Advertisement

މުޙައްމަދު އަސްލަމް - ރައްޔިތުންގެ މަޖިލީހުގެ ރައީސް

13 Apr 2024
ޚަބަރު
ޢަލީ ސުލައިމާން

ރައީސް ޔާމީނުގެ ޝަރީއަތް ހުއްޓިފައި އޮތީ، ސަރުކާރުގެ ނުފޫޒުންކަމުގައި ތުހުމަތުކޮށްފި

ޙުކުމާއި ހަމައަށް ގޮސްފައި އޮތް ރައީސް ޔާމީނުގެ މައްސަލައިގެ ޝަރީއަތް ހުއްޓުވާފައި ވަނީ، ސަރުކާރުން ކަމުގައި ރައްޔިތުންގެ މަޖިލީހުގެ ރައީސް މުޙައްމަދު އަސްލަމް ތުހުމަތު ކުރައްވައިފިއެވެ.

އެމްޑީޕީގެ މަޖިލިސް ކެމްޕޭނުގެ ތެރެއިން މިރޭ އައްޑޫގައި ބޭއްވި ޖަލްސާގައި ވާހަކަފުޅު ދައްކަވަމުން އަސްލަމް ވިދާޅުވީ، ރައީސް ޔާމީނުގެ ޝަރީއަތް ހުއްޓުވާފައި އޮތީ ސަރުކާރުން ނުފޫޒު ފޯރުވައިގެން ކަމުގައި ތުހުމަތު ކުރެވޭ ކަމަށެވެ.

އަސްލަމް ވިދާޅުވީ، ރައީސް ޔާމީނުގެ ޝަރީޢަތުގެ ހުރިހާ އަޑުއެހުންތަކެއް ޑިސެމްބަރު މަހުގައި ނިމި މިހާރު އޮތީ ހުކުމް ކުރުމުގެ މަރުޙަލާގައި ކަމަށެވެ. އެހެން ނަމަވެސް އޭގެ ފަހުން ހަތަރު މަސްދުވަސް ވެގެން ދާއިރު، އަދިވެސް އެމައްސަލައިގެ ޙުކުމް ނުކުރާކަން އަސްލަމް ފާހަގަކުރެއްވިއެވެ.

" ހަތަރުމަސްވެގެން މިދަނީ ހަމައެކަނި ހުކުމް އިއްވާ ނުލެވި އެއޮތީ. އެހެންވީމާ، ސަރުކާރުން މިކަމަށް އަތްބާނާ މިންވަރު ކަމުން މިފެންނަނީ. ވަރަށް ބޮޑުތުހުމަތެއް އެބަ އޮވޭ. އަޅުގަނޑު ތިޔަ ހުރިހާ ބޭފުޅުންނަށް ދަންނަވާލަން ބޭނުންވަނީ، ރައީސް ޔާމީނުގެ ޝަރީއަތް ލަސްވެގެންދާ ސަބަބު ޖޭއެސްސީއިން ބެލުމަށްޓަކައި، ރައްޔިތުންގެ މަޖިލީހުގެ ރައީސްގެ ހައިސިއްޔަތުން ޖޭއެސްސީގެ މެމްބަރެއްގެ ގޮތުގައި އަޅުގަނޑު އިންނާތީ، މާދަމާ (ހޮނިހިރު ދުވަހު) އެމައްސަލަ ލާނަމޭ، ބަލުވާނަމޭ ޖޭއެސްސީން އަޅުގަނޑުމެން ރައީސް ޔާމީނުގެ ޝަރީއަތް ލަސްވާ ސަބަބު."

މުޙައްމަދު އަސްލަމް - ރައްޔިތުންގެ މަޖިލީހުގެ ރައީސް

އަސްލަމް ވިދާޅުވީ ރައީސް ޔާމީނުގެ މައްސަލަ ލަސްވާ ސަބަބު ބެލުމަކީ އެއީ ކުރަންޖެހޭ ކަމެއް ކަމަށާއި، ރައީސްކަން ކުރައްވާފައިވާ ބޭފުޅަކަށް ދޭންޖެހޭ އިހްތިރާމްވެސް އެއީ ކޮންމެ ބޭފުޅެއް ނަމަވެސް ދެއްވަން ޖެހޭނެ ކަމަށެވެ. އަދި އިންސާފުގެ ކުރިމަތީގައި ވަކި ސަރުކާރަކުން ވަކިބަޔަކު ނުފޫޒު ފޯރުވައިގެން ނުވާނެ ކަމަށާއި، ކޮންމެ މީހަކަށްވެސް ފުރިހަމަ އިންސާފު ލިބެން ޖެހޭނެ ކަމުގައި އަސްލަމް ވިދާޅުވިއެވެ. އެއީ އެމްޑީޕީގެ ތިލަފަތުގެ ލޯގޯ ރަމްޒުކޮށްދޭ ފުރިހަމަ މިސްރާބަކީވެސް އެއީ ކަމުގައި އަސްލަމް ވިދާޅުވިއެވެ.

ރައީސް ޔާމީނުގެ މައްޗަށް ހިންގޭ ޝަރީއަތުގެ އަޑުހެނުންތައް ހައިކޯޓުގައި ނިންމާލާފައި ވަނީ، 22 ޑިސެމްބަރު 2023ގައެވެ. އެމައްސަލައިގެ ހުކުމް ކުރުން ލަސްވަމުންދާތީ ރައީސް ޔާމީނުގެ ސަޕޯޓަރުންވެސް އެކަމުގައި ތުހުމަތު ކުރަނީ ސަރުކާރަށެވެ. ރައީސް ޔާމީން މިސަރުކާރާއި ދެކޮޅަށް މަސައްކަތްކުރައްވަމުން ގެންދާއިރު، ރައިސުލްޖުމްހޫރިއްޔާ ޑރ. މުޙައްމަދު މުޢިއްޒަށް ވެރިކަން ލިބިވަޑައިގަތީ ރައީސް ޔާމީނު މިނިވަން ކުރެއްވުމަށް ވެވަޑައިގެންނެވި ވަޢުދާއި އެކު އެމަނިކުފާނުގެ ސަޕޯޓަރުން ދިން ވޯޓުންނެވެ. އެހެން ނަމަވެސް ޑރ. މުޢިއްޒުގެ ސަރުކާރުން ރައީސް ޔާމީނު މިނިވަން ކުރެއްވުމަށް މަސައްކަތް ކުރެއްވުމުގެ ބަދަލުގައި އެމަނިކުފާނުގެ ޝަރީއަތަށް ނުފޫޒު ފޯރުވާކަމުގެ ތުހުމަތުތައް އާއްމު ފަރާތްތަކުންވެސް ސަރުކާރަށް އަމާޒު ކުރެއެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.