މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރ މިއަދު ކުރި އާއްމު އިޢުލާނެއްގައި ބުނެފައި ވަނީ، ރައީސް ޔާމީނުގެ ސަރުކާރުގެ މިނިސްޓްރީ އޮފް ހައުސިންގ އެންޑް އިންފްރާސްޓްރަކްޗަރއިން ގޯއްޗާއި ފުލެޓު ލިބޭނެކަމަށް ބުނެ ދޫކޮށްފައިވާ އެފަދަ ލިޔުންތައް އެކިފަރާތްތަކުން މި މިނިސްޓްރީއަށް ހުށަހަޅަމުން ގެންދާކަމަށެވެ.

ރައިސް ޔާމީން ރިޔާސީ އިންތިޚާބު ބޮއިކޮޓްކުރުމަށް އެދިވަޑައިގެންނެވި އެދިވަޑައިގަތުމާއި ޚިލާފަށް، ޕީޕީއެމް ސެނެޓުން މިއަދު ބޭއްވި ބައްދަލުވުމުގައި ވަނީ، މިއަދު ވޯޓުނަގައި ރިޔާސީ އިންތިޚާބުގައި ވާދަކުރުމަށް ފާސްކޮށްފައެވެ. ވަރަށް ބޮޑަށް ހޫނުވެ މެމްބަރުންގެ މެދުގައި ހޫނު ޒުވާބުތައް ހިނގި އެ ބައްދަލުވުމުގައި ބައިވެރި 126 ސެނެޓަރުންގެ ތެރެއިން، 67 ސެނެޓަރުން ވޯޓުދެއްވީ، އިންތިޚާބުގައި ވާދަކުރުމަށް ފެންނަ ކަމަށެވެ. އިންތިޚާބުގައި ޕީޕީއެމްއިން ވާދަކުރުމަށް ތާއީދުކުރި ސެނެޓަރުންނަކީ، މިހާރު ޕީއެންސީގެ ރިޔާސީ ކެންޑިޑޭޓަކަށް ކަނޑައަޅާފައިވާ، މާލޭގެ މޭޔަރު ޑރ މުހައްމަދު މުޢިއްޒުއަށް ތާޢީދު ނުކުރާ ފަރާތްތައް ކަމަށްވެސް މައުލޫމާތު ލިބިފައިވެއެވެ.

މި މައްސަލައިގައި ރައީސް ޔާމީންގެ ފަރާތްޕުޅުން ވިދާޅުވަމުން ގެންދެވީ ނިހާއީ ހުކުމެއް ނާންނަހާ ހިނދަކު ރިޔާސީ އިންތިޚާބުގައި ވާދަކުރެއްވުމުގެ ފުރުޞަތު ނުގެއްލޭނެ ކަމަށެވެ. އެހެންކަމުން ރައީސް ޔާމީންގެ ޝަރުތު ހަމަވާކަމަށް ކަނޑައަޅާދެއްވުމަށް ރައީސް ޔާމީން ވަނީ އެދިވަޑައިގެންފައެވެ. އަދި ރައީސް ޔާމީނަށް ކުރިމަތި ނުލެވޭނަމަ ޕީޕީއެމުން އެހެން ކެންޑިޑޭޓަކު ނެރުމަށް ފުރުޞަތު ދިނުމަށްވެސް ރައީސް ޔާމީންގެ ފަރާތްޕުޅުން ވަނީ އެދިވަޑައިގެންފައެވެ.

މިމައްސަލަ ސްޕްރީމްކޯޓަށް ބަލައިގަނެ ޝަރީއަތުގެ އަޑުއެހުންތައް ފެށީ މިއަދު ހަވީރު 3:45 ގައެވެ. އެމައްސަލައިގެ އަޑުއެހުންތައް ނިންމާލީ މިރޭގެ އެގާރަގަޑި ބައިވެ ބޮޑުވި ފަހުންނެވެ.  މައްސަލައިގެ އަޑުއެހުންތައް ނިންމަވާލައްވަމުން، އުއްތަމަ ފަނޑިޔާރު އަޙްމަދު މުޢުތަސިމް ޢަދުނާނު ވިދާޅުވީ، އިތުރު އަޑުއެހުމެއް ދެން ބާއްވާނީ، އެ މައްސަލައިގައި ފަނޑިޔާރުން އިތުރަށް ސާފުކުރަން ބޭނުންވާ ކަމެއް އޮތް ނަމަ ކަމަށެވެ.