ރައީސުލްޖުމްހޫރިއްޔާގެ އޮފީހުގެ ޗީފް ސްޕޯކްސްޕާސަން މުޙައްމަދު ޝަހީބު ބޭއްވެވި ނޫސްވެރިންގެ ބައްދަލުވުމުގައި ނޫސްވެރިއަކު ކުރެއްވެވި ސުވާލަކަށް ޖަވާބު ދެއްވަމުން ވިދާޅުވީ، މިހާރު ޝަރުއީ ދާއިރާ މިނިވަންވެފައިވާކަމަށެވެ.

އެޕާޓީގެ ފަރާތުން އަމާޒަކީ، 24 ގަޑިއިރުގެ ތެރޭގައި، 3000 ފޯމު ހަމަކޮށް ޕާޓީ ރަޖިސްޓްރީ ކުރުމަށް އިލެކްޝަންސް ކޮމިޝަނަށް ހުށައެޅުން ކަމަށެވެ. އަދި އެންމެ އަވަހަށް ރަޖިސްޓްރީވާ ސިޔާސީ ޕާޓީއަށް ހަަދައި ޕާޓީގެ މަސައްކަތްތައް އަވަހަށް ފަށައިގަތުމަށް ރާވަމުން އަންނަ ކަމުގައިވެސް އެޕާޓީން ބުންޏެވެ.

އެކޮމިޝަންގެ ނައިބު ރައީސް އިސްމާއީލް ޙަބީބު ވިދާޅުވީ، އަލްފާޟިލް ޒެއިން ޢަބްދުﷲ ޔާމީން ގެ ފަރާތްޕުޅުން، ސިޔާސީ ޕާޓީއެއް އުފެއްދެވުމުގެ ހުއްދައަށް އެދިވަޑައިގެން، އިލެކްޝަންސް ކޮމިޝަނަށް ހުށަހަޅުއްވާފައިވާ ހުށަހެޅުއްވުމާމެދު މިއަދު 2 ޖަހާއިރު ބާއްވާ ކޮމިޝަންގެ ޖަލްސާގައި ގޮތެެއް ނިންމަވާނެކަމަށެވެ.

ޑރ. މުހައްމަދު މުޢިއްޒުގެ ވެރިކަމުގެ ފުރަތަމަ ދުވަހު ރައީސް ޔާމީނު މިނިވަންކޮށްދެއްވާނެކަމަށް، ޑރ. މުޙައްމަދު މުޢިއްޒު ސަޕޯޓަރުންނަށް ވަޢުދުވެވަޑައިގެންނެވި ނަމަވެސް ވެރިކަމުގެ ދެވަނަ ހަފްތާ ފެށުނު އިރުވެސް ރައީސް ޔާމީނު މިނިވަންކުރެއްވުމަށް، ޑރ. މުޙައްމަދު މުޢިއްޒުގެ ސަރުކާރު އެކަށީގެންވާ މަސައްކަތްތަކެއް ކޮށްފައެއް ނުވެއެވެ. އޭގެ އިތުރަށް ވެރިކަން ލިބިވަޑައިގެންނެވުމާއި، އެކު ޑރ. މުޢިއްޒު ވަނީ ރައީސް ޔާމީން އެކަހެރިކޮށްލައްވާފައެވެ.

އައު ސިޔާސީ ޕާޓީއެއް އުފައްދަވައި، ރައީސް ޔާމީން މިފައްޓަވާ ސިޔާސީ ދަތުރު ވެގެންދާނީ ރާއްޖެ ބަދަލުކޮށްލާނެ ދަތުރަކަށްކަމުގައި، ރައީސް ޔާމީނުގެ ފުރަތަަމަ ނައިބު ރައީސް އަދި އެމަނިކުފާނުގެ ޤާނޫނީ ވަކީލް ޑރ.މުހައްމަދު ޖަމީލް އަޙްމަދު ވިދާޅުވެއްޖެއެވެ.

މަލީހް ވިދާޅުވީ، މިވަގުތަކީ، ރައީސް ޔާމީނަށް ތާއީދު ކުުރައްވާ ފަރާތްތަކުން އެމަނިކުފާނު އަލަށް އުފައްދަވާ ޕާޓީ، ޕީޕަލްސް ނެޝަނަލްސް ފްރޮންޓްއާ ގުޅިވަޑައިގަންނަވަންވީ ވަގުތު ކަމަށެވެ. އަދި ޕީޕިއެމް ޕީއެންސީގައި ތިބި ރައީސް ޔާމީންގެ ސަޕޯޓަރުންގެ ފަރާތްޕުޅުން އެމަނިކުފާނު އެކަމަށް އެދިވަދައިގަންނަވާ ކަމުގައިވެސް މަލީހް ވިދާޅުވިއެވެ.

ކުރީގެ ރައީސް އަދި ޕީޕީއެމްގެ ކުރީގެ ރައީސް އަބްދުﷲ ޔާމީން އުފައްދަވަން އުޅުއްވާ 'ޕީޕަލްސް ނޭޝަނަލް ފްރަންޓް' އުފައްދަން އިލެކްޝަންސް ކޮމިޝަން (އީސީ)އަށް މިއަދު ފޯމު ހުށަހަޅުއްވައިފިއެވެ.

ރައީސް ޔާމީނުގެ ފަރާތްޕުޅުން މި އައު ޕާޓީ އުފެއްދެވުމުގައި އިސްކޮށް ހަރަކާތްތެރިވެވަޑައިގަންނަވަނީ، އެމަނިކުފާނުގެ ޤާނޫނީ ވަކީލުންގެ ޓީމުގައި ހިމެނިވަޑައިގަންނަވާ، ޑރ. މުޙައްމަދު ޖަމީލު އަޙުމަދާއި، މުޙައްމަދު މަލީޙް ޖަމާލެވެ.

ރިޔާސީ އިންތިޚާބުގައި، ޑރ. މުޙައްމަދު މުޢިއްޒުގެ ރަނިން މޭޓުގެ ގޮތުގައި ހުންނެވި، އަދި މިހާރުގެ ނައިބު ރައީސް ހުސައިން މުޙައްމަދު ލަޠީފް ކުރެއްވި އެކްސްގައި ކުރެއްވި ޕޯސްޓެއްގައި ވިދާޅުވީ، މިވެރިކަމަކީ އެމަނިކުފާނުވެސް ހިމެނޭހެން، އެތައް ރައްޔިތުންގެ ބައިވެރިވުމާއި ބުރަ މަސައްކަތުން ގެނެވުނު ވެރިކަމެއް ކަމަށެވެ. އަދި މިވެރިކަމަކީ ރައްޔިތުންނަށް ލާބައާ މަންފާހުރި، ނަފާވެރި ވެރިކަމަކަށް ހެދުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި އެކު ސާބިތުވެ ހުންނާނެ ކަމުގެ ޔަޤިންކަން އަރުވާކަމުގައިވެސް ރައިީސުލްޖުމްހޫރިއްޔާގެ ނައިބު ޙުސައިން މުޙައްމަދު ލަޠީފް ވަނީ ވިދާޅުވެފައެވެ.

ރައީސް ޔާމީން ޕީޕީއެމް ދޫކޮށްލައްވައި، ސަރުކާރާއި ދެކޮޅަށް ނުކުންނެވުމާއި ގުޅިގެން ޢަބުދުއްރަހީމާއި އަދި ޕީޕީއެމްގެ އިސްމަޤާމުތަކުގައި ތިއްބެވި ބޭފުޅުންގެ ތެރެއިން މިސަރުކާރުން މަޤާމުތައް ލިބިވަޑައިގެންފައިވާ ބޭފުޅުން ވަނީ ސަރުކާރުގެ ދިފާޢު ކުރުމަށް ނުކުންނަވާފައެވެ. މިގޮތުން ރޭ ސަރުކާރުގެ އިސް މަޤާމުތަކުގައި ތިއްބެވި ބޭފުޅުން ގެންދެވީ އެބޭފުޅުން ތިއްބެވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި އެކުގައިކަން ހާމަކޮށް ސޯޝަލް މީޑިއާގައި ޕޯސްޓްތައް ލިޔަމުންނެވެ.

ރައީސް ޔާމީން އިސްނެންގެވުމަށް އުފެއްދެވި ޕާޓީ، ޕީއެންސީ ރާއްޖޭގެ ވެރިކަމަށް އައީ ރައީސް ޔާމީނުގެ ތާއީދާއި މަދަދާއި، އެމަނިކުފާނަށް ތާޢީދުކުރާ އެތައްހާސް ބައެއްގެ ވޯޓުންނެވެ. އެހެން ނަމަވެސް ވެރިކަމުގެ ފުރަތަމަ ހަފްތާ ނުނިމެނީސް ރައީސް ޔާމީން ޕީޕިއެމްއިން ވަކިވެވަޑައިގެން ސަރުކާރާއި ވަނީ ފެއަށް ޖެހިވަޑައިގެންފައެވެެ. ރައީސް ޔާމީނާއި ޑރ. މުޢިއްޒާއި ދެމެދު އުފެދިފައިވާ ނުތަނަވަސްކަމުގެ ހުޅު ފަޅައިގެން ދިޔައިރު، ރިޔާސީ އިންތިޚާބުގައި ރައީސް ޔާމީނުގެ ފޮޓޯފުޅު ހިފައިގެން ކެމްޕޭން ކުރި ފަރާތްތަކުން މިހާރު ވަނީ ސަރުކާރުގެ މަޤާމުތައް ލިބުމާއި އެކު ރައީސް ޔާމީނަށް ފާޑުކިޔަން ފަށާފައެވެ.

މީގެ އިތުރުން މަލީހް ވިދާޅުވީ، ޕީޕީއެމް، ޕީއެންސީގައި މިވަގުތު ތިއްބެވި ރައީސް ޔާމީނަށް ތާއީދުކުރައްވާ އެމަނިކުފާނު ދެކެ ނުހަނު ލޯބިވާ މެމްބަރުން އަލަށް އުފައްދާ ޕާޓީއަށް ގުޅިވަޑައިގަންނަވަން އެދި ލައްވަމުން ދާކަމީ އެމަނިކުފާނު ނުހަނު އުފާފުޅުވާކަމެއްކަމަށާއި ހުރިހާ ބޭފުޅުން ޤައުމީ މިމަސައްކަތުގައި ބައިވެރިވުމަށް އެދިވަޑައިގަންނަވާ ކަމަށެވެ.

ރައީސް ޔާމީން ޕީޕީއެމްއިން ވަކިވެވަޑައިގެންނެވިކަން ޢިއުލާނުކުރެއްވީ އެމަނިކުފާނުގެ ވަކީލުންގެ ޓީމުގައި ހިމެނިވަޑައިގަންނަވާ، ޑރ.މުޙައްމަދު ޖަމީލު އަޙްމަދެވެ. ޑރ ޖަމީލް އެކްސްގައި ކުރެއްވި ޕޯސްޓެއްގައި ވިދާޅުވީ، ރައީސް ޔާމީން ޕީޕީއެމުން ވަކިވެވަޑައިގެންފި ކަމަށާއި، އެބޭފުޅުން ބުރަ މަސައްކަތް ކުރެއްވީ ރައީސް ޔާމީނަށްޓަކައި ކަމަށެވެ. އަދި ޖަލުގައި އަނިޔާ ތަޙައްމަލުކުރެއްވީ އެމަނިކުފާނުކަމުގައިވެސް ޑރ. ޖަމީލް ވިދާޅުވިއެވެ.

އިންތިޚާބީ ރައީސާއި އެމަނިކުފާނުގެ ނައިބު ހުވާކުރެއްވުމަށް ބާއްވާ ރައްޔިތުންގެ މަޖިލީހުގެ ޚާއްޞަ ޖަލްސާ އޮންނާނީ، މިއަދު ހަވީރު، 4:45ގައި ޖުމްހޫރީ މައިދާނުގައެވެ.

ރިޔާސީ އިންތިޚާބު، ޕީއެންސީގެ ރިޔާސީ ކެންޑިޑޭޓް ޑރ. މުޙައްމަދު މުޢިއްޒު ކާމިޔާބު ކުރެއްވުމާއިއެކު، ސަރުކާރުން ވަނީ، ރައީސް ޔާމީން ޖަލުބަންދުން ގޭބަންދަށް ބަދަލުކޮށްދީފައެވެ. އަދި ސަރުކާރުން ބުނެފައި ވަނީ ރައީސް ޔާމީންގެ ބަންދަށް ލުއިތައް ދީފައި ވަނީ ސިއްޙީ ސަބަބުތަކަށްޓަކައި ކަމަށެވެ.

ކުރީގެ ރައީސް އަބްދުﷲ ޔާމީން ޖަލުގައި ހުންނެވިއިރު، އެމަނިކުފާނު ދޫކޮށްލުމަށް ކުރި މުޒާހަރާތަކުގައި އަމަލީ ގޮތުން ބައިވެރިވެވަޑައިގެންފައިވާނެ ކަމަށާއި އެ މުޒާހަރާތަކުގެ ތެރެއިން ދެ ފަހަރަށް ހައްޔަރު ވެސް ކޮށްފައިވާ ކަމަށް، ޕީއެންސީގެ ނައިބު ރައީސް، މަޑުއްވަރީ ދާއިރާގެ މެމްބަރު އާދަމް ޝަރީފު އުމަރު މިއަދު ވިދާޅުވެއްޖެއެވެ. އާދަމް ޝަރީފް މިހެން ވިދާޅުވެފައިވަނީ ރޭ ޔާމީންގެ ގޭ ދޮށަށް ސަޕޯޓަރުން ޖަމާވުމުން އެމީހުންނާއި ވާހަކަދައްކަވަމުން ގައުމުގެ ހައްގުގައި އެންމެ ބޮޑު މަސައްކަތެއް ކުރެއްވީ އެ މަނިކުފާނު ކަމަށް ވިދާޅުވެ، އެ މަނިކުފާނު ޖަލުގައި ހުންނަވާއިރު، ޕާޓީގެ އިސް ބޭފުޅުންނަށް މަގުމަތީގައި އުޅެން ކެރިވަޑައިގަންނަވަން ވާނެ ކަމަށް ވިދާޅުވެފައިވާތީއެވެ.