Advertisement

ރައީސް ޞާލިހްގެ އަރިހުގައި މިނިސްޓަރ މަހްލޫފް

14 Nov 2023
ކުޅިވަރު

ރާއްޖޭގެ ކުޅިވަރަށް އިންގިލާބީ ބަދަލެއް ގެނެވުނުކަމުގެ އިހްސާސް ކުރެވޭ: މަޙްލޫފް

ރައީސް އިބްރާޙިމް މުޙައްމަދު ޞާލިޙްގެ ކެބިނެޓުގެ ކުޅިވަރުގެ ވަޒީރުގެ ހައިސިއްޔަތުން، ދިވެހި ރާއްޖޭގެ ކުޅިވަރަށް އިންގިލާބީ ބަދަލެއް ގެނެސް، ތާރީހުގައި ލިބުނު އެންމެ ބޮޑެތި ބައިނަލްއަޤްވާމީ ކާމިޔާބީތައް ހޯދައިދިނުމުގައި އިސް ދައުރެއް އަދާކޮށްދެވުނުކަމުގެ އުފާ ލިބޭ ކަމަށް އަޙްމަދު މަހްލޫފް ވިދާޅުވެއްޖެއެވެ. މިނިސްޓަރ މި ވާހަކަ ހިއްސާކުރެއްވީ ސޯޝަލް މީޑިއާގައި ކުރެއްވެވި ޕޯސްޓެއްގައެވެ.

ވަޒީރުކަމުގެ 5 އަހަރުގެ ދައުރަށް އަލިއަޅުވާލައްވަވާ ކުރެވެވި ޕޯސްޓްގައި ގިނަ ވާހަކަތަކެއް މިނިސްޓަރ މަޙްލޫފް ޙިއްސާ ކުރެއްވެވިއެވެ. އެގޮތުން ފުޓުބޯޅަ ކުޅޭ ދަނޑުތައް ތަރައްގީ ކުރުމަށް ފެށުނު މަސައްކަތުގެ ތެރެއިން، 150 އަށް ވުރެން ގިނަ ރަށުގައި މަސައްކަތްތައް ކުރިޔަށް ގެންދިޔައިރު، 55 ދަނޑެއްގެ މަސައްކަތް މުޅިން ނިންމާލެވިފައިވާކަމަށް ވިދާޅުވިއެވެ. އަދި 40 އަށް ވުރެން ގިނަ ވޮލީ ކޯޓު ނިންމުނު ކަމަށާއި، 50 ވަރަކަށް ވޮލީކޯޓުގެ މަސައްކަތްތައް މިހާރު ވެސް ކުރިޔަށްދާކަމަށް ވިދާޅުވިއެވެ. މީގެ އިތުރުން ކުޑަކުދިންގެ ޕާކު އެޅުމަށް 160 އަށް ވުރެން ގިނަ ރަށަށް ތަކެތި ފޮނުވުނުކަމަށް ވެސް މަހްލޫފް ފާހަގަ ކުރެއްވެވިއެވެ.

މި ވާހަކައިގެ ތެރެއިން އިތުރު ކަމެއް ވެސް މިނިސްޓަރ މަޙްލޫފް ފާހަގަ ކުރެއްވެވިއެވެ. އެއީ މަޝްރޫއުތައް ހިންގާ ރަށްރަށުގެ ތެރެއިން މަސައްކަތް ނުނިމިގެން ރަށްރަށުން ކުރާ ޝަކުވާތަކާއި، އެއް ރަށަށް ލިބޭ ޕްރޮޖެކްޓްތައް އަނެއް ރަށަށް ނުލިބިގެން ކުރަމުން ދިޔަ ޝަކުވާތަކުގެ ވާހަކައެވެ. މި މައްސަލައަށް އަލިއަޅުވާލާ މިނިސްޓަރ ވިދާޅުވީ، ނުވާކަންކަމުގެ ވާހަކަ ދެއްކުމަކީ މައްސަލައެއް ނުންކަމަށާއި، ނަމަވެސް ގަސްތުގައި އެއްވެސް ރަށަކަށް އެ މަނިކުފާނު އިހުމާލުވެފައި ނޯންނާނެކަމަށެވެ. އަދި އެ މަނިކުފާނު އަބަދުވެސް މަސައްކަތްކުރެއްވީ ހުރިހާ ރަށަކަށް ވެސް ގިނަ ކަންތައްތަކެއް ކޮށްދެވޭތޯ ކަމުގައި ވިދާޅުވިއެވެ.

އެ މަނިކުފާނުގެ ވާހަކައިގައި ދެން ފާހަގަ ކުރެއްވީ، ނުނިންމުނު މުހިންމު މަސައްކަތްތަކުގެ ވާހަކައެވެ. އެގޮތުން ސްވިމިންގ ޕޫލް ނުނިންމުނިތީ އެކަމާ ހިތާމަކުރާ ކަމަށާއި، ނަމަވެސް މި މަސައްކަތް ކުރުމަށް ސްވިމިންގ އެސޯސިއޭޝަނާ އެއްބަސްވެވުނު ގޮތާ އެއްގޮތަށް ޕޫލް ތަރައްގީކުރުމަށް ކަނޑައެޅި ބިން އެ ސޯސިއޭޝަނާ ހަވާލުކޮށްފައި އޮންނަތާ 4 އަހަރު ވެފައި ވާކަމަށް ހިއްސާކުރެއްވެވިއެވެ. މި މަސައްކަތަށް އަމިއްލަ ފަރާތަކުން އިންވެސްޓް ކުރުމަށް ނިންމާފައިވާއިރު، މި މަސައްކަތުގެ އެއްބަސްވުމުގައި މިހާރު ސޮއިކުރައްވާފައިވާކަމަށް ވެސް މިނިސްޓަރ ފާހަގަ ކުރެއްވެވިއެވެ.

މީގެ އިތުރުން، ގަލޮޅު ފުޓުބޯޅަ ދަނޑާއި، އައްޑޫ، ފުވައްމުލަށް، ކުޅުދުއްފުށި، އަދި ތިނަދޫ ސިންތެޓިކް ޓްރެކް، ނެޝަނަލް ޓީޓީ ސެންޓަރު، ނެޝަނަލް ބާސްކެޓު ބޯޅަ އެރީނާ، އަދި ނެޝަނަލް ވޮލީބޯލް ޓްރެއިނިންގ ސެންޓަރުގެ އަމަލީ މަސައްކަތް ނުފެށުނީތީ ހިތާމަކުރައްވާކަމަށް ވެސް ވިދާޅުވެފައިވެއެވެ. ނަމަވެސް 40 މިލިއަން ޑޮލަރުގެ މި މަސައްކަތްތަކުގެ ފުރަތަމަ މަރުހަލާ މިހާރު ކުރިޔަށްދާތީ ހިންހަމަޖެހޭކަމަށް ވިދާޅުވިއެވެ.

މިނިސްޓަރުގެ ވާހަކަފުޅު ކުރުކޮށްލެއްވީ މި މަސައްކަތްތަކުގައި އެ މަނިކުފާނާއިއެކު މަސައްކަތް ކުރެވި ހުރިހާ ބޭފުޅުންނަށް ޝުކުރު އަދާކުރުމަށް ފަހުއެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.