Advertisement

11 Apr 2024
ޚަބަރު
މިފްތާޙް މުޙައްމަދު

ދެ އަހަރެއްހާ ދުވަހުން ބްލެކްމާކެޓުގައި ޑޮލަރު ވިއްކާ ރޭޓު 15.42 އަށް ގެނެވޭނެ: މިނިސްޓަރ ސައީދު

ރައްޔިތުންގެ މަޖިލީހުގެ މެޖޯރިޓީ ލިބިއްޖެނަމަ، ކުރިއަށް އޮތް ދެ އަހަރެއްހާ ދުވަހުގެ ތެރޭގައި، ކަޅުބާޒާރުގައި އެމެރިކާ ޑޮލަރު ވިއްކާ އަގު 15.42ރ. އަށް ތިރިކުރެވޭނެ ކަމަށާއި، އެކަން ކުރައްވަން އެނގިވަޑައިގަންނަވާކަމަށް، މިނިސްޓަރ އޮފް އިކޮނޮމިކް އެންޑް ޓްރޭޑް، އަލްފާޟިލް މުޙައްމަދު ސައީދު ވިދާޅުވެއްޖެއެވެ. މިނިސްޓަރ ސައީދު މިހެން ވިދާޅުވީ، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު މިއަދު ހައްދުންމައްޗަށް ފެއްޓެވި ދަތުރުފުޅުގައި ލ. މާވަށަށް ވަޑައިގެން އެ ރަށުގެ ރައްޔިތުންނާ ބައްދަލު ކުރެއްވުމަށް ބޭއްވި ޖަލްސާގައި ވާހަކަ ދައްކަވަމުންނެވެ.

މި ޖަލްސާގައި މިނިސްޓަރ ސައީދުވަނީ، އެ ބޭފުޅުން އެކަން ކުރަންވަން ވިސްނަވާ ގޮތުގެ ބައެއްކަންކަން ހިއްސާ ކުރައްވާފައެވެ. އެ މަނިކުފާނު ފާހަގަ ކުރެއްވި ގޮތުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ ސަރުކާރަކީ ހުރިހާ ގައުމަކާ ވެސް ގުޅިގެން މަސައްކަތް ކުރާނެ ސަރުކާރެއް ކަމަށާއި، ޑޮލަރުގެ އަގު ތިރިކުރުމަށް މަސައްކަތް ކުރައްވާނީ އަވަށްޓެރި ގައުމުތަކާ ގުޅިގެން ކަމަށެވެ.

އެގޮތުން ދިވެހި ސަރުކާރުން މިހާރު ގެންދަނީ ޗައިނާއާއެކު 720 މިލިއަން އެމެރިކާ ޑޮލަރު، އަދި އިންޑިއާއާއެކު 780 މިލިއަން އެމެރިކާ ޑޮލަރުގެ ވިޔަފާރިކުރަމުން ކަމަށާއި، މި ދެ ގައުމާއެކީ ކުރެވެމުން މިދާ ވިޔަފާރީގެ މުއާމަލާތްތަކާއެކު އެމެރިކާ ޑޮލަރުގެ އަގު ތިރިކުރެވޭ ތަން ފެންނަކަމަށް އެމަނިކުފާނު ވިދާޅުވިއެވެ

"އަޅުގަނޑުމެން ވައިނާއާއެކު ވިޔަފާރި އެބަކުރަން 720 މިލިއަން އެމެރިކާ ޑޮލަރުގެ، އިންޑިއާއާއެކު 780 މިލިއަން އެމެރިކާ ޑޮލަރުގެ އެބަ ވިޔަފާރިކުރަން. ހަމައެކަނި މި ދެ ގައުމާ އެއްކޮށް އަޅުގަނޑުމެނަށް މިކަން ވާނެކަމުގެ ހުރިހާ ސިގްނަލްއެއް އެބަފެނޭ."

މިނިސްޓަރ އޮފް އިކޮނޮމިކް އެންޑްޓްރޭޑް، އަލްފާޟިލް މުޙައްމަދު ސައީދު 


މި މޭރުމުން ވާހަކަފުޅު ކުރިޔަށް ގެންދަވަމުން އެ މަނިކުފާނު އިތުރަށް ވިދާޅުވީ، ސަރުކާރުން މިހާރުވާނީ ޗައިނާގެ ސެންޓްރަލް ބޭންކުގެ ގަވަރުނަރަށް ދިވެހި ރާއްޖެ އައުމަށް ދައުވަތު ދީފަކަމަށާއި، އަދި ގަވަރުނަރާއެކީ މަޝްވަރާ ކުރައްވާނީ ކަރަންސީ ސްވޮޕް އެރޭންޖުމެންޓުން ޓްރޭޑު ފެސިލިޓޭޝަނަށް ކަމަށެވެ. އެގޮތުން ޓްރޭޑު ފެސިލިޓޭޝަނުން ހަމައެކަނި 720 މިލިއަން ޑޮލަރުގެ ބައިކުޅަބައި ލިބުނަސް ދިވެހި ވިޔަފާރިވެރިން ޗައިނާއިން އިމްޕޯޓުކުރާ މުދަލަށް ދިވެހި ރުފިޔާ އިން ފައިސާ ދެއްކޭނެ މަގު ފަހިވެގެން ދާނެކަމަށް ވިދާޅުވިއެވެ.  

މީގެ އިތުރުން ސަރުކާރުގެ ވިސްނުން ހުރީ ޗައިނާއެކޭ އެއްގޮތަށް އިންޑިއާއިން ގެންނަ މުދަލަށް ވެސް ދިވެހި ރުފިޔާއިން ފައިސާ ދެއްކޭނެ ގޮތެއް ހޯދުމަށްކަމަށް އެމަނިކުފާނު ފާހަގަ ކުރެއްވެވިއެވެ. އަދި ހަމައެކަނި މި ކަންކަމުން ވެސް ޑޮލަރުގެ ކުރިމަތީގަ ދިވެހި ރުފިޔާ %30 އާއި %40 އަށް ވަރުގަދަވެގެން ދާނެކަމަށާއި، ނަތީޖާއަކަށް ވާނީ 15.42 އަށް ވުރެން ދަށަށް ޑޮލަރުގެ އަގު ދިއުންކަމަށް މިނިސްޓަރ ސައީދު ފާހަގަ ކުރެއްވެވިއެވެ

ނަމަވެސް މި ހުރިހާ ކަމެއް ގޮސް ގުޅެނީ މަޖިލިސް އިންތިހާބާ ކަމަށާއި، މިކަން ކުރެވޭނީ މަޖިލިސް އިންތިހާބުގައި ޕީއެންސީއަށް މެޖޯރިޓީ ލިބިގެންކަން އެމަނިކުފާނު ފާހަގަ ކުރެއްވެވިއެވެ

ކޮމެންޓް
އިއްބެ
ސައީދު ދޮގުހެދުންތަންކޮޅެއްބޮޑު އެކަންމަޖިލީސްލިބުނަކަސްނުކުރެވޭނެ އެކަނވާނީވެރިކަމުގައިޤާބިލުމީހުންތިބެގެން
11 Apr 2024
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.