި ދުވަހުގެ ރޭ ކުޅުނު މެޗުން ދީމާ މި ހޯދި ކާމިޔާބީއާއެކީ، އޭނާ ވެގެން ގޮސްފައިމިވަނީ ވިދިވިދިގެން ގައުމީ ތަށި 4 ފަހަރު ހޯދި ހަމައެކަނި ކުޅުންތެރިޔާއަށެވެ.

މުންސިފްއަކީ މި ތަށި 11 އަހަރު ހޯދާފައިވާ ރާއްޖޭގެ އެންމެ ކާމިޔާބު ޓޭބަލް ޓެނިސް ކުޅުންތެރިޔާއެވެ. ނަމަވެސް މުންސިފް ބަލިކުރަން މިހާރު ޝައްފާން ދަސްކޮށްފިއެވެ. މިދިޔަ އަހަރުގެ ގައުމީ ފައިނަލްގައި މުންސިފް ބަލިކުރުމުގެ އިތުރުން، ޝައްފާންގެ މި ތައްޓަކީ މުންސިފާ ދެކޮޅަށް މި އަހަރު ހޯދި ދެވަނަ ތައްޓެވެ. މިދިޔަ ހަފުތާގައި ނިމިގެން ދިޔަ އެސޯސިއޭޝަން ކަޕްގެ ޗެމްޕިއަންކަން ވެސް އޭނާ ހޯދީ މުންސިފް ބަލި ކުރުމަށް ފަހުއެވެ.

ފުރަތަމަ އިނިންގްސްގައި އިންޑިއާއިން ކުޅެން ނިކުމެ، އެ ޓީމުގެ ވިރާތް ކޯލީއާއި ޝުބްމަން ގިލް އަދި ޝްރެޔަސް އިޔާ ވަނީ ކޮންމެ ކުޅުންތެރިއަކު "ހާފް ސެންޗަރީ" ނުވަތަ 50 ލަނޑު ހަދާފައެވެ. މީގެ ބޭނުން އިންޑިއާގައި އެންމެ މޮޅަށް ބޯޅަ އުކާ ކުޅުންތެރިން ހިފިއެވެ. އެގޮތުން ސްރީލަންކާއިން 55 ލަނޑު ހެދިއިރު، އެ ޓީމުގެ ހުރިހާ ކުޅުންތެރިން ނުބައިކޮށް އިންޑިއާއިން މެޗު ކާމިޔާބުކުރިއެވެ.

މިހާރު ކުރިއަށްދާ އިންޓަ ސްކޫލް ވޮލީ މުބާރާތުގެ 16 އަހަރުން ދަށުގެ އަންހެން ފައިނަލުގައި އދ.ކުނބުރުދޫ ސްކޫލް ބަލިކޮށް، ފ. އަތޮޅު މަދަރުސާއިން މުބާރާތް ކާމިޔާބުކޮށްފިއެވެ. އެ ސްކޫލުން ފައިނަލް މެޗު ކާމިޔާބުކުރީ ސީދާ 3 ސެޓުންނެވެ. މިއީ 2019 ވަނަ އަހަރު އެ ސްކޫލުން ވާދަކުރި އުމުރު ފުރާތަކުގެ ތެރެއިން ގެއްލުނު ހަމައެކަނި ތައްޓެވެ.

މިހާރު ކުރިއަށްދާ އިންޓަ ސްކޫލް ވޮލީ މުބާރާތުގެ 16 އަހަރުން ދަށުގެ ފިރިހެން ފައިނަލްގައި އދ. މާމިގިލީގެ އދ. އަތޮޅު މަދަރުސާއާ ވާދަކޮށް، އދ. ކުނބުރުދޫ ސްކޫލުން ހޯދައިފިއެވެ. ކުނބުރުދޫ ސްކޫލުގެ ފިރިހެން ޓީމުން މި މެޗު ކާމިޔާބުކުރީ ސީދާ 3 ސެޓުންނެވެ.

ވޯލްޑް ކަޕް 2034 ބާއްވާނީ އޭޝިއާ އަދި އޯޝޭނިއާގައިކަމަށް ފުޓުބޯޅައިގެ މައި އިދާރާ ފީފާއިން ބުނުމާ ގުޅިގެން، ސައުދީއިން ވަނީ އޮކްޓޯބަރު މަހުގެ ކުރީކޮޅު މިކަމަށް ޝައުގުވެރިކަން ފާޅުކޮށް، ފީފާއަށް ސިޓީ ފޮނުވާފައެވެ. އަދި އޮސްޓްރޭލިއާއިން ނިންމި ނިންމުމާ ގުޅިގެންނާއި، އޮކްޓޯބަރ 31 އަށް ވޯލްޑް ކަޕް ބޭއްވުމުގެ ޝައުގުވެރިކަން އޮތްކަން ފީފާއަށް ހުށަހެޅުމަށް ހުޅުވާލާފައި އޮތް ފުރުސަތުގެ މުއްދަތު ހަމަވާނެތީވެ، ވޯލްޑް ކަޕް ބޭއްވުމުގެ ބިޑް ނޮވެމްބަރ 30 ގައި ހުށަހަޅާނީ ސައުދީއިން އެކަންޏެވެ.

ހޯމަ ދުވަހުގެ ރޭ ޕެރިހުގައި ބޭއްވި 'ފްރާންސް ފުޓްބޯލް ބެލަން ޑިއޯ' އެވޯޑް ޝޯވ ގެ އެންމެ ޙާއްސަ އެވޯޑް، މިދިޔަ ސީޒަންގައި މޮޅު ކުޅުމެއްދައްކާ އަދި އާޖެންޓީނާއާ އެކު ވޯލްޑް ކަޕް ކާމިޔާބުކުރި ލިއޮނެލް މެސީ އަނެއްކާވެސް ކާމިޔާބުކޮށްފިއެވެ. މި އެވޯޑާއެކު މެސީ މިވަނީ ޖުމްލަ 8 ފަހަރަށް ބެލަން ޑިއޯ އެވޯޑް ކާމިޔާބުކޮށްފައެވެ.

މެންޗެސްޓަރ ޔުނައިޓެޑްގެ އޯލްޑް ޓްރެފަޑްގައި ކުޅުނު ޑާބީ މެޗުން މެންޗެސްޓަރ ސިޓީ 3-0 ން މޮޅުވިއިރު، އާރލިން ހާލަންޑް ދެ ގޯލު ކާމިޔާބުކޮށް، އިންގްލިޝް ޕްރިމިއަރ ލީގުގެ ރެކޯޑެއް ހަދައިފިއެވެ. މި މޮޅާއެކު ސިޓީއިން މިވަނީ ލީގުގެ އެއްވަނައިގައި އޮތް ޓޮޓެންހަމާ 2 ޕޮއިންޓް ކައިރިއަށް ޖެހިލާފައެވެ.