Advertisement

ފައްޔާޒް އިސްމާޢީލް - އެމްޑީޕީގެ ޗެއާ ޕާސަން

11 Apr 2024
ޚަބަރު
ޢަލީ ސުލައިމާން

ޣިޔާޘުއްދީންގައި ހިނގިކަންކަން އެނގިވަޑައި ނުގަންނަވާ ކަމުގައި ވިދާޅުވުމަކީ، ނާޤާބިލްކަން: ފައްޔާޒު

ޕީއެންއެފް އުފެއްދުމުގެ ޖަލްސާއަށް ފުލުހުން ހުރަސްއަޅައި އެކަންކަން ހިނގައިދިޔަ ކަންކަން އެެނގިވަޑައި ނުގަންނަވާ ކަމުގައި ރައީސުލްޖުމްހޫރިއްޔާ، ޑރ. މުޙައްމަދު މުޢިއްޒު ވިދާޅުވުމަކީ އެމަނިކުފާނުގެ ނާޤާބިލްކަން ހާމަވާ ކަމެއް ކަމުގައި އެމްޑީޕީގެ ޗެއާޕަރސަން ފައްޔާޒް އިސްމާއީލް ވިދާޅުވެއްޖެއެވެ.

ފައްޔާޒް މިހެން ވިދާޅުވީ،އެމްޑީޕީގެ މަޖިލިސް ކެމްޕޭނުގެ ތެރެއިން ފުވައްމުލަކުގައި ބޭއްވި ޖަލްސާގައި ވާހަކަފުޅު ދައްކަވަމުންނެވެ.

ފައްޔާޒް ވިދާޅުވީ، ޣިޔާސުއްދީންގައި ހިނގި ކަންކަން ހިނގަމުންދާތާ ގާތްގަނޑަށް 10 ވަރަަކަށް ގަޑިއިރު ވީއިރު އެކަން ހިނގިކަން އެނގިވަޑައިނުގަންނަވާކަމަށް ރައީސް ވިދާޅުވުމުން، އެނގިގެންދާ އެއްކަމަކީ އެމަނިކުފާނުގެ ނާޤާބިލްކަން ކަމަށެެވެ. ނޫންނަމަ އެކަން އެނގި ހުންނަވައި ރައީސް ހެއްދެވީ އިތުރުފުޅަކަށް ވެދާނެ ކަމުގައިވެސް ފައްޔާޒު ފާހަގަކުރެއްވިއެވެ.

ފައްޔާޒު ވިދާޅުވީ، ޣިޔާސުއްދީނުގައި ހިނގާދިޔަ ކަންތައްތައް ހިނގައި ދިޔައީ، އެޑިޔުކޭޝަން މިނިސްޓަރު ސިޓީއެއް ފޮނުއްވައި، ހޯމް މިނިސްޓަރު ފުލުހުން ފޮނުއްވައިގެން ކަމަށާއި، އެބޭފުޅުންނަކީ، ރައީސް ޑރ. މުޙައްމަދު މުޢިއްޒުގެ ވަޒީރުންގެ މަޖިލީހުގެ މެމްބަރުން ކަމަށެވެ.

"ގާތްގަނޑަށް 10 ވަރަަކަށް ގަޑިއިރު ވެގެން ދިޔައިރު ރައީސުލްޖުމްހޫރިއްޔާއަށް އެކަން އެނގިވަޑައި ނުގަންނަވާ ކަމަށް ވަންޏާމު، އަޅުގަނޑަށް ދެންނެވޭނީ ވަރަށް ވަރަށް ވަރަށް ނާޤާބިލް ރައީސުލްޖުމްހޫރިއްޔާ އެކޭ މީ. އެހެންވީމާ ދެގޮތް މިއޮތީ. އެއްގޮތަކީ ނާޤާބިލްކަމުގެ ވާހަކަވެސް ނުދެއްކޭވަރަށް ނާޤާބިލީ. ނޫނިއްޔާ އަނެއްކާވެސް ހަމަ ރޯ ބުހުތާނު ދޮގުތަކެއް ހެއްދެވީ. ހައްދަވައިގެން ހެދުނު ގޯހަށް މިހާރު އެއުޅެނީ ފުލުސް އާދައިގެ އޮފިސަރުންތަކެއް ބޮލަށް ދުއްވާލައިގެން އެކަން ހަމަޖައްސަން"

ފައްޔާޒް އިސްމާޢީލް - އެމްޑީޕީގެ ޗެއާޕަރސަން

ފައްޔާޒު ވިދާޅުވީ ރައީސުލްޖުމްހޫރިއްޔާގެ ވާހަކަފުޅުން ދޭހަ ވަނީ ރައްޔިތުންނަކީ އެއްވެސް ބަައެއް ނޫންކަމަށް އެމަނިކުފާނު ދެކެވަޑައިގަންނަވާ ކަން ކަމަށެވެ. އަދި މިފެންނަނީ ރައްޔިތުންނަކީ އެއްވެސް ބައެއް ކަމަށް ނުބަލައި ތިމާމެންގެ ވެރިކަމުގެ ބާރުގަދަ ކުރުމަށް ރައީސުލްޖުމްހޫރިއްޔާ މަސައްކައްކުރައްވާ މަންޒަރުކަމުގައިވެސް ފައްޔާޒު ވިދާޅުވިއެވެ.

މިމަހުގެ 9 ވަނަ ދުވަހުގެ ރޭ ޣިޔާސުއްދީން ސްކޫލުގައި ޕީއެންއެފް އުފެއްދުމުގެ ޖަލްސާ ބޭއްވުމަށް ހުރަސްއަޅައި ފުލުހުން ވަނީ، ޕެޕަރ ސްޕްރޭ ޖަހާފައެވެ. ފުލުހުން ޣިޔާސުއްދީން ސްކޫލު ބަންދުކުރީ، ހުއްދަ ދެވިފައި ނުވާ ބައްދަލުވުމެއް އެސްކޫލު ހޯލުގައި ބާއްވަން އުޅޭތީ އެކަން ހުއްޓުވަިއ ދިނުމަށް ސްކޫލު ހިންގާ ކުންފުނިން އެޑިޔުކޭޝަން މިނިސްޓްރީގައި އެދުމުން އެމިނިސްޓްރީގެ ފަރާތުން ފުލުހުންގެ ކިބަައިން އެކަމަށް އެދިގެން ކަމުގައި ފުލުހުންގެ އިދާރާއިން ވިދާޅުވެފައިވެއެވެ.

ރައީސުލްޖުމްހޫރިއްޔާ ވަނީ އެކަން ހިނގައިދިޔައިރު އެމަނިކުފާނަށް އޮތީ އެކަން އެނގިވަޑައިނުގެން ކަމުގައި ވިދާޅުވެ، އެކަން ހިނގައިދިޔަ ގޮތް ތަޙްޤީޤުކުރައްވައި ފިޔަވަޅުއަޅުއްވާނެ ކަމުގައި ވިދާޅުވެފައެވެ. އަދި އެކަން ހިނގައި ދިޔަ ގޮތުގެ ރިޕޯޓު ހޯމް މިނިސްޓްރީން ރޭގައި ވަނީ ރައީސް ޑރ. މުއިއްޒަށް ފޮނުވާފައި ކަމުގައި، ހޯމް މިނިސްޓްރީން ވަނީ ވިދާޅުވެފައެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.