Advertisement
މުސާބަޤަތުއް ނޫރް، ޤުރުއާން ކިޔެވުމާއި މަދަހަ ކިޔުމުގެ މުބާރާތުގެ ތެރެއިން ---
މޯލްޑިވްސް އޯޓިޒަމް ސެންޓަރުގެ ޤުރުއާން ކިޔެވުމާއި މަދަހަ ކިޔުމުގެ މުބާރާތް ބާއްވައިފި
އޯޓިޒަމް ސެންޓަރުގެ ދަރިވަރުންގެ މެދުގައި ކޮންމެ އަހަރަކު ބާއްވަމުން އަން ޤުރުއާން މުބާރާތާއި މަދަހަ މުބާރާތް ބާއްވައިފިއެވެ.
ކޮންމެ އަހަރަކުވެސް މި މުބާރާތް ބާއްވަމުން އަންނަނީ މުސާބަޤަތުއް ނޫރްގެ ނަމުގައެވެ. މިއީ މުބާރާތް ބޭއްވި 5 ވަނަ އަހަރުކަމުގައި މޯލްޑިވްސް އޯޓިޒަމް އެސޯސިއޭޝަނުން މައުލޫމާތު ދެއްވާފައިވެއެވެ.
މިއަހަރުގެ މުބާރާތުގައި 49 ދަރިވަރުން ވަނީ ބައިވެރިވެފައެވެ.
މި މުބާރާތުގެ މަޤުޞަދަކީ އޯޓިޒަމް ސެންޓަރުގައި ކިޔަވާ ދަރިވަރުންގެ ޤުރުއާން ކިޔެވުމުގެ ހުނަރާއި މަދަހަ ކިޔުމުގެ ހުނަރު ދައްކާލުމަށް ފުރުޞަތު ދިނުން ކަމުގައި މޯލްޑިވްސް އޯޓިޒަމް އެސޯސިއޭޝަނުން މައުލޫމާތު ދެއްވައެވެ.
މި މުބާރާތުގައި ބައިވެރިވި ހުރިހާ ކުދިންނަށްވެސް ވަނީ އިނާމާއި ހަނދާނީ ލިޔުން ދީފައެވެ.
