Advertisement

16 Sep 2023
ޚަބަރު

ނުފޫޒުން ފްލެޓްތައް ބަހާލި ބަޔަކު ރައްޔިތުންނަށް އަދުލުވެރިވާނެކަމަށް ބެލުމަކީ މޮޔަކަމެއް: ނިޔާޒް

ކުރީ ސަރުކާރުން ދޫކުރި ސޯޝަލް ހައުސިން ފްލެޓުތައް މަގާމުގެ ނުފޫޒު ބޭނުން ކޮށްގެން ގާތް މީހުންނަށް ބަހައިލި މީހަކު ރައްޔިތުންނާ މެދު އަދުލުވެރިވާނެ ކަމަށް ހީކުރުމަކީ މޮޔަކަމެއް ކަމަށް ވިދާޅުވެ ކުރީގެ އޮޑިޓާ ޖެނަރަލް ނިޔާޒް އިބްރާހިމް އިދިކޮޅު ފަރާތްތަކަށް ނުސީދާ ހަމަލާއެއް ދެއްވައިފި އެވެ.

ނިޔާޒް ފޭސްބުކް ޕޯސްޓެއްގައި ވިދާޅުވީ އޭރު މަގާމްގެ ގޮތުން ދައުލަތުގެ އެއްވެސް ހައިސިއްޔަތެއް ނެތް މީހަކު މުޅި ދައުލަތުގެ ނިޒާމްތައް ހަރާބު ކުރަން ފުރުސަތު ދިން ކަމަށެވެ. އަދި ނުފޫޒު ބޭނުންކުރި މީހާ ބުނި ގޮތަށް، ނިކަމެތި ރައްޔިތުންނަށް ނުދީ އޭނާގެ އަރިސް މީހުންނަށް ސޯޝަލް ހައުސިން ފްލެޓުތައް ބަހާލީ ކަމަށް ތުހުމަތުކުރައްވާފައިވެ އެވެ. ރައީސް ޔާމީންގެ ވެރިކަމުގައި ހިންގި އެމްއެމްޕީއާރްސީގެ ބޮޑު ޚިޔާނާތުގެ ވާހަކަތައް ފެންމަތިކުރުމާ އެކު އޮޑިޓާ ޖެނަރަލް ނިޔާޒް އިބްރާހިމްގެ މަގާމު އޭރު ވަނީ ގެއްލިފައެވެ.

ނިޔާޒް ވިދާޅުވީ އެފަދަ މީހެއް ނުވަތަ ބަޔަކު ރައްޔިތުންނާ ދޭތެރޭ އަދުލު އިންސާފުވެރިވާނެ ކަމަށް ގަބޫލު ކުރުމަކީ މޮޔަ ކަމެއް ކަމަށެވެ.

އިދިކޮޅު ރިޔާސީ ކެންޑިޑޭޓް ޑރ. މުހައްމަދު މުއިއްޒު ޔާމީން ސަރުކާރުގެ ހައުސިން މިނިސްޓަރުގެ މަގާމުގައި ހުންނެވި އިރު ވަކި ފްލެޓު ލިސްޓެއް ގެންގުޅުއްވި ކަމަށާއި ފްލެޓް ދިނުމުގައި އޭރުގެ ރައީސްގެ އަނބިކަނބަލުންގެ ނުފޫޒު އޮތް ކަމަށް އޭރު އިދިކޮޅު ފަރާތްތަކުން ތުހުމަތުކުރެއެވެ.

މި ތުހުމަތު ތަކުރާރުކޮށް ދޮގުކުރި ނަމަވެސް މި ސަރުކާރު ވެރިކަމާ ހަވާލުވުމަށް ފަހު ވަކި ކޮމިޓީއެއް އެކުލަވާލައި ކުރީ ސަރުކާރުން ހިޔާ ފްލެޓް ލިބިފައި ހުރި ގިނަ ބައެއްގެ ނަން އުނިކޮށް އަލުން ލިސްޓު އެކުލަވައިލިއެވެ.

ނިޔާޒްގެ ސޯޝަލް މީޑިއާ ޕޯސްޓާ އެކު އިދިކޮޅު ފަރާތްތަކުން ގެންދަނީ އޭނާއަށް ސޯޝަލް މީޑިއާގައި ރައްދު ދެމުންނެވެ. ނިޔާޒަށް ވެސް ކޮރަޕްޝަންގެ ތުހުމަތުކޮށް ބައެއް މީހުން ޕޯސްޓްތައްކޮށް، އޭނާގެ ވިޔަފާރިތައް ރެއިޑްކުރާނެކަމުގެ އިންޒާރު ވެސް ދީފައި ހުއްޓެވެ. ރައްދުގައި ނިޔާޒް ވިދާޅުވެފައި ވަނީ އެ ފެންނަނީ "އެ މީހުންގެ އަސްލު ސިފަ" ކަމަށާއި ބިރު ދެއްކިޔަސް ޖެހިލުމެއް ނުވާ ކަމަށެވެ.

ކޮމެންޓް
އިތުރު އާޓިކަލް
04 Apr 2025
ރާއްޖެ އޮތީ ފައިސާ ޗާޕުކުރަންޖެހޭ ހާލަތުގައި ނޫންކަމަށް ޔައުޤޫބު ވިދާޅުވެއްޖެ
ރާއްޖެ އޮތީ ފައިސާ ޗާޕުކުރަންޖެހޭ ހާލަތުގައި ނޫންކަމަށް ދާންދޫ ދާއިރާގެ ކުރީގެ މެންބަރު ޔައުގޫބް އަބްދުﷲ ވިދާޅުވެއްޖެއެވެ.
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.