Advertisement

ޕީޕީއެމްގެ އިސްބައެއް ބޭފުޅުން ---

06 Aug 2023
ޚަބަރު

ސްޕްރީމް ކޯޓުގެ ޙުކުމުން ރައީސް ޔާމީނުގެ ޙައްޤު ނިގުޅައިގަތްކަން ޤަބޫލު ނުކުރާކަން ޕީޕީއެމް ސެނެޓުން ހާމަކޮށްފި

ސްޕްރީމްކޯތުގެ ހުކުމާ އެކު، ރައީސްޔާމީނު، އެ މަނިކުފާނުގެ ހައްގު ނިގުޅައިގެންފައިވާ ކަމަށް ސެނެޓުން ގަބޫލުކުރާ ނަމަ ރިޔާސީ އިންތިހާބު ބޮއިކޮޓް ކުރުމަށް އެދިވަޑައިގަތް އެދިވަޑައިގަތުން، ޕީޕީއެމްގެ ސެނެޓުގެ މެމްބަރުން ބޮލާލައި ޖަހައިފިއެވެ.

ރައިސް ޔާމީން ރިޔާސީ އިންތިޚާބު ބޮއިކޮޓްކުރުމަށް އެދިވަޑައިގެންނެވި އެދިވަޑައިގަތުމާއި ޚިލާފަށް، ޕީޕީއެމް ސެނެޓުން މިއަދު ބޭއްވި ބައްދަލުވުމުގައި ވަނީ، މިއަދު ވޯޓުނަގައި ރިޔާސީ އިންތިޚާބުގައި ވާދަކުރުމަށް ފާސްކޮށްފައެވެ. ވަރަށް ބޮޑަށް ހޫނުވެ މެމްބަރުންގެ މެދުގައި ހޫނު ޒުވާބުތައް ހިނގި އެ ބައްދަލުވުމުގައި ބައިވެރި 126 ސެނެޓަރުންގެ ތެރެއިން، 67 ސެނެޓަރުން ވޯޓުދެއްވީ، އިންތިޚާބުގައި ވާދަކުރުމަށް ފެންނަ ކަމަށެވެ. އިންތިޚާބުގައި ޕީޕީއެމްއިން ވާދަކުރުމަށް ތާއީދުކުރި ސެނެޓަރުންނަކީ، މިހާރު ޕީއެންސީގެ ރިޔާސީ ކެންޑިޑޭޓަކަށް ކަނޑައަޅާފައިވާ، މާލޭގެ މޭޔަރު ޑރ މުހައްމަދު މުޢިއްޒުއަށް ތާޢީދު ނުކުރާ ފަރާތްތައް ކަމަށްވެސް މައުލޫމާތު ލިބިފައިވެއެވެ.

ރައީސް ޔާމީނަށް ކުރިމަތި ނުލެވޭ ޙާލަތެއްގައި، ރިޔާސީ އިންތިޚާބަށް ޕީޕީއެމްއިން ކެންޑިޑޭޓަކު ނެރެން ބޭނުންވާކަމަށް އިއްޔެ ސްޕްރީމް ކޯޓުގައިވެސް ޕީޕީއެމުން ބުނެފައިވެއެވެ. އަދި ޕީއެންސީން ރިޔާސީ ކެންޑިޑޭޓަކަށް ކަނޑައަޅާފައިވާ ޑރ މުއިއްޒަށް ރިޔާސީ އިންތިޚާބަށް ކުރިމަތި ލެވޭނީ ރައީސް ޔާމީނަށް އިންތިޚާބަށް ކުރިމަތި ނުލެވޭ ޙާލަތުގައި ޕީޕީއެމްއިން ކެނޑިޑޭޓަކު ނުނެރޭކަމަށް ވާނަމަ ކަމަށްވެސް ޕީޕީއެމްގެ އިސްބައެއް ބޭފުޅުން ވިދާޅުވެފައިވެއެވެ.

ރިޔާސީ އިންތިޚާބާއި ގުޅޭ ގޮތުން ރައީސް ޔާމީން އެދިވަޑައިގެންނެވި ގޮތާއި ޚިލާފަށް ޕީޕީއެމްއިން ޢަމަލު ކުރުމަކީ، ޕާޓީގައި ރައީސް ޔާމީނުގެ ބާރު ކުޑަވެގެން ހިނގައްޖެކަން ހާމަވާ ކަމެއް ކަމުގައިވެސް ސިޔާސީ މަޝްރަޙް ދިރާސާ ކުރައްވާ ފަރާތްތަކުންވެސް ވަނީ ފާހަގަކޮށްފައެވެ.

ރިޔާސީ އިންތިޚާބުގައި ޕީޕީއެމްއިން ކެންޑިޑޭޓަކު ނެރެން ނިންމާފައި ވާއިރު، ޕީޕީއެމްގެ ކެންޑިޑޭޓް ކަނޑައަޅާފައެއް އަދި ނުވެއެވެ. ރައީސް ޔާމީނުގެ ކެންޑެންސީ ހުށައެޅި އިރު، އެމަނިކުފާނުގެ ރަނިންމޭޓަކަށް ކަނޑައަޅާފައި ވަނީ 2013 ވަނަ އަހަރުގެ ރިޔާސީ އިންތިޚާބުގައިވެސް ރަނިންމޭޓަކަށް ކަނޑައެޅުއްވި ޑރ މުހައްމަދު ޖަމީލު ޢަހުމަދެވެ. ޕީޕީއެމްގެ ރިޔާސީ ޓިކެޓުގައި އިންތިޚާބުގައި ވާދަކުރެއްވުމުގެ ޝަވްޤުވެރިކަން، ކުރީގެ ރައީސް ޑރ މުހައްމަދު ވަޙީދު ޙަސަން މަނިކުވެސް ވަނީ ފާޅުކުރައްވާފައެވެ.

ރިޔާސީ އިންތިޚާބުގެ ކެންޑިޑެންސީ ހުށައެޅުމަށް އިލެކްޝަންސް ކޮމިޝަނުން ހުޅުވާލާފައިވާ ފުރުޞަތު މާދަމާގެ މެންދުރުފަހު 14:00އަށް ހަމަވާނެއެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.