ކުރީގެ ރައީސް ޢަބުދުﷲ ޔާމީން ޢަބުދުލްޤައްޔޫމުންގެ މައްޗަށް ދައުލަތުން އުފުލި ކޮރަޕްޝަނާއި މަނީ ލޯންޑަރިންގެ ދައުވާ ސާބިތުވާ ކަމަށް ކަނޑައަޅައި އެމަނިކުފާނު، 11 އަހަރަށް ޖަލަށް ލުމަށާއި 5 މިލިޔަން ޑޮލަރުން ޖޫރިމަނާކުރުމަށް ކުރި ޙުކުމްގައި ހިމެނޭ ކޮރަޕްޝަންގެ މައްސަލައިގެ ހުކުމް ދިވެހިރާއްޖޭގެ ހައިކޯޓުން ބާޠިލްކޮށް އެމައްސަލަ އަލުން ބެލުމަށް ކުރިމިނަލްކޯޓަށް އަންގައިފިއެވެ.

ރައީސް ޔާމީނުގެ މައްޗަށް ކޮށްފައިވާ ޙުކުމް ހައިކޯޓުން ބާޠިލްކުރީ ރައީސް ޔާމީނުގެ ފަރާތްޕުޅުން ދިވެހިރާއްޖޭގެ ހައިކޯޓަށް ހުށައެޅި އިސްތިޢުނާފް މައްސަލަ ނިންމައި އިއްވި ޙުކުމްގައެވެ. ހައިކޯޓުގެ ޙުކުމްގައި ވަނީ، ދަށު ކޯޓު މަރުހަލާގައި މިމައްސަލަ ކުރިޔަށް ގެންގޮސް ޙުކުމް ކުރުމުގައި ކްރިމިނަލް ކޯޓުން ނިންމި ނިންމުން ބާޠިލްކުރި ސަބަބުތައް ފާހަގަކޮށްފައެވެ. މީގެ އިތުރުން ކުރިމިނަލް ކޯޓުން އެމައްސަލަ އަލުން ބެލުމުގައި ބަލަންޖެހޭ ކަންކަންވެސް ވަނީ ހިމަނާފައެވެ.

ރައީސް ޔާމީނުގެ ފަރާތްޕުޅުން ހުށައެޅި މިމައްސަލަ ހައިކޯޓުގައި ބަލައި ނިންމާފައި ވަނީ، ފަނޑިޔާރު ޙުސައިން ޝަފީޢު އާއި ފަނޑިޔާރު ޙުޒައިފާ މުޙައްމަދާއި ފަނޑިޔާރު މުޙައްމަދު ސަލީމެވެ. އެހުކުމްކޮށްފައި ވަނީ ފަނޑިޔާރުންގެ ބެންޗުގައި ހިމެނިވަޑައިގެންނެވި 3 ފަނޑިޔާރުންގެ އިއްތިފާޤުންނެވެ.

އެމްއެމްޕީއާރުސީ މެދުވެރިކޮށް، ވ. އާރަށް ކުއްޔަށް ދޫކުރުމުގައި އެއް މިލިއަން ޑޮލަރުގެ ރިޝްވަތު ނަންގަވައި އެ ފައިސާ ލޯންޑާކުރެއްވުމުގެ ކުށުގައި ކުރީގެ ރައީސް އަބްދުﷲ ޔާމީން 11 އަހަރަށް ޖަލަށް ލުމަށާއި، 5 މިިލިއަން ޑޮލަރުން ޖޫރިމަނާކޮށް އެފައިސާ 6 މަސްދުވަހުގެ ތެރޭގައި ދެއްުކުމަށް ކްރިމިނަލް ކޯޓުން 25 ޑިސެމްބަރު 2022 ގައެވެ.