އެމްޑީޕީގެ ތެރޭގައި ވަކި ފެކްޝަނެއް ހައްދައިގެން އުޅުމަށްފަހު ރައީސް ނަޝީދަށް ތާއީދު ކުރާ މެމްބަރުން ބައިވެރިވެގެން އުފެއްދި ޕާޓީ، ދަޑިމޮކްރެޓްސްގެ މަޖިލިސް ކެމްޕޭން މިރޭ ބާއްވާނެ ކަމުގައި އެޕާޓީން ބުނެފިއެވެ.

ދަޑިމޮކްރެޓްސްގެ ކެމްޕޭން ނިންމާ ޖަލްސާ ބޭއްވުމަށް ހަމަޖައްސާފައި ވަނީ ރާޅު ގަނޑުގައެވެ.

މަޖިލިސް އިންތިޚާބަށް ހުރިހާ ދާއިރާތަކަށް ވާދަ ކުރެވޭނެ ކަމުގެ ޤާބިލްކަން ނެތުމުން އެޕާޓީން ކުރިމަތިލާފައި ވަނީ މަޖިލީހުގެ ދާއިރާތަކުން މަދު ދާއިރާ ތަކަކަށެވެ. އޭގެ ތެރެއިންވެސް ބައެއް ކެންޑިޑޭޓުން މިހާރު ވަނީ އިންތިޚާބު ދޫކޮށްލައި، އެހެން ކެންޑިޑޭޓުންނަށް ތާއީދުކުރުމަށް ނިންމާފައެވެ.

ފާރަވެރި މަޖިލިސްގެ ނަމުގައި ދަ ޑިމޮކްރެޓްސްއިން މަޖިިލިސް އިންތިޚާބުގެ ކެމްޕޭން ކުރިޔަށް ގެންދިޔައީ ފަނޑުގޮތަކަށް ކަމުގައި، ސިޔާސީ އެހެން ފަރާތްތަކުން ބުނެފައިވެއެވެ.

ދަ ޑިމޮކްރެޓްސްގެ ކެމްޕޭން ނިންމާ ޖަލްސާ މިރޭ 8:30ގައި ރާޅު ގަނޑުގައި ބާއްވާއިރު މިޖަލްސާގައި ރައީސް ނަޝީދު ބައިވެރިވެވަޑައިގަންނަވާނެ އެޕާޓީން ވަނީ ހާމަކޮށްފައެވެ.