ގައުމީ ވޮލީބޯޅަ މުބާރާތުގެ ޗެމްޕިއަންކަން ދިވެހި ސިފައިންގެ ކްލަބުން ހޯދައިފިއެވެ. ދިވެހި ސިފައިންގެ ކްލަބުން މުބާރާތް ކާމިޔާބުކުރީ، ފައިނަލުގައި 3-1 ސެޓުން ކްލަބް އާބަންކޯ ބަލިކޮށްގެންނެވެ.

މީގެ ދެ ހަފްތާ ކުރިން ހޯދި އެސޯސިއޭސަން ކަޕްގެ ކާމިޔާބަށްފަހު، ގައުމީ ވޮލީބޯލް މުބާރާތުގެ އަންހެން ޑިވިޝަނުގެ ތަށި ވެސް ވެމްކޯއިން އުފުލާލައިފިއެވެ. ކައިރިކައިރީގައި ވެމްކޯއިން މި ހޯދި ދެ ތައްޓަކީ ވެސް، ޕޮލިސް ކްލަބް ބަލިކޮށް ހޯދި ދެ ތަށިކަން ފާހަގަ ކޮށްލަން ޖެހެއެވެ.

އެއް ފެންވަރެއްގައި ނަވާރަ އަހަރު ވަންދެން ފުޓުބޯޅަ ކުޅުމަށްފަހު ނިމިދިޔަ 2023 ވަނަ އަހަރުގެ ފަހުކޮޅު ފުޓުބޯޅައިން ރިޓަޔާކުރި އަބްދުﷲ ހަނީފް (ބެންޖޯ)ގެ ކާމިޔާބީތަކުގެ ސިއްރަކީ އޭނާގެ "ޑިސިޕްލިން" ކަމާމެދު އެއްވެސް ޝައްކެއް ނެތެވެ. އުމުރުން މިހާރު 39 އަހަރުގެ ބެންޖޯ "ނޫން" އަށް ދިން ޙާއްސަ އިންޓަވިއުއެއްގައި ފާހަގަކުރި ގޮތުން، ދަނޑުމަތީގަ އާއި ދަނޑުން ބޭރުގައި އޭނާ އެންމެ އިސްކަންދޭ އެއް ކަމަކީ ކުޅުންތެރިއެއްގެ އަހުލާގު ހިފެހެއްޓުމެވެ. މިއީ މިހާރުގެ ކުޅިވަރު ކުޅުންތެރިން ބެންޖޯގެ ކެރިއަރުން ދަސްކުރަންވީ އެންމެ މުހިންމު އެއް ފިލާވަޅެވެ.

ސްޕެނިޝް ކޮޕަ-ޑެލް-ރޭގައި ރޭ އެ ގައުމުގެ ހަތަރުވަނަ ޑިވިޝަންގެ އެންމެ ފުލުގައި އޮތް އެރަންޑިނާ އާއި ރިއާލް މެޑްރިޑް ބައްދަލުކުރި މެޗުގެ ފުރަތަމަ އެގާރައިން، މެޑްރިޑްގެ ތަރި ޖޫޑް ބެލިންގްހަމްއަށް ކާލޯ އެންޗަލޮޓީ ފުރުސަތު ދީފައި ނުވިނަމަވެސް، އޭނާ ބެންޗުގައި އިނދެ ދެއްކި ހިތްހެޔޮކަން ދުނިޔޭގެ ޚަބަރުތަކުން ޖާގަ ހޯދައިފިއެވެ.

ގައުމީ ވޮލީ ލީގުގެ ޗެމްޕިއަންކަން ދިވެހި ސިފައިންގެ ކްލަބުން (ޑީއެސްސީ) ހޯދައިފިއެވެ. އެ ކުލަބުން ލީގު ހާސިލްކުރީ، ސޯޝަލް ސެންޓަރުގެ އެތެރޭ ކޯޓުގައި ރޭ ކުޅުނު، ލީގުގެ ފަހު މެޗުން ސީދާ 3 ސެޓުން ޕޮލިސް ކްލަބް ބަލިކުރުމަށްފަހުއެވެ.

އެފްއޭއެމްގެ ރައީސަކު އިންތިހާބު ކުރުމަށް ބާއްވަން އުޅޭ އިންތިހާބުގައި ވާދަކުރުމަށް ރައްޔިތުންގެ މަޖިލީހުގެ މަހިބަދޫ ދާއިރާގެ މެމްބަރު، އަހްމަދު ޠާރިގު (ޓޮމް)، ހުށަހަޅާފައިވާ ކްލަބް ވެލެންސިއާގެ ތާއީދު ސިޓީގައި ސޮއިކޮށްފައިވާ އެ ކްލަބުގެ ޗެއާމަން، އަބްދުﷲ އަޒްމީން، އިންތިއުފާ ދިންކަމަށް ބުނެ އެ ކްލަބުގެ ރަސްމީ އީމެއިލުން ފޮނުވާފައިވާ ސިޓީގެ މައްސަލަ ފުލުހުންނަށް ހުށަހަޅައިފިއެވެ.

އިނގިރޭސިވިލާތުގެ "ޗެމްޕިއަންޝިޕް" ނުވަތަ ދެވަނަ ޑިވިޝަނުގައި ވާދަކުރަމުން އަންނަ ބާމިންގްހަމް ސިޓީއަށް ކޯޗުކޮށްދެމުން އަންނަ ވޭން ރޫނީ އޭނާގެ ވަޒީފާއިން ވަކިކޮށްފިއެވެ.

އިންގްލިޝް ޕްރިމިއަރ ލީގުގައި ރޭ ނިއުކާސްލް ޔުނައިޓެޑާއި ދެކޮޅަށް ލިވަޕޫލް ކުޅުނު މެޗު 4-2 އިން ލިވަޕޫލް ކާމިޔާބުކޮށްފިއެވެ. މިއީ އެފްރިކަން ކަޕް އޮފް ނޭޝަންސް (އެފްކޮން) އަށް ފުރުމުގެ ލިވަޕޫލްގެ މުޙައްމަދު ސަލާހް ކުޅޭނެ އެންމެ ފަހު މެޗެވެ. އެހެންކަމުން، ޖެނުއަރީ 7 ވަނަ ދުވަހު އާސެނަލްއާ ދެކޮޅަށް ކުޅޭ ފުޓްބޯޅަ އެސޯސިއޭޝަން ކަޕް (އެފްއޭ ކަޕް) ގެ މެޗުވެސް އޭނާއަށް ގެއްލޭނެއެވެ.

ފުޓުބޯޅަ އެސޯސިއޭޝަން އޮފް ދަ މޯލްޑިވްސް (އެފްއޭއެމް)ގެ ރައީސަކު އިންތިހާބު ކުރުމަށް ބާއްވާ އިންތިހާބުގައި، ކޮމިޝަނަރ އޮފް ސްޕޯޓްސް، މުޙައްމަދު ޠަލާލު ވަކިކޮޅަކަށް ޖެހިފައިވާކަމަށް، އެ އިންތިހާބުގައި ވާދަކުރައްވާ ކްލަބް އީގަލްސްގެ ސީއީއޯ މުފާވިޒު ހާޝިމު (މުފާ) ތުހުމަތުކޮށްފިއެވެ.

ގިނަ ދުވަސްތަކެއް ވަންދެން ލީގުގެ އެއްވަނައިގައި އޮތުމަށްފަހު، ޖެހިޖެހިގެން ދެ މެޗުން ބަލިވެފައިވުމާ، މެޗުތަކުން މޮޅު ވުމުގެ ރޭޓު ދައްވެފައިވުމީ، ލީގު ހޯދުމަށް އާސެނަލް ކުރަމުންދާ މަސައްކަތްތަކަށް ހިތި ނިމުމެއް އައުމުގެ ފެށުންބާއެވެ؟

ސޯޝަލް މީޑީއާގައި ޓޮމް ހިއްސާކުރައްވާފައިވާ ގޮތުގައި، އެފްއޭއެމްގެ އިންތިހާބުގައި ވާދަކުރުމަށް، މުފާ ހުށަހަޅުއްވާފައިވާ ކްލަބް ވެލެންސިއާގެ ތާއީދު ސިޓީއަކީ ފޯޖުކޮށްފައިވާ ސިޓީއެކެވެ. އެހެންކަމުން، ކްލަބް ވެލެންސިއާއިން އެންޑޯޒްކޮށްފައިވާ ކެނޑިޑޭޓު ސާފުކޮށްދިނުމަށް، އެފްއޭއެމްގެ އިލެކްޓޯރަލް ކޮމިޓީއަށް ކްލަބް ވެލެންސިއާއިން މިއަދު ވަނީ ސިޓީއެއް ފޮނުވާފައެވެ.

އެންމެ ފަހުން ބޭއްވި ވޮލީބޯޅަ އެސޯސިއޭޝަން ކަޕްގެ އެންމެ އުއްމީދީ ކުޅުންތެރިޔާގެ މަގާމު ހޯދި އުމުރުން 18 އަހަރުގެ މުހައްމަދު ލަތުފާނުގެ އަމާޒަކީ، ގައުމީ ޖާޒީ އާއި ވެލިދޫ ސްޕޯޓްސް ކްލަބްގެ ޖާޒީގައި ރަން މެޑަލް ހޯދުމެވެ. އިސްކޮޅުގައި 6 ފޫޓު 7 އިންޗި ހުންނަ ލަތުފާނު، ގައުމީ ފެންވަރުގައި ކުޅުނު ފުރަތަމަ މުބާރާތުން މި ލިބުނު ކާމިޔާބީއަކީ ވެސް، އޭނާގެ މަންޒިލަށް ވާސިލްވުމަށް ކުރާ ބުރަ މަސައްކަތަށް ހެކިދޭ ދަލީލެއްކަން ހަމަޔަގީނެވެ.

އިންގްލިޝް ޕްރިމިއަ ލީގުގައި ހޮނިހިރު ދުވަހުގެރޭ ނޮޓިންހަމް ފޮރެސްޓް އަތުން 2-1 އިން މެންޗެސްޓަރ ޔުނައިޓެޑް ބަލިވެ، އެ ޓީމަށް މި އަހަރު ނިންމާލަން ޖެހުނީ ދަނޑުމަތީގައި ކާމިޔާބާ ބީރަށްޓެހި ބައެއްގެ ގޮތުގައެވެ.

އިންގްލިޝް ޕްރިމިއަ ލީގުގައި ރޭ ވެސްޓް ހާމް އިން އާސެނަލްގެ މައްޗަށް ކުރި ހޯދައި، ލީގުގެ ތައްޓަށް ވާދަކުރަމުން އަންނަ އާސެނަލްއަށް މާޔޫސްކަން ގެނުވައިފި. އާސެނަލްގެ އެމިރޭޓްސް ސްޓޭޑިއަމްގައި ކުޅުނު މި މެޗު ވެސް ހާމް އިން ކާމިޔާބުކުރީ 2-0 އިން.

ދެވަނަ ޑިވިޝަން ފުޓުބޯޅަ މުބާރާތުގެ ގްރޫޕް-ސީގެ ފުރަތަމަ މެޗު ވިކްޓްރީ ސްޕޯޓްސް ކްލަބުން ކާމިޔާބުކޮށްފި. މިއަދު ހަވީރު ގަލޮޅު ދަނޑުގައި ކުޅުނު މި މެޗުން، ވިކްޓްރީ ތިން ޕޮއިންޓު ހޯދީ، 3-0 އިން ކްލަބް ޕީކޭއާ ބަލިކުރުމަށްފަހު.

ނޫސްވެރިންނަށް މައުލޫމާތު ދެއްވުމަށް ރައީސް އޮފީހުގައި ބޭއްވެވި ނިއުސް ކޮންފަރެންސްގައި ޝަހީބު އިތުރަށް ވިދާޅުވީ، ރަސްމީ ދަނޑު ހިމެނޭ ސަރަހައްދަކީ ތޮއްޖެހިފައިވާ ސަރަހައްދެއްކަމުން، ގަލޮޅު ދަނޑު މިހާރު ހުރި ސަރަހައްދަކީ ޒަމާނީ ފެންވަރުގެ ސްޓޭޑިއަމެއް ހެދުމަށް އެކަށޭނެ ސަރަހައްދެއްތޯ ބެލުމުގެ މަސައްކަތް ކަމާގުޅުންހުރި އިދާރާތަކުން މިހާރު ކުރައްވަމުން ގެންދަވާކަމަށް.