އެމަނިކުފާނު މިހެން ވިދާޅުވީ، އާދީއްތަ ދުވަހު ބާއްވާ ރައްޔިތުންގެ މަޖިލީހުގެ އިންތިޚާބަށް އެމްޑީޕީން ކުރިޔަށް ގެންދާ އެޕާޓީގެ މިސްރާބު ހަމަ މަގަށް ކެމްޕެއިންގެ މަގުމަތީ ހަރަކާތްތައް ނިންމާލުމުގެ ގޮތުން ކުރިޔަށް ގެންތިޔަ ރެލީ ނިންމާލުމަށް ފަހު އާޓިފިޝަލް ބީޗުގައި އެމްޑީޕީގެ މެމްބަރުންނާއި އެކު ބޭއްވެވި ބައްދަލުކުރެއްވުމުގައި ވާހަކަފުޅު ދައްކަވަމުންނެވެ.

މަގުމަތީގެ ހަރަކާތްތައް ނިންމާލުމުގެ ގޮތުން މިއަދު ހަވީރު އެޕާޓީން ވަނީ މަގުމަތީގެ ރެލީއެއް ބާއްވާފައެވެ. މާފަންނު ސޯޝަލް ސެންޓަރުން ފަށައިގެން ހެންވޭރު އާޓިފިޝަލް ބީޗަށް ކުރިޔަށް ގެންދިޔަ މިރެލީގައި ކުރީގެ ރައީސް އިބްރާހީމް މުޙައްމަދު ޞާލިޙާއި އެމްޑީޕީގެ ރައީސް އަބްދުﷲ ޝާހިދާއި އެމްޑީޕީގެ ޗެއާޕަރސަން ފައްޔާޒް އިސްމާޢީލާއި، އެކި ދާއިރާތަކަށް އެމްޑީޕީގެ ޓިކެޓްގައި ވާދަކުރައްވާ ކެނޑިޑޭޓުންނާއި އާއްމުން ބައިވެރިވިއެވެ.

މަޖިލިސް އިންތިޚާބަށް ހުރިހާ ދާއިރާތަކަށް ވާދަ ކުރެވޭނެ ކަމުގެ ޤާބިލްކަން ނެތުމުން އެޕާޓީން ކުރިމަތިލާފައި ވަނީ މަޖިލީހުގެ ދާއިރާތަކުން މަދު ދާއިރާ ތަކަކަށެވެ. އޭގެ ތެރެއިންވެސް ބައެއް ކެންޑިޑޭޓުން މިހާރު ވަނީ އިންތިޚާބު ދޫކޮށްލައި، އެހެން ކެންޑިޑޭޓުންނަށް ތާއީދުކުރުމަށް ނިންމާފައެވެ.

އެމްޑީޕީން ހާމަކޮށްފައިވާ ގޮތުގައި މިސްރާބު ހަމަމަގަށް ކެމްޕޭން ނިންމުމުގެ ގޮތުން ބާއްވާ މިޕެރޭޑް ފަށާނީ، މިއަދު ހަވީރު 4:00ގައި ސޯޝަލް ސެންޓަރު ކުރިމަތިންނެވެ.

ބުރާސްފަތި ދުވަހު އެމްޓީސީސީއާ ހަވާލުކޮށްފައި ވަނީ، ށ. މިލަންދޫ، ށ. ބިލެތްފަހި، ށ. ކޮމަންޑޫ، ތ. ގުރައިދޫ އަދި ތ. ވިލުފުށީގައި އެއާޕޯޓު އެޅުމުގެ މަސައްކަތެވެ. މި އެއާޕޯޓުތަކުގެ ތެރެއިން ތ. ގުރައިދޫ އާއި ށ. މިލަންދޫގައި އެއާޕޯޓު އަޅައިދެއްވުމަކީ، ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ރިޔާސީ އިންތިޚާބުގެ ކެމްޕޭނުގައި އެރަށްރަށުގެ ރައްޔިތުންނަށް ވެވަޑައިގެންނެވި ވަޢުދެކެވެ. އެހެން އެއާޕޯޓްތަކަކީ ކުރީގެ ސަރުކާގައި އިއުލާނު ކުރެވުނު މަޝްރޫޢުތަކެއް ނަމަވެސް އެ އެއާޕޯޓްތައް އަޅުއްވައި ދެއްވުމަށް ރައީސް ޑރ. މުޢިއްޒު ވަޢުދުވެވަޑައިގެންނެވިއެވެ.

ރައީސް ޔާމީން މިނިވަން ވުމާއިއެކު މިރެއިން ފެށިގެން އެމަނިކުފާނި ރައްޔިތުންގެ މަޖިލީހުގެ އިންތިޚާބުގެ ކެމްޕޭނުގައި ޢަމަލީ ގޮތުން ބައިވެރިވެވަޑައިގަންނަވާނެއެވެ. ރައީސް ޔާމީން ޕީއެންއެފްއަށް މަޖިލީހުގެ ގޮނޑިތަކެއް ކާމިޔާބުކޮށްދެއްވުމަށް ނުކުންނަވާއިރު ކެމްޕޭނުގައި ދެން ބާކީ އޮތީ އެންމެ ދުވަހެކެވެ. ހޮނިހިރު ދުވަހުގެ އިރު އޮއްސި 6:00 އިން ފެށިގެން ކެމްޕޭން ކުރުން މަނާވެގެންދާނެއެވެ.

ރައީސް ޔާމީނުގެ ފޮޓޯފުޅާއި އެމަނިކުފާނުގެ ސަޕޯޓަރުންގެ ތާއީދާއިއެކު، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށް ވެރިކަން ލިބިވަޑައިގެންނެވި އިރު، ރައީސް ޔާމީން މިނިވަންވުމުގެ އުފަލުގައި އެބޭފުޅުން އަމަލީ ގޮތުން ބައިވެރިވެވަޑައި ނުގެންނެވި ސަބަބާއި މެދުވެސް ކޯޓުދޮށުގައި އެއްވެ ތިބި ރައީސް ޔާމީނުގެ މަދު ސަޕޯޓަރުން ޝަކުވާ ކުރިއެވެ.

އެމަނިކުފާނުގެ ފަރާތްޕުޅުން ހައިކޯޓަށް ހުށައެޅުއްވި އިސްތިއުނާފުގެ މައްސަލަ އެމަނިކުފާނަށް ކާމިޔާބުވެގެން ނިމުނު ނަމަވެސް ރައީސް ޔާމީނުވަނީ އިސްތިއުނާފުގެ މައްސަލަ ނުނިމި ދިގުލައިގެން ދިޔުމުގެ ސަބަބުން އެމަނިކުފާނުގެ ޙައްޤުތަކެއް ގެއްލިގެން ދިޔަކަން ފާހަގަކުރައްވާފައެވެ. 2023 ވަނަ އަހަރު ބޭއްވި ރިޔާސީ އިންތިޚާބުގައި ވާދަކުރެއްވުމަށް އެމަނިކުފާނު ކެންޑިޑެންސީވެސް ހުށައެޅުއްވިއެވެ. އެހެން ނަމަވެސް އެމަނިކުފާނުގެ ކެންޑިޑެންސީ އިލެކްޝަންސް ކޮމިޝަނުން ބަލައިނުގަތީ މިއަދު ހައިކޯޓުން ބާޠިލްކުރި ހުކުމްތަކާއި ގުޅިގެން އެމަނިކުފާނު ބަންދުގައި ހުންނެވުމުންނެވެ. އޭރު ވެސް ހައިކޯޓުގައި މިމައްސަލަތަކުގެ ޝަރީއަތްތައް ހިނގަމުން ދިޔައެވެ.

އެމްއެމްޕީއާރުސީ މެދުވެރިކޮށް، ވ. އާރަށް ކުއްޔަށް ދޫކުރުމުގައި އެއް މިލިއަން ޑޮލަރުގެ ރިޝްވަތު ނަންގަވައި އެ ފައިސާ ލޯންޑާކުރެއްވުމުގެ ކުށުގައި ކުރީގެ ރައީސް އަބްދުﷲ ޔާމީން، ދައުލަތުން އުފުލި ދެދައުވާއެއް ސާބިތުވާކަމަށް ނިންމައި، އެމަނިކުފާނު 11 އަހަރަށް ޖަލަށް ލުމަށާއި، 5 މިިލިއަން ޑޮލަރުން ޖޫރިމަނާކޮށް އެފައިސާ 6 މަސްދުވަހުގެ ތެރޭގައި ދެއްުކުމަށް ކްރިމިނަލް ކޯޓުން ޙުކުމްކުރީ، 25 ޑިސެމްބަރު 2022 ގައެވެ.

ރައީސް ޔާމީނުގެ މައްޗަށް ކޮށްފައިވާ ޙުކުމް ހައިކޯޓުން ބާޠިލްކުރީ ރައީސް ޔާމީނުގެ ފަރާތްޕުޅުން ދިވެހިރާއްޖޭގެ ހައިކޯޓަށް ހުށައެޅި އިސްތިޢުނާފް މައްސަލަ ނިންމައި އިއްވި ޙުކުމްގައެވެ. ހައިކޯޓުގެ ޙުކުމްގައި ވަނީ، ދަށު ކޯޓު މަރުހަލާގައި މިމައްސަލަ ކުރިޔަށް ގެންގޮސް ޙުކުމް ކުރުމުގައި ކްރިމިނަލް ކޯޓުން ނިންމި ނިންމުން ބާޠިލްކުރި ސަބަބުތައް ފާހަގަކޮށްފައެވެ. މީގެ އިތުރުން ކުރިމިނަލް ކޯޓުން އެމައްސަލަ އަލުން ބެލުމުގައި ބަލަންޖެހޭ ކަންކަންވެސް ވަނީ ހިމަނާފައެވެ.

މޭޖަރ ޖެނެރަލް އިބްރާހީމް ޙިލްމީ، ޗީފް އޮފް ޑިފެންސް ފޯސްގެ މަގާމަށް ޢައްޔަން ކުރައްވާފައި ވަނީ ކުރިން ޗީފް އޮފް ޑިފެންސް ފޯސްގެ މަޤާމު ފުރުއްވަމުންގެންދެވި ލެފްޓިނެންޓް ޖެނެރަލް ޢަބްދުއްރަޙީމް ޢަބްދުއްލަޠީފް، 17 އެޕްރީލް 2024 ގައި ރިޓަޔަރކުރެއްވުމާއި ގުޅިގެންނެވެ.

މި ރަސްމިއްޔާތުގައި، އެމްއެންޑީއެފުން ދެއްވާ ސިޓީފުޅާއި ރިޓަޔަރމަންޓްގެ ރަމްޒީ ކާޑު، ލެފްޓިނެންޓް ޖެނެރަލް (ރޓ) ޢަބްދުއްރަޙީމް ޢަބްދުއްލަޠީފްއާ ހަވާލުކޮށްދެއްވީ ވައިސް ޗީފް އޮފް ޑިފެންސް ފޯސް، ބްރިގޭޑިއަރ ޖެނެރަލް އިބްރާހީމް ޙިލްމީއެވެ.

މިމައްސަލައިގެ އަޑުއެހުމެއް އެންމެ ފަހުން ހައިކޯޓުގައި ބާއްވާފައި ވަނީ ހުސްވި އަހަރުގެ ނޮވެމްބަރު މަހުގައެވެ. އެދުވަހު އެމައްސަަލައިގެ ޝަރީއަތުގެ އަޑުއެހުންތައް ނިންމާލާފައި ވާތީ ދެން އޮންނާނީ މައްސަލައިގެ ޙުކުމް ކުރުމެވެ. އެހެންކަމުން ރައީސް ޔާމީނުގެ ފަރާތްޕުޅުން އިސްތިޢުނާފަށް ހުށައަޅާފައިވާ އެމައްސަލައިގައި ދިވެހިރާއްޖޭގެ ހައިކޯޓުން މިއަދު ޙުކުމް އިއްވާނެއެވެ.

އެކޮމިޝަނުން ވިދާޅުވީ، ހަވީރު 5:30ގައި ކިއޫތައް ބަންދު ކުރާނެ ކަމަށާއި، ވޯޓުލުމުގެ ވަގުތު އިތުރު ނުކުރާނެ ކަމަށެވެ. އަދި ހޮނިހިރު ދުވަހުގެ އިރުއޮއްސި 6:00 އިންފެށިގެން ހޯމަ ދުވަހުގެ ހެނދުނު 6:00 އާއި ހަމައަށް އެއީ ކެމްޕޭން ކުރުން މަނާ ވަގުތު ކަމުގައިވެސް ކޮމިޝަނުން ވަނީ ހަނދާންކޮށްދީފައެވެ.

ރާއްޖޭގެ މޫސުމާއި ބެހޭ ޤައުމީ އިދާރާއިން ބުނީ އިންޑިއާ ކަނޑުގެ އިރުމަތީގައިވާ އަންޑަމަންގެ ރަށްތަކުގެ ކައިރިއަށް އައި މި ބިންހެލުމުގެ އަސަރު ރާއްޖެއަށް ކޮށްފާނެކަމަށް ނުބެލެވޭ ކަމަށެވެ،

ޑުބާއީއަށް އިއްޔެއިން ފެށިގެން ވެހުނު ބޯވާރޭގެ ސަބަބުން މުޅި ދުބާއީގައި ވަނީ ފެންބޮޑުވެފައެވެ. ރަންވޭ އާއި ޓެކްސީވޭތަކުގައި ފެންބޮޑުވުމުގެ ސަބަބުން ދުބާއީ އިންޓަނޭޝަނަލް އެއާޕޯޓަށް ފްލައިޓްތައް ނުޖެއްސި ޑައިވާޓް ކުރަން ޖެހުނު ކަމުގައިވެސް މައުލޫމާތު ލިބެއެވެ. ޚަބަރުތައް ބުނާ ގޮތުގައި، އެއާޕޯޓުގެ ރަންވޭގައި ބައިފޫޓަށް ފެން ބޮޑުވިއިރު، އެ އެއާޕޯޓަށް ޖައްސަން އޮތް ފްލައިޓްތައް އެހެން އެއާޕޯޓްތަކަށް ޑައިވާޓްކޮށް، ޝެޑިއުލް ފްލައިޓްތަކުގެ %50 ކެންސަލް ކުރަން ޖެހުނެވެ. އަދި މުޅި އެއާޕޯޓުގެ އޮޕަރޭޝަންތައް ބައިގަޑިއެއްހައި އިރަށް މުޅިން ހުއްޓާލަން ޖެހުނެވެ.