އެކްސްގައި ފަޙުމީ ކުރެއްވި ޕޯސްޓްގައި ވިދާޅުވީ، މާލެ، ހުޅުލެ އަދި ހުޅުމާލެ ކަރަންޓުގެ އެއްވިއުގައަކުން ގުޅާލުމަށް ޤާއިމްކޮށްފައިވާ ގްރޭޓަރމާލެ އިންޓަކަނެކްޝަން ގްރިޑްގައި ހިމެނޭ ކޭބަލް ވިއުގައިގެ މައްޗަށް ދަގަނޑު ޖަހައި އިސްތިހާރު ބޯޑުތައް އަދިވެސް ބަހައްޓަމުން ގެންދިއުމާއި މިވަގުތު ޖަހާފައިވާ ބޯޑުތައްވެސް އެ ކޭބަލް ވިއުގައިގެ މަތީގައި ހުރުމަކީ ވަރަށް ބޮޑަށް ކަންބޮޑުވެވަޑައިގަންނަވާ ކަމެއް ކަމަށެވެ.

"ދިވެހީންނަށް އިސްކަން" މި ކެމްޕެއިން ކުރިއަށް ގެންދިއުމަށް ހަމަޖެހިފައިވަނީ، ކެމްޕެއިންގައި ބޭނުންކުރުމަށްޓަކައި ތިމާވެއްޓާއި ރައްޓެހި ގޮތަކަށް ބީސީސީން ތައްޔާރުކޮށްފައިވާ ކޮތަޅުގައި، ދިވެހި އުފެއްދުމެއް ކޮންމެވެސް ފަރާތަކަށް ހަދިޔާކޮށް، އަދި އެ ހަދިޔާ ލިބޭ ފަރާތުން އެ ކޮތަޅުގައި އެހެން ފަރާތަކަށް ދިވެހި އުފެއްދުމެއް ހަދިޔާކުރާ ގޮތަށް ކަމުގައި ބީސީސީން ހާމަކޮށްފައިވެއެވެ.

އުތުރު ތިލަފަޅުން ބިން ހިއްކައިގެން ދެމެހެއްޓެނިވިގޮތެއްގައި ދަނޑުވެރިކަންކުރުމަށް މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީ ޒޯން (އެމެއައިޑީ) އާއި ޗައިނާ ހާބަރ އިންޖިނިއަރިން ކޮމްޕެނީ ލިމިޓެޑާއި އެކު ރާއްޖޭގައި އެގްރިކަލްޗާ އިކޮނޮމިކް ޒޯނެއް (އޭއީޒެޑް) ގާއިމްކުރުމަށް އެމްއޯޔޫއެއްގައި ސޮއިކޮށްފިއެވެ. ބުރާސްފަތި ދުވަހު ސޮއިކުރި މި އެމްއޯޔޫއަކީ ކާބޯތަކެތީގެ ރައްކާތެރިކަން ދިވެހިރާއްޖޭގައި ގާއިމްކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ގެންގުޅުއްވާ ތަސައްވަރުގެ ފެށުމެކެވެ.

ފުޓުބޯޅަ އެސޯސިއޭޝަން އޮފް ދަ މޯލްޑިވްސް (އެފްއޭއެމް) އިން ބީހައިވް ހޮޓަލުން ހޯދާފައިވާ ހިދުމަތްތަކަށް ފައިސާ ނުދައްކައިގެން، އެ ހޮޓެލް ނިސްބަތްވާ ކުންފުނިން ކުރި ދައުވާއަކަށް ބިނާކޮށް، އެފްއޭއެމްގެ މައްޗަށް ބޮޑު ދަރަންޏެއް ދެއްކުމަށް ސިވިލް ކޯޓުން ބުރާސްފަތި ދުވަހު ހުކުމްކޮށްފިއެވެ.

ހިޔާގެ 8ވަނަ ޓަވަރުގައި ތަރައްގީކުރާ މި ނާދީގައި އިސްރަށްވެހިންގެ އިޖްތިމާއީ ދުޅަހެއުކަން އިތުރުކުރުމަށް ގިނަ ހަރަކާތްތަކެއް ކުރިއަށް ގެންދިއުމަށް ރޭވިފައި ވާކަމަށާއި، އަދި އިސްރަށްވެހިންގެ ސިއްހީ ބޭނުންތަކާ ގުޅޭގޮތުން މައުލޫމާތު ފޯރުކޮށްދީ ހޭލުންތެރި ކުރުމުމުގެ ހަރަކާތް ކުރިއަށް ގެންދިއުމަށް ހަމަޖެހިފައިވާ ކަމުގައިވެސ އެޗްޑީސީން ވަނީ ބުނެފައެވެ.

ރައްޔިތުންގެ މަޖިލީހުގެ އިންތިޙާބުގައި ވީބީ ޙަސަން އަމިއްލަ ގޮތުން ކުރިމަތިލެއްވީ، މެދު ހެންވޭރު ދާއިރާއަށެެވެ. އެހެން ނަމަވެސް އޭނާގެ ކެންޑިޑެންސްީ ބާޠިލްކަމަށް ކަނޑައަޅައި ދިވެހިރާއްޖޭގެ ސްޕްރީމްކޯޓުން މިއަދު ހުކުމް ކުރުމާއިއެކު، އެދާއިރާއަށް ވާދަކުރައްވާ، އެމްޑީޕީގެ ކެންޑިޑޭޓް އިބްރާހިމް އަލީ ޖަލީލު (އިބޫ ޖަލީލު)އަށް ތާޢީދުކުރުމަށް ނިންމަވައި ޙަސަން ވަނީ އޭނާ އާއި އަދި އެމްޑީޕީގެ އިސްބޭފުޅުންނާއިވެސް ބައްދަލު ކުރައްވާފައެވެ.

މި ރަސްމިއްޔާތުގައި ޗައިނާ ސަރުކާރުގެ ފަރާތުން މި ލެޓަރ އޮފް އެކްސްޗޭންޖުގައި ސޮއިކުރެއްވީ ދިވެހިރާއްޖޭގައި ހުންނަވާ ޗައިނާގެ ސަފީރު ހަރ އެކްސެލެންސީ ވަންގ ލިޒިންއެވެ. އަދި ޞިއްޙީ ވުޒާރާގެ ފަރާތުން ސޮއިކުރެއްވީ މިނިސްޓަރ އޮފް ހެލްތު ޑޮކްޓަރ ޢަބްދުﷲ ޚަލީލެވެ.

ފައްޔާޒު ވިދާޅުވީ، ވޭތުވެ ދިޔަ ފަސްއަހަރު އެމްޑީޕީގެ ސަރުކާރުން ކުރަމުން ދިޔަ މަސައްކަތަކީ، ފުލުހުންގެ އިދާރާއަކީ، ޕްރޮފެޝަނަލް ސްޓޭންޑަރޑްއެއްގައި ޒަމާނާއި ގުޅޭ ގޮތަށް ހިނގާތަނެއްގެ ގޮތުގައި ހެދުން ކަމަށެވެ. އަދި އެކަމަށް ވަރަށް ގިނަ މަސައްކަތްތަކަކާއި، ވަރަށް ގިނަ ޚަރަދުތަކެއް ކުރެވުނު ކަމަށާއި، އެހެންނަމަވެސް މިއަދު މިފެންނަނީ އެމްޑީޕީން ވެރިކަމާއި ދުރުވިތާ، ހަތަރުމަސް ވީއިރުގައި، އެކަން ސޮއްސާލައިގެން ގޮސް ސިޔާސީ މަޤުޞަދުތައް ހާސިލްކުރުމަށްޓަކައި ފުލުހުންގެ މުއައްސަސާ ބޭނުންކުރާ މަންޒަރު ކަމުގައިވެސް ފައްޔާޒު ވިދާޅުވިއެވެ.

ސަރުކާރު މުވައްޒަފުންނާއި ސްކޫލު ކުދިންނަށް މާދަމާއިން ފެށިގެން ދެހަފްތާގެ ޗުއްޓީއެއް ލިބޭއިރު، ދެން ޖެހިގެން އަންނަ މެއި މަހު 1އިން 23އަށް ތިންހަފްތާ ސްކޫލު ބޮޑު ޗުއްޓީގެ ގޮތުގައި ސްކޫލު ކުދިންނަށް ލިބޭނެއެވެ.

ވައިގެ ދަތުރުފަތުރާއި އެކު މިހާރު ދުނިޔޭގެ އެންމެ ދުރު ޤައުމުތަކަށްވެސް، މަދުވެގެން 24 ގަޑިއިރުގެ ތެރޭގައި އެއްޤައުމުން އަނެއް ޤައުމަށް ދަތުރު ކުރެވޭނެއެވެ. އެހެން ނަމަވެސް ދިގު ފްލައިޓް ދަތުރެއް ކުރަން ޖެހުމަކީ ވަރަށް ގިނަ މީހުންގެ ޝަކުވާއެކެވެ.

ފ. އަތޮޅުގެ ވެރިކަން ކުރިން ކުރި ރަށަކީ މަގޫދޫ ކަމަށް ވާއިރު، އެރަށުން ނިލަންދޫއަށް ވެރިކަން ބަދަލުކޮށްފައި ވަނީ އޭރު އަތޮޅުވެރިއަކަށް ހުންނެވި، ބޭފުޅާއިގެ ނުފޫޒުން ރައީސް މައުމޫނުގެ ސަރުކާރުގެ ދުވަސްވަރުގައެވެ. އެކަމުގެ ސަބަބުން ދެރަށުގެ ރައްޔިތުންގެ މެދުގައި ނަފްރަތާއި ރުޅިވެރިކަމާއި ބައިބައިވުން އޮތީ އުފެދިފައެވެ.

އެމަނިކުފާނު މިހެން ވިދާޅުވީ، ރައްޔިތުންގެ މަޖިލީހުގެ އިންތިޚާބުގެ އެމްޑީޕީގެ މިސްރާބު ހަމަމަގަށް ކެމްޕޭނުގެ ތެރެއިން ރޭ ބޭއްވި ކެމްޕޭން ޖަލްސާގައި ވާހަަކަފުޅު ދައްކަވަމުންނެެވެ.

ރައީސުލްޖުމްހޫރިއްޔާ މިގޮތަށް ހަމަޖައްސަވާފައި ވަނީ 2024 މާރިޗު 26 ވަނަ ދުވަސް (އިއްޔެއިން ފެށިގެން) ކަމުގައި ރައީސުލްޖުމްހޫރިއްޔާގެ އޮފީހުން ވަނީ ވިދާޅުވެފައެވެ. އެހެން ނަމަވެސް ހުވަދުއަތޮޅު ދެކުނުބުރީ ތިނަދޫއަކީ ސިޓީއެއްގެ ދަރަޖަ ލިބިގެންވާ ރަށެއް ކަމުގައި ރައީސުލްޖުމްހޫރިއްޔާ ކަނޑައަޅުއްވައިފައިވާތީ، މިގޮތަށް މިބަދަލު ގެންނެވިކަން ރައީސުލްޖުމްހޫރިއްޔާގެ އޮފީހުން ހާމަކުރައްވާފައި ވަނީ މިއަދު ނެރުއްވި ދެންނެވުމުގައެވެ.

ސަރުކާރުގެ ސިޔާސަތާއި އެއްގޮތަށް ފެނާއި ކަރަންޓްގެ ބިލްތަކުގެ ޖޫރިމަނާ މަޢާފްކުރުމާއި ގުޅޭ ގޮތުން މީޑިއާތަކާއި މައުލޫމާތު ހިއްސާކުރައްވަމުން އެމްޑަބުލިޔުއެސްސީގެ މެނޭޖިންގ ޑައިރެކްޓަރ ޢަބުދުލް މަތީން މުޙައްމަދު ވިދާޅުވީ، އެކުންފުނީގައި ޖުމުލަ 70،000ހައި ކަސްޓަމަރުން ތިބިއިރު، 60،000 ކަސްޓަމަރުންނަކީ، ޤަވާއިދުން ބިލްތައް ދައްކަމުންގެންދާ ކަސްޓަމަރުން ކަމަށެވެ.

ދިވެހި ފުލުހުންގެ ޚިދުމަތުން މިއަދު ވަނީ، އެޚިދުމަތުން ތަޙްޤީޤު ކުރަމުންދާ އާރްޑީސީގެ ޚިޔާނާތުގެ މައްސަލައިގެ ތަޙްޤީޤަށް ސުވާލު ކުރުމަށް ބޭނުންވާތީ ފުލުހުންގެ މަރުކަޒަށް ޙާޟިރުވުމަށް ފައްޔާޒަށް އަންގަވާފައެވެ. އެކަމާއި ގުޅޭ ގޮތުން ފައްޔާޒު ވިދާޅުވީ، މިފެށުނީ، އަސާސެއް ނެތް ސިޔާސީ ތުހުމަތުތަކުގެ ސިލްސިލާ ކަމަށެވެ. އަދި އާރުޑީސީއިން ޚިޔާނާތެއް ވެއްޖެކަމަށްބުނެ ބަލާ މައްސަލައަކީ އެއްވެސް ހަގީގަތެއް އެކުލެވޭ މައްސަލައެއް ނޫންކަމުގައިވެސް ފައްޔާޒު ވިދާޅުވިއެވެ.

އެމްޑީޕީގެ ޗެއާ ޕަރސަން އަދި ކުރީގެ އިކޮނޮމިކް މިނިސްޓަރ ފައްޔާޒް އިސްމާއީލް، ފުލުހުންގެ ސަރޖަންޓް އާދަމް ޙަލީމް ކްރިމިނަލް އިންވެސްޓިގޭޝަން ބިލްޑިންގއަށް ހާޟިރުވާން އަންގާފައި ވަނީ، މާދަމާގެ މެންދުރުފަހު 15:00އަށެވެ.