Advertisement
ށ. މިލަންދޫ އެއަރޕޯޓުގެ މަސައްކަތް ހަވާލުކުރުން --
ތ. ވިލުފުއްޓާއި އިތުރު ހަތަރު ރަށެއްގައި އެއާޕޯޓު އެޅުމުގެ މަސައްކަތް އެމްޓީސީސީއާ ހަވާލުކޮށްފި
ތ. ވިލުފުއްޓާއި އަދި އިތުރު 4 ރަށެއްްގައި އެއާޕޯޓު އެޅުމުގެ މަސައްކަތް ސަރުކާރުން އެމްޓީސީސީއާ ހަވާލުކޮށްފިއެވެ.
ބުރާސްފަތި ދުވަހު އެމްޓީސީސީއާ ހަވާލުކޮށްފައި ވަނީ، ށ. މިލަންދޫ، ށ. ބިލެތްފަހި، ށ. ކޮމަންޑޫ، ތ. ގުރައިދޫ އަދި ތ. ވިލުފުށީގައި އެއާޕޯޓު އެޅުމުގެ މަސައްކަތެވެ. މި އެއާޕޯޓުތަކުގެ ތެރެއިން ތ. ގުރައިދޫ އާއި ށ. މިލަންދޫގައި އެއާޕޯޓު އަޅައިދެއްވުމަކީ، ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ރިޔާސީ އިންތިޚާބުގެ ކެމްޕޭނުގައި އެރަށްރަށުގެ ރައްޔިތުންނަށް ވެވަޑައިގެންނެވި ވަޢުދެކެވެ. އެހެން އެއާޕޯޓްތަކަކީ ކުރީގެ ސަރުކާގައި އިއުލާނު ކުރެވުނު މަޝްރޫޢުތަކެއް ނަމަވެސް އެ އެއާޕޯޓްތައް އަޅުއްވައި ދެއްވުމަށް ރައީސް ޑރ. މުޢިއްޒު ވަޢުދުވެވަޑައިގެންނެވިއެވެ.
މި ފަސް އެއާޕޯޓުގެ މަސައްކަތް ހަވާލުކޮށްފައި ވީނަމަވެސް އެކަމާއި ގުޅޭ ގޮތުން އިތުރު ތަފްސީލެއް ހާމަކޮށްފައެއް ނުވެއެވެ.
އެމްޑީޕީ ސަރުކާރު ބަދަލުވި އިރު، ވިލުފުށީ އެއާޕޯޓުގެ މަސައްކަތް އެމްޓީސީސީ އާ ހަވާލުކޮށް، ބިންހިއްކުމަށް ބޭނުންވާ ސަރަހައްދުގައި ބަންޑްވޯލްވެސް އޮތީ ޖަހަންފަށާފައެވެ. އެހެން ނަމަވެސް ސަރުކާރު ބަދަލުވިފަހުން އެމަސައްކަތް ކުރިޔަކަށް ނުދެއެވެ.
