އެމްއެމްޕީއާރްސީގެ ޚިޔާނާތަކާއި ގުޅިގެން ކްރިމިނަލްކޯޓުން ރައީސް ޔާމީނުގެ މައްޗަށް އިވާފައިވާ 11 އަހަރުގެ ޖަލު ހުކުމާއި 5 މިލިއަން ޑޮލަރުގެ ޖޫރިމަނާގެ އިސްތިއުނާފް މައްސަލަ ނިންމުން މިއަދުގެ 1:00އަށް ދިވެހިރާއްޖޭގެ ހައިކޯޓުގައި ތާވަލުކޮށްފިއެވެ.

މިމައްސަލައިގެ އަޑުއެހުމެއް އެންމެ ފަހުން ހައިކޯޓުގައި ބާއްވާފައި ވަނީ ހުސްވި އަހަރުގެ ނޮވެމްބަރު މަހުގައެވެ. އެދުވަހު އެމައްސަަލައިގެ ޝަރީއަތުގެ އަޑުއެހުންތައް ނިންމާލާފައި ވާތީ ދެން އޮންނާނީ މައްސަލައިގެ ޙުކުމް ކުރުމެވެ. އެހެންކަމުން ރައީސް ޔާމީނުގެ ފަރާތްޕުޅުން އިސްތިޢުނާފަށް ހުށައަޅާފައިވާ އެމައްސަލައިގައި ދިވެހިރާއްޖޭގެ ހައިކޯޓުން މިއަދު ޙުކުމް އިއްވާނެއެވެ.

އެމައްސަލަ ނުނިިމި ދިގުލައިގެންދާތީ ރައީސް ޔާމީނުގެ ވަކީލުންނާއި ސަޕޯޓަރުންވެސް ވަނީ ކަންބޮޑުވުން ފާޅުކޮށްަފައެވެ. އަދި އެމައްސަލަ ލަސްވާ ސަބަބެއް ބެއްލެވުމަށް ރައްޔިތުންގެ މަޖިލީގުގެ ރައީސް މުޙައްމަދު އަސްލަމް ވަނީ، ޖޭއެސްސީއަށް މައްސަލައެއްވެސް ހުށައަޅުއްވާފައެވެ.

އެމްއެމްޕީއާރުސީ މެދުވެރިކޮށް، ވ. އާރަށް ކުއްޔަށް ދޫކުރުމުގައި އެއް މިލިއަން ޑޮލަރުގެ ރިޝްވަތު ނަންގަވައި އެ ފައިސާ ލޯންޑާކުރެއްވުމުގެ ކުށުގައި ކުރީގެ ރައީސް އަބްދުﷲ ޔާމީން 11 އަހަރަށް ޖަލަށް ލުމަށާއި، 5 މިިލިއަން ޑޮލަރުން ޖޫރިމަނާކޮށް އެފައިސާ 6 މަސްދުވަހުގެ ތެރޭގައި ދެއްުކުމަށް ކްރިމިނަލް ކޯޓުން 25 ޑިސެމްބަރު 2022 ގައެވެ.