Noon - ޚަބަރު

ޚަބަރު

12 Apr 2024

ރައީސް ސޯލިޙްގެ ސަރުކާރުން މަޢާފްކޮށްދީފައި ވަނިކޮށް، ކޯވިޑް ލޯންތަކުގެ އިންޓަރެސްޓް މަޢާފްކޮށްދޭނެކަމުގައި ރައީސް އިޢުލާނުކުރައްވައިފި

އެހެން ކަމުން ރައީސުލްޖުމްހޫރިއްޔާ، ޑރ. މުޙައްމަދު މުޢިއްޒުވެރިކަމާއި ހަވާލުވެވަޑައިގެންނެވި އިރު، އެކަމާއި ގުޅިގެން ދައުލަތުން ނިންމަންޖެހޭ ކަންކަމުގެ ޒިންމާ އޮތީ ދައުލަތަށެވެ. ސަރުކާރުން ނިންމާފައިވާ އެނިންމުން ތަންފީޒްނުކުރައްވައި، މިހާތަނަށް މަޑުޖެހިފައި އޮތީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ސަރުކާރާއި ހަވާލުވުމަށްފަހު ދައުލަތުގެ ފަރާތުން ކުރަންޖެހޭ ކަންކަން މިފާއިތުވި 4 މަސްދުވަހުގެ ތެރޭގައި ނިމިފައި ނެތުމުގެ ސަބަބުންނެވެ.

ކައްދޫ އެއާޕޯޓު ތަރައްޤީކުރުމާއި، ގާދޫގައި މެރިޓައިމް ހަބެއް ޤާއިމްކުރަން ޗައިނާއަށް

ޕީއެންސީގެ ޓިކެޓް ލިބުނު ކެންޑިޑޭޓް ބާކީކޮށްފައި އަމިއްލަ ކެންޑިޑޭޓަކަށް ސަރުކާރުން ތާއީދު ކުރާތީ ނުރުހުންފާޅުކޮށްފި

ފަޅުރަށުގައި ގެނބިގެން، ތަޙްޤީޤަށް މާލެ ގެނައި ކުއްޖާގެ ހަށިގަނޑު ވަޅުލައިފި

މާވަށުގައި އެއާޕޯޓު އަޅައިދޭން އެދިއްޖެ

ޚަބަރު

މަޖިލިސް ކެމްޕޭނަށް ރައީސް މުއިއްޒު، ހައްދުންމައްޗާއި އައްޑުއަށް!

ރައީސުލްޖުމްހޫރިއްޔާގެ އޮފީހުން، ހާމަކޮށްފައިވާ ގޮތުގައި ރައީސުލްޖުމްހޫރިއްޔާގެ މި ދަތުރުފުޅަކީ، ރަސްމީ ދަތުރުފުޅެކެވެ. އެހެން ނަމަވެސް މިދަތުރުފުޅުގައި އެމަނިކުފާނު ކުރައްވާނެ ރަސްމީ ކަންކަމުގެ ގޮތުގައި، އެއޮފީހުން ފާހަގަކުރައްވާފައި ވަނީ، އެ ރަށްރަށުގެ ރައްޔިތުންނާއި ކައުންސިލްތަކާއި އ.ތ.މ. ކޮމިޓީތަކާ ބައްދަލުކުރައްވައި، އެރަށްރަށުގެ ތަރައްޤީއަށް ބޭނުންވާ ކަންކަމާއި، ރައްޔިތުން އެންމެ އެދޭކަންކަމާ ގުޅޭގޮތުން މަޝްވަރާ ކުރެއްވުން ކަމަށެވެ.

ދެ އަހަރެއްހާ ދުވަހުން ބްލެކްމާކެޓުގައި ޑޮލަރު ވިއްކާ ރޭޓު 15.42 އަށް ގެނެވޭނެ: މިނިސްޓަރ ސައީދު

ރައްޔިތުންގެ މަޖިލީހުގެ މެޖޯރިޓީ ލިބިއްޖެނަމަ، ކުރިއަށް އޮތް ދެ އަހަރެއްހާ ދުވަހުގެ ތެރޭގައި، ކަޅުބާޒާރުގައި އެމެރިކާ ޑޮލަރު ވިއްކާ އަގު 15.42ރ. އަށް ތިރިކުރެވޭނެ ކަމަށާއި، އެކަން ކުރައްވަން އެނގިވަޑައިގަންނަވާކަމަށް، މިނިސްޓަރ އޮފް އިކޮނޮމިކް އެންޑް ޓްރޭޑް، އަލްފާޟިލް މުޙައްމަދު ސައީދު ވިދާޅުވެއްޖެއެވެ. މިނިސްޓަރ ސައީދު މިހެން ވިދާޅުވީ، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު މިއަދު ހައްދުންމައްޗަށް ފެއްޓެވި ދަތުރުފުޅުގައި ލ. މާވަށަށް ވަޑައިގެން އެ ރަށުގެ ރައްޔިތުންނާ ބައްދަލު ކުރެއްވުމަށް ބޭއްވި ޖަލްސާގައި ވާހަކަ ދައްކަވަމުންނެވެ.

ޣިޔާޘުއްދީންގައި ހިނގިކަންކަން އެނގިވަޑައި ނުގަންނަވާ ކަމުގައި ވިދާޅުވުމަކީ، ނާޤާބިލްކަން: ފައްޔާޒު

ފައްޔާޒު ވިދާޅުވީ ރައީސުލްޖުމްހޫރިއްޔާގެ ވާހަކަފުޅުން ދޭހަ ވަނީ ރައްޔިތުންނަކީ އެއްވެސް ބަައެއް ނޫންކަމަށް އެމަނިކުފާނު ދެކެވަޑައިގަންނަވާ ކަން ކަމަށެވެ. އަދި މިފެންނަނީ ރައްޔިތުންނަކީ އެއްވެސް ބައެއް ކަމަށް ނުބަލައި ތިމާމެންގެ ވެރިކަމުގެ ބާރުގަދަ ކުރުމަށް ރައީސުލްޖުމްހޫރިއްޔާ މަސައްކައްކުރައްވާ މަންޒަރުކަމުގައިވެސް ފައްޔާޒު ވިދާޅުވިއެވެ.

ފައިސާ ނެތް ވާހަކަދައްކާފައި، އެތައް ސަތޭކަ ބަޔަކަށް ދަނީ ވަޒީފާ ދެމުން: ރައީސް ޞާލިޙް

މިސްރާބު ހަމަމަގަށް، އެމްޑީޕީގެ ކެމްޕޭން ހަރަކާތުގެ ތެރެއިން ފުވައްމުލަކުގައި ބޭއްވި އެއްވުމުގައި ވާހަކަފުޅު ދައްކަވަމުން ރައީސް ޞާލިޙް ވަނީ، މަޖިލިސް އިންތިޚާބު ކުރިމަތިވަމުން އަންނަ މިވަގުތުގައި ސަރުކާރުން އެތައް ސަތޭކަ ބަޔަކަށް ސިޔާސީ މަޤާމުތަކާއި ވަޒީފާތައް ދެމުން އަންނަކަން ފާހަގަކުރައްވާފައެވެ.

އަލިފާނުގެ ހާދިސާ ހިނގި ސަރަހައްދަށް ރައީސް ވަޑައިގެންފި

އަލިފާނުގެ މިހާދިސާ ހިނގާފައި ވަނީ، މ. ރަބީޢުވިލާގައި މިރޭގެ 8:30 ހާއިރުގައެވެ. އަލިފާން ރޯވީ އެ ގޭގެ 4 ވަނަ ފަންގިފިލާގައި ކަމަށާއި، އަލިފާން ގަނޑު ކޮންޓްރޯލް ކުރެވިފައިވާ ކަމުގައި، އެމްްއެންޑީއެފުން ވަނީ، މިރޭގެ 9:07ގައި ބުނެފައެވެ.

ދަތުރުގޮސް އުޅެނިކޮށް މަރުވި ކުއްޖާގެ ހަށިގަނޑު މާލެ ގެނެސްފި

ކުއްޖާ މޫދުތެރޭގައި ބަންޑުން ގިނައިރު އޮވެ އަދި ކައީރީގައި އޮތް އާނުގަނޑު މައްޗަށް ލައްވުމުން، އެމީހުންނާއި އެކު ދަތުރުގޮސް އުޅު މީހަކަށް ފެނިގެން ބެލި އިރު އެކުއްޖާއަށް އޮތީ ފިޓުޖެހިފައި ކަމަށްވެސް ދަތުރު ދިޔަ މީހުން ބުނެފައިވެއެވެ.

މާލޭގެ ގެއެއްގައި އަލިފާން ރޯވެއްޖެ

އެމްއެންޑީއެފުން ވިދާޅުވީ، އަލިފާން ރޯވެފައި ވަނީ މ. ރަބީޢުވިލާގ 4 ވަނަ ފަންގިފިލާގައި ކަމަށާއި، މިހާރު އަލިފާންގަނޑު ކޮންޓްރޯލް ކުރެވިފައިވާ ކަމަށެވެ. މިއަލިފާނުގެ ހާދިސާގައި މީހަކަށް އެއްވެސް ގެއްލުމެއް ލިބުނު ކަމުގެ މައުލޫމާތެއް ނެތެވެ.

ވިލުފުށި ކައިރީގައި އޮތް ފަޅު ރަށަކަށް ދަތުރުގޮސް އުޅުނު ކުއްޖަކު މަރުވެއްޖެ

ފުލުހުންގެ އިދާރާއިން ވިދާޅުވީ، ދަތުރުގޮސް އުޅުނު ކުއްޖަކު ގެނބިގެން ވިލުފުށީ ހެލްތު ސެންޓަރަށް ގެންދާކަަމަށް ފުލުހުންނަށް ރިޕޯޓްކޮށްފައި ވަނީ މިއަދު މެންދުރު ފަހު، 12:45ގައި ކަަމަށެވެ. އަދި އެކުއްޖާ ވިލުފުށީ ސިއްޙިމަރުކަޒަށް ގެންދިޔައިރުވެސް މަރުވެފައިވާ ކަމަށް ޞިއްޙީމަރުކަޒުން އެކުއްޖާ ބެއްލެވި ޑޮކްޓަރާއި ހަވާލާދީ ފުލުހުން ވިދާޅުވެފައި ވެއެވެ.

ޕީއެންއެފް ޖަލްސާއަށް ސަރުކާރުން ހުރަސްއެޅުމުން އެމްޑީޕީން ކަންބޮޑުވުން ފާޅުކޮށްފި

އެކަމާއި ގުޅޭ ގޮތުން އެމްޑީޕީން އާއްމުކޮށްފައިވާ ބަޔާނުގައި ބުނެފައި ވަނީ، ޕީއެންއެފް އުފެއްދުމުގެ ޖަލްސާ ބޭއްވުމަށް އިލެކްޝަންސް ކޮމިޝަނުން ހުއްދަ ދީފައިވާއިރު އެ ޖަލްސާ ބާއްވަން އޮތް ތަނަށް ފުލުހުން ފޮނުވައި ޕެޕާ ސްޕްރޭ ޖަހައި ސުލްހަވެރި ސިޔާސީ ހަރަކާތެއް ހުއްޓުވުމަކީ އެޕާޓީން އެކަމާއި މެދު ކަންބޮޑުވާ ކަމެއް ކަމަށެވެ.

މާލެ އާ އަތޮޅުތަކުގައި ބޮޑު ޖަމާޢަތްތަކުގައި ޢީދު ނަމާދުކޮށްފި

ހުޅުމާލޭގައި ބޮޑު ޖަމާޢަތުގައި ޢީދު ނަމާދުކޮށްފައި ވަނީ، ހުޅުމާލެ ސިންތެޓިކް ޓްރެކްގަޔާއި، ހުޅުމާލެ ފޭސް-2 ގެ ހުސްބިމުގައެވެ. ވިލިމާލޭގައި ބޮޑު ޖަމާޢަތުގައި ޢީދު ނަމާދުކޮށްފައި ވަނީ ވިލިމާލެ ފުޓުބޯޅަ ދަނޑުގައެވެ.

ޣިޔާޘުއްދީން ސްކޫލުގައި ޖަލްސާ ބޭއްވިޔަ ނުދިނުމުން ރާޅުގަނޑުގައި ޖަލްސާ ބާއްވައި ޕާޓީ އުފެއްދުމުގެ ކަންކަން ފުރިހަމަކޮށްފި

ޕީއެންއެފްއިން މިރޭ ބޭއްވި ޖަލްސާގައި ވަނީ އެޕާޓީގެ ވަގުތީ ރައީސްގެ މަޤާމަށް ޒެއިން ޢަބުދުﷲ ޔާމީން ޢަބުދުލްޤައްޔޫމް އެޕާޓީގެ ވަގުތީ ރައީސްގެ މަޤާމަށް ޢައްޔަނުކޮށްފައެވެ. ޕާޓީ އުފެއްދުމުގައި އިސްކޮށް ހަރަކާތްތެރިވި ކުރީގެ ވަޒީރު މުހައްމަދު މަލީޙް ޖަމާލު ވިދާޅުވީ، ޕާޓީ އުފެއްދުމުގެ ޖަލްސާގައި ފުރިހަމަކުރަންޖެހޭ ކަންކަން ކުރެވިފައިވާ ކަމަށާއި، އެޖަލްސާގައި އިލެކްޝަންސް ކޮމިޝަންގެ އޮބްޒަވަރުންވެސް ބައިވެރިވި ކަމަށެވެ.

ހުޅުމާލެ ކައިރިން ލޯންޗަކާއި ޑިންގީއެއް ޖެހި ދެމީހަކަށް އަނިޔާވެއްޖެ

ފުުލުހުންގެ އިދާރާއިން ވިދާޅުވީ މިއެކްސިޑެންޓް ހިނގާަފައި ވަނީ، ހުޅުމާލެ ކައިރީގައި އޮންނަ ބަނާނާ ރީފާއި ގާތުގައި ކަމަށެވެ. މިއެކްސިޑެންޓްގައި އަނިޔާވި ދެމީހުންނަކީ، ޑިންގީގައި ތިބި ދެމީހުން ކަމަށާއި އެއީ ދިވެއްސަކާއި ބިދޭސީއެއް ކަމުގައިވެސް ފުލުހުންގެ އިދާރާއިން ވިދާޅުވެފައިވެއެވެ.

ޤާނޫނީ ހަމަތަކުގެ މަތިން ހިންގާ ސިޔާސީ ހަރަކާތަށް ހުރަހެއް ނާޅާނަން: ސަރުކާރު

އެބަޔާނުގައި، ސިޔާސީ ޕާޓީ އުފައްދަން މަސައްކަތްކުރާ ފަރާތަށް މިރެއިން މިރެއަށް އެ ފަރާތުގެ މަސައްކަތްތައް ކުރިއަށް ގެންދިއުމުގެ މަގު ސަރުކާރުން ފަހިކޮށްދިނުމުގެ ގޮތުން، ސޯޝަލް ސެންޓަރުގެ މައި ހޯލުގައި ސިޔާސީ ޕާޓީ އުފެއްދުމުގެ ޖަލްސާ ބޭއްވޭނެ އިންތިޒާމު އެކަން ކުރައްވާ ފަރާތަށް ސަރުކާރުގެ އަމިއްލަ އިސްނެންގެވުމުގައި ވަގުތުން ވާނީ ހަމަޖައްސައިދީފައި ކަމުގައިވެސް ވިދާޅުވެފައި ވެއެވެ.

ރައީސް މައުމޫނާއި އީދު ސަލާމް ކުރެއްވުމުގެ ފުރުޞަތު

ރައީސް މައުމޫނު އެކްސްގައި ލިޔުއްވި ޕޯސްޓެއްގައި ވިދާޅުވީ، ޢީދު ސަލާމް ކޮށްލެއްވުމަށާއި އެމަނިކުފާނާއި ބައްދަލުކޮށްލެވުމަށް ބޭނުންފުޅުވާ ބޭފުޅުންނަށް އީދު ދުވަހު ވަގުތުކޮޅެއް ހުސްކުރެއްވުމަށް ނިންމަވާފައިވާ ކަމަށެވެ. މިގޮތުން އެމަނިކުފާނާއި އީދު ސަލާމް ކުރެއްވުމަށް ބޭނުންފުޅުވާ ފަރާތްތަކަށް، ހެނދުނު 9:30 އިން 11:00އަށް އެންދެރިމާގޭގައި ބައްދަލު ކުރައްވާނެ ކަމުގައި ވިދާޅުވިއެވެ.

އީދު އަލިން ވެލާނާ އެއާޕޯޓު ދިއްލާލައިފި

އެމްއޭސީއެލުން ވަނީ، އެއާޕޯޓުގެ ހާބަރާއި މަގުތަކުގައި އީދާއި ގުޅޭ ޑިޒައިންތަކުގެ ބޮކިތަކާއި ގިޑިގެތައް ހަރުކޮށް ދިއްލާފައެވެ.

ޕީއެންއެފް އުފެއްދުމުގެ ޖަލްސާއަށް ފުލުހުން ހުރަސްއަޅައި ހުއްޓުވައިފި

ފުލުހުންގެ ތަރުޖަމާނު އަޙްމަދު ޝިފާން މީޑިއާތަށް ވިދާޅުވީ، ފުލުހުން ޣިޔާސުއްދީން ސްކޫލުގައި ހަރަކާތްތެރިވަމުން ދަނީ މިނިސްޓްރީ އޮފް އެޑިޔުކޭޝަނުން އެދިގެން ކަމަށެވެ. އަދި އެޖަލްސާ އެ ސްކޫލުގައި ރައްކާތެރިކަން ޤާއިމްކޮށްދިނުމަށް އެސްކޫލު ހިންގާ ކުންފުނިން މިނިސްޓްރީ އޮފް އެޑިޔުކޭޝަންގައި އެދިފައިވާ ކަމުގައިވެސް ޝިފާން ވިދާޅުވިއެވެ.