Advertisement

ޕިއެންސީ ކެންޑީޑޭޓްކެމްޕޭން ބައްދަލުވުމުގައި، އަހުމަދު އަބްދުއްރަހުމާން (ހަންޓާ އަހުމަދު) ވާހަކަދައްކަނީ ---

13 Apr 2024
ޚަބަރު
ޢަލީ ސުލައިމާން

ސަރުކާރުގެ ކެންޑިޑޭޓުންނަށް ވޯޓު ނުދޭ ސަރުކާރު މުވައްޒަފުން ވަޒީފާތަކުން ވަކިކުރަން ޕީއެންސީގެ މެމްބަރަކު ގޮވާލައިފި

ސަރުކާރުގެ ކެންޑިޑޭޓުންނަށް ވޯޓު ނުދޭ ސަރުކާރު މުވައްޒަފުންނާއި ކުންފުނިތަކުގެ ވަޒީފާތަކުން ވަކިކުރަން ޕީއެންސީގެ މެމްބަރަކު ގޮވާލައިފިއެވެ.

ރޭ ހިންނަވަރުގައި ޕީއެންސީން ބޭއްވި ޖަލްސާގައި އެކަމަށް ގޮވާލާފައި ވަނީ، ހިންނަވަރު ދާއިރާއަށް ޕީއެންސީގެ ޓިކެޓްގައި ވާދަކުރާ ކެންޑިޑޭޓްގެ ކެމްޕޭނުގައި އިސްކޮށް މަސައްކަތް ކުރާ ހިންނަވަރު އަޅިވިލާގޭ،  އަހުމަދު އަބްދުއްރަހުމާން (ހަންޓާ އަހުމަދު)އެވެ. 

އޭނާ ވަނީ، ހިންނަވަރު ދާއިރާއަށް ވާދަކުރާ ސަރުކާރުގެ ކެންޑިޑޭޓަށް ވޯޓު ނުދޭ ފެލިވަރު ކާރުޚާނާގައި މަސައްކަތް ކުރާ މުވައްޒަފުންނަށް ވަޒީފާގެ ބިރު ދެއްކުމަށް ގޮވާލައި ވާހަކަ ދައްކާފައެވެ. 

ޕީއެންސީ ބޭއްވި ކެމްޕޭން އެއްވުމުގައި، އަހުމަދު އަބްދުއްރަހުމާން (ހަންޓާ އަހުމަދު)  ދެއްކިވާހަކަ --

"ކުންފުނީގައި މަސައްކަތް ކުރާ ބޭބޭފުޅުންނަށް، އަދިކޮޅު ފަރާތްތަކުގެ ބޭބޭފުޅުން ކަމުގައި ވިޔަސް، އެބޭފުޅުންނަށް ސަރުކާރުގެ ފަރާތްތަކުން އެބަޖެހޭ، ގުޅުއްވައިގެން ނަމަވެސް އަޅުގަނޑުމެންނަށް އެއްބާރުލުން ދޭނެ ވާހަކަ ދަންނަވައިގެން، އަޅުގަނޑުމެންނާއި ގުޅިވަޑައިނުގެންފި ކަމަށް ވާނަމަ، އަޅުގަނޑުމެން އަޅަންޖެހޭ ފިޔަވަޅުތަކެއް އެބަޖެހޭ އަޅަން. މިކަން ކޮށްގެންނޫނީ އަޅުގަނޑުމެންނަށް މި ކާމިޔާބު ކުރުމަށް ދަތިތަކެއް އެކުލެވިގެން ހިނގައިދާނޭ. އެހެންވީމާ އަޅުގަނޑު މިނިސްޓަރުގެ އަރިހުންވެސް އެދެނީ، ރައީސަށް ދަންނަވައިގެންވެސް ފެލިވަރުގައި މަސައްކަތް ކުރާ މީހުން، ޚާއްޞަކޮށް ފެލިވަރުގައި މަސައްކަތް ކުރާ މީހުން، ކޮންޓްރޯލް ކުރުމުގެ ބާރެއް އަޅުގަނޑުމެންގެ ކެންޑިޑޭޓަށް ދީގެން، ވަޒީފާތަކާއި އެއްޗެހި ފުރުޞަތު އަޅުގަނޑުމެންނަށް ލިބޭނެ ކަހަލަ ގޮތަކަށް، މަގުފަހިކޮށްދިނުން."

އަހުމަދު އަބްދުއްރަހުމާން - ޕީއެންސީގެ މެމްބަރު

ރައްޔިތުންގެ މަޖިލީހުގެ އިންތިޚާބު ކާމިޔާބު ކުރުމަށް ސަރުކާރުން ގެންދަނީ ދައުލަތުގެ ވަސީލަތްތައް ނުހަމަ ގޮތުގައި ބޭނުންކޮށް، އަދި ވަޒިފާގެ ބިރުދައްކައި، ރިޝްވަތުގެ ގޮތުގައި ފައިސާ ބަހަމުން ކަމުގައި، އިދިކޮޅު ފަރާތްތަކުން ވަނީ ބުނެފައެވެ. 

އަދި އެކަންކަން ސާބިތުކުރެވޭ ހެކިތައް ފެންނަން ހުރި އިރު ކަމާއި ބެހޭ ފަރާތްތަކުގައި އެކަމާއި ގުޅިގެން ފިޔަވަޅު އެޅުމަށްވެސް އިދިކޮޅު ފަރާތްތަކުން ވަނީ ގޮވާލާފައެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.