ރައީސް ޞާލިޙް ވިދާޅުވީ، ހުޅުމާލޭގައި ދިރިއުޅުއްވާ ރައްޔިތުންނާއި، ދަފްތަރުގައި ހިމެނިފައި ތިބި ރާއްޖޭގެ ރައްޔިތުން، އެ ތިންބޭފުޅުންނަށް ވޯޓު ދެއްވައި، އެމްޑީޕީއަށް އެތިން ގޮނޑި ކާމިޔާބުކޮށްދެއްވުމަށް އެދޭ ކަަމަށެެވެ.

މިއެބަސްވުމުގައި ޓަރކިޝް އެއާލައިންގެ ފަރާތުން ސޮއެކުރެއްވީ، އެ އެއާލައިނުން ރާއްޖެއަށް ކަނޑައަޅުއްވާފައިވާ އޭޖެންޓް، އެކްސްޕެޑައިޓް މޯލްޑިވްސް މެނޭޖިން ޑިރެކްޓަރު އަލީ ތޯރިގެެވެ. އަދި އެމްޕީއެލްގެ ފަރާތުން ސޮއެކުރައްވާފައި ވަނީ އެކުންފުނީގެ ސީއީއޯ މުޙައްމަދު ވަޖީޙްއެވެ.

ފިނޭންސް މިނިސްޓްރީ ބުނެފައި ވަނީ އެ އެލަވަންސް ފައިސާ ދޭނީ، އޭޕްރީލް މަހުގެ މުސާރަ އާއި އެކުގައި ކަމަށެވެ. މިގޮތުން ދިނުމަށް ކަނޑައަޅާފައި ވަނީ، އައު ޕޭ ފްރޭމްވޯކްގެ ދަށުން ދޭ ބަންދު ދުވަހުގެ އެލަވަންްގެ ދެބައިކުޅަ އެއްބަޔާއި އެއްވަރުގެ އެލަވަންސެކެވެ.

ސްޓެލްކޯއިން ބުނީ، މި އަހަރުގެ ހައްޖުގެ މަތިވެރި އަޅުކަން އަދާކުރުމަށް ހުޅުވާލި ފުރުސަތަށް އިޖާބަދީ، ހައްޖުގެ އަޅުކަން އަދާކުރުމަށް އެދި ހުށަހެޅި 116 މުވައްޒަފުން ހުށައަޅާފައިވާ ކަމަށެވެ. އަދި އޭގެ ތެރެއިން ޝަރުތު ފުރިހަމަވެފައި ވަނީ 98 މުވައްޒަފުންކަމަށާއި ގުރުއަތުނަގާފައި ވަނީ އެމުވައްޒަފުންގެ މެދުގައި ކަމަށެވެ.

އެޑިޔުކޭޝަން މިނިސްޓްރީން ހާމަކުރައްވާފައިވާ ގޮތުގައި، ޏ. ފުވައްމުލަކުގައި ހުންނަ، ޏ.އަތޮޅު ތަޢުލީމީ މަރުކަޒުގައި ފަސްބުރީގެ އައު އިމާރާތެއް އެޅުމުގެ މަސައްކަތް ބުރާސްފަތި ދުވަހު ހަވާލުކޮށްފައި ވަނީ، ޓިކް ޓެކް އިންވެސްޓްމެންޓް ނަމަކަށް ކިޔާ ކުންފުންޏަކާއެވެ. 35.9 މިލިއަން ރުފިޔާއަށް އެކުންފުންޏަށް މިމަޝްރޫޢު ހަވާލުކޮށްފައި ވަނީ 420 ދުވަހުގެ ތެރޭގައި މަސައްކަތް ނިންމާ ގޮތަށެވެ.

މިނިސްޓްރީ އޮފް އިސްލާމިކް އެފެއާޒުން ހާމަކުރައްވާފައިވާ ގޮތުގައި، އާދީއްތަ ދުވަހުން ފެށިގެން، އިސްލާމީ މަރުކަޒުގެ ހޯލުގައި ޒަކާތް ބަލައިގަންނާނީ ހުކުރު ހޮނިހިރު ފިޔަވާ ކޮންމެ ދުވަހެއްގެ ހެނދުނު 11:00 އިން މެންދުރު ފަހު 2:00 އަށެވެ. ގޮވާމުން ޒަކާތް ބަލައިގަންނާނީ އާދިއްތަ ދުވަހުން ފެށިގެން އޭޕްރީލް 8ގެ ނިޔަލަށް ހުކުރު އަދި ހޮނިހިރު ފިޔަވާ ކޮންމެ ދުވަހެއްގެ މެންދުރުފަހު 1:00 އިން ހަވީރު 4:00 އަށެވެ.

ސަރުކާރުން އަޅާ މި ފެސިލިޓީއަކީ މާލެ ސަރަހައްދުގެ ޕާކުތަކާއި މަގުމަތީގައާއި އަދި މި ނޫންވެސް ޢާންމުން އެއްވެ އުޅޭ ސަރަހައްދުތަކުގައި ބުޅާ ގިނަވެ، އެ ބުޅާތަކަށް ލިބެމުންދާ އަނިޔާތަކާއި އަދި ތަފާތު ބަލިތައް ޖެހުމުން ސަލާމަތްކޮށް، ބުޅާތައް ދިރިއުޅޭނެ ރައްކާތެރި މާހައުލެއް ޤާއިމުކުރުމަށާއި އާންމު ތަންތަނުގައި ބުޅާ ގިނަވުމުގެ ސަބަބުން ފެތުރިދާނެ ބަލިތަކުން އާންމު ސިއްޙަތު ރައްކާތެރި ކުރުމުގެ ބޭނުމުގައި ޤާއިމުކުރާ ފެސިލިޓީއެކެވެ.

މިވެރިކަމުގެ ފުރަތަމަ ހަތަރު މަސް ދުވަސް މިވޭތުވެ ދިޔައީ ޖުމުލަ ގޮތެއްގައި ވަރަށް ރަނގަޅަށް ކަމުގައި ފާަހަގަކުރެއްވުމަށްފަހުގައިވެސް ރައީސުލްޖުމްހޫރިއްޔާ ވިދާޅުވީ، ވެރިކަމާއި ހަވާލުވެ ވަޑައިގެންނެވި އިރު ޤައުމުގެ އިޤުތިޞާދު އޮތީ ފުންވަޅުގަނޑެއްގައި ކަމަށެވެ. މިގޮތުން ރާއްޖޭގެ ދަރަންޏާއި މެދު އެމަނިކުފާނު ދައްކަވާ ވާހަކަފުޅު މިބަސްދީގަތުމުގައިވެސް އެމަނިކުފާނު ތަކުރާރު ކުރެއްވިއެވެ.

އެކްސްގައި ފަޙުމީ ކުރެއްވި ޕޯސްޓްގައި ވިދާޅުވީ، މާލެ، ހުޅުލެ އަދި ހުޅުމާލެ ކަރަންޓުގެ އެއްވިއުގައަކުން ގުޅާލުމަށް ޤާއިމްކޮށްފައިވާ ގްރޭޓަރމާލެ އިންޓަކަނެކްޝަން ގްރިޑްގައި ހިމެނޭ ކޭބަލް ވިއުގައިގެ މައްޗަށް ދަގަނޑު ޖަހައި އިސްތިހާރު ބޯޑުތައް އަދިވެސް ބަހައްޓަމުން ގެންދިއުމާއި މިވަގުތު ޖަހާފައިވާ ބޯޑުތައްވެސް އެ ކޭބަލް ވިއުގައިގެ މަތީގައި ހުރުމަކީ ވަރަށް ބޮޑަށް ކަންބޮޑުވެވަޑައިގަންނަވާ ކަމެއް ކަމަށެވެ.

"ދިވެހީންނަށް އިސްކަން" މި ކެމްޕެއިން ކުރިއަށް ގެންދިއުމަށް ހަމަޖެހިފައިވަނީ، ކެމްޕެއިންގައި ބޭނުންކުރުމަށްޓަކައި ތިމާވެއްޓާއި ރައްޓެހި ގޮތަކަށް ބީސީސީން ތައްޔާރުކޮށްފައިވާ ކޮތަޅުގައި، ދިވެހި އުފެއްދުމެއް ކޮންމެވެސް ފަރާތަކަށް ހަދިޔާކޮށް، އަދި އެ ހަދިޔާ ލިބޭ ފަރާތުން އެ ކޮތަޅުގައި އެހެން ފަރާތަކަށް ދިވެހި އުފެއްދުމެއް ހަދިޔާކުރާ ގޮތަށް ކަމުގައި ބީސީސީން ހާމަކޮށްފައިވެއެވެ.

އުތުރު ތިލަފަޅުން ބިން ހިއްކައިގެން ދެމެހެއްޓެނިވިގޮތެއްގައި ދަނޑުވެރިކަންކުރުމަށް މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީ ޒޯން (އެމެއައިޑީ) އާއި ޗައިނާ ހާބަރ އިންޖިނިއަރިން ކޮމްޕެނީ ލިމިޓެޑާއި އެކު ރާއްޖޭގައި އެގްރިކަލްޗާ އިކޮނޮމިކް ޒޯނެއް (އޭއީޒެޑް) ގާއިމްކުރުމަށް އެމްއޯޔޫއެއްގައި ސޮއިކޮށްފިއެވެ. ބުރާސްފަތި ދުވަހު ސޮއިކުރި މި އެމްއޯޔޫއަކީ ކާބޯތަކެތީގެ ރައްކާތެރިކަން ދިވެހިރާއްޖޭގައި ގާއިމްކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ގެންގުޅުއްވާ ތަސައްވަރުގެ ފެށުމެކެވެ.

ފުޓުބޯޅަ އެސޯސިއޭޝަން އޮފް ދަ މޯލްޑިވްސް (އެފްއޭއެމް) އިން ބީހައިވް ހޮޓަލުން ހޯދާފައިވާ ހިދުމަތްތަކަށް ފައިސާ ނުދައްކައިގެން، އެ ހޮޓެލް ނިސްބަތްވާ ކުންފުނިން ކުރި ދައުވާއަކަށް ބިނާކޮށް، އެފްއޭއެމްގެ މައްޗަށް ބޮޑު ދަރަންޏެއް ދެއްކުމަށް ސިވިލް ކޯޓުން ބުރާސްފަތި ދުވަހު ހުކުމްކޮށްފިއެވެ.

ހިޔާގެ 8ވަނަ ޓަވަރުގައި ތަރައްގީކުރާ މި ނާދީގައި އިސްރަށްވެހިންގެ އިޖްތިމާއީ ދުޅަހެއުކަން އިތުރުކުރުމަށް ގިނަ ހަރަކާތްތަކެއް ކުރިއަށް ގެންދިއުމަށް ރޭވިފައި ވާކަމަށާއި، އަދި އިސްރަށްވެހިންގެ ސިއްހީ ބޭނުންތަކާ ގުޅޭގޮތުން މައުލޫމާތު ފޯރުކޮށްދީ ހޭލުންތެރި ކުރުމުމުގެ ހަރަކާތް ކުރިއަށް ގެންދިއުމަށް ހަމަޖެހިފައިވާ ކަމުގައިވެސ އެޗްޑީސީން ވަނީ ބުނެފައެވެ.

ރައްޔިތުންގެ މަޖިލީހުގެ އިންތިޙާބުގައި ވީބީ ޙަސަން އަމިއްލަ ގޮތުން ކުރިމަތިލެއްވީ، މެދު ހެންވޭރު ދާއިރާއަށެެވެ. އެހެން ނަމަވެސް އޭނާގެ ކެންޑިޑެންސްީ ބާޠިލްކަމަށް ކަނޑައަޅައި ދިވެހިރާއްޖޭގެ ސްޕްރީމްކޯޓުން މިއަދު ހުކުމް ކުރުމާއިއެކު، އެދާއިރާއަށް ވާދަކުރައްވާ، އެމްޑީޕީގެ ކެންޑިޑޭޓް އިބްރާހިމް އަލީ ޖަލީލު (އިބޫ ޖަލީލު)އަށް ތާޢީދުކުރުމަށް ނިންމަވައި ޙަސަން ވަނީ އޭނާ އާއި އަދި އެމްޑީޕީގެ އިސްބޭފުޅުންނާއިވެސް ބައްދަލު ކުރައްވާފައެވެ.

މި ރަސްމިއްޔާތުގައި ޗައިނާ ސަރުކާރުގެ ފަރާތުން މި ލެޓަރ އޮފް އެކްސްޗޭންޖުގައި ސޮއިކުރެއްވީ ދިވެހިރާއްޖޭގައި ހުންނަވާ ޗައިނާގެ ސަފީރު ހަރ އެކްސެލެންސީ ވަންގ ލިޒިންއެވެ. އަދި ޞިއްޙީ ވުޒާރާގެ ފަރާތުން ސޮއިކުރެއްވީ މިނިސްޓަރ އޮފް ހެލްތު ޑޮކްޓަރ ޢަބްދުﷲ ޚަލީލެވެ.

ފައްޔާޒު ވިދާޅުވީ، ވޭތުވެ ދިޔަ ފަސްއަހަރު އެމްޑީޕީގެ ސަރުކާރުން ކުރަމުން ދިޔަ މަސައްކަތަކީ، ފުލުހުންގެ އިދާރާއަކީ، ޕްރޮފެޝަނަލް ސްޓޭންޑަރޑްއެއްގައި ޒަމާނާއި ގުޅޭ ގޮތަށް ހިނގާތަނެއްގެ ގޮތުގައި ހެދުން ކަމަށެވެ. އަދި އެކަމަށް ވަރަށް ގިނަ މަސައްކަތްތަކަކާއި، ވަރަށް ގިނަ ޚަރަދުތަކެއް ކުރެވުނު ކަމަށާއި، އެހެންނަމަވެސް މިއަދު މިފެންނަނީ އެމްޑީޕީން ވެރިކަމާއި ދުރުވިތާ، ހަތަރުމަސް ވީއިރުގައި، އެކަން ސޮއްސާލައިގެން ގޮސް ސިޔާސީ މަޤުޞަދުތައް ހާސިލްކުރުމަށްޓަކައި ފުލުހުންގެ މުއައްސަސާ ބޭނުންކުރާ މަންޒަރު ކަމުގައިވެސް ފައްޔާޒު ވިދާޅުވިއެވެ.