މާލޭގައި މިރޭ އަލިފާނުގެ ހާދިސާ ހިނގި ސަރަހައްދަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަޑައިގެން ހާލަތު ބައްލަވައިލައްވައިފިއެވެ.

ރައީސުލްޖުމްހޫރިއްޔާ އެސަރަހައްދަށް ވަޑައިގެންނެވުމުން، އެމްއެންޑީއެފްގެ ފަޔަރ އެންޑް ރެސްކިއު ސަރވިސަސްއިން ވަނީ، ހާދިސާ އާއި ގުޅޭ މައުލޫމާތު ރައީސަށް އަރުވާފައެވެ.

އަލިފާނުގެ މިހާދިސާ ހިނގާފައި ވަނީ، މ. ރަބީޢުވިލާގައި މިރޭގެ 8:15 ހާއިރުގައެވެ. އަލިފާން ރޯވީ އެ ގޭގެ 4 ވަނަ ފަންގިފިލާގައި ކަމަށާއި، އަލިފާން ގަނޑު ކޮންޓްރޯލް ކުރެވިފައިވާ ކަމުގައި، އެމްްއެންޑީއެފުން ވަނީ، މިރޭގެ 9:07ގައި ބުނެފައެވެ.

Advertisement

އެމްއެންޑީއެފުން ބުނީ އަލިފާނުގެ މިހާދިސާގައި އެއްވެސް މީހަކަށް ގެއްލުމެއް ލިބުނު ކަމުގެ މަޢުލޫމާތެއް ނެތް ކަމަށެވެ. އެހެން ނމަވެސް މިހާދިސާގައި އެއިމާރާތަށް ވަނީ ބޮޑެތި ގެއްލުންތަކެއް ލިބިފައެވެ.