މާލޭ މާފަންނު ޠައިބާ މިސްކިތް ކައިރީގައި ހުރި އުސް އިމާރާތަކުން، ޖެހިގެން ހުރިގޭ ފުރާޅުމައްޗަށް ވެއްޓިފައި އޮތް މީހަކު ފެނިއްޖެއެވެ.

އެމްއެންޑީއެފުން ވިދާޅުވީ އިމާރާތެއްގެ ފުރާޅުމައްޗަށް ވެއްޓިފައި އޮތް މީހަކު ފެނިގެން ރިޕޯޓު ކުރުމާއި ގުޅިގެން އޭނާ އެތަނުން ނަގައި ހޮސްޕިޓަލަށް ފޮނުވާފައިވާ ކަމަށެވެ. އެހެން ނަމަވެސް އެކަމާއި ގުޅޭ ގޮތުން އެމްއެންޑީއެފުން އިތުރު އެއްޗެއް ވިދާޅެއް ނުވެއެވެ.

ފުރާޅުމައްޗަށް ވެއްޓިފައި އޮތް މީހާ ނަގައި ހޮސްޕިޓަލަށް ފޮނުވުމުގައި އެމްއެންޑީއެފުން ހަރަކާތްތެރިވަމުން ދިޔަ މަންޒަރު ފެންނަ ވީޑިއޯތަކެއް ސޯޝަލް މީޑިއާގައި ދަނީ ދައުރު ކުރަމުންނެވެ. އެވީޑިއޯތަކުން ފެންނަ ގޮތުގައި ފުރާޅުމައްޗަށް ވެއްޓިފައި އޮތީ ބޮޑު ފިރިހެނެކެވެ.

މިހާދިސާއާއި ގުޅޭ ގޮތުން ސުވާލުކުރުމުން އެކަމާއި ގުޅޭ ގޮތުން މިހާތަނަށް ފުލުހުން އެއްވެސް އެއްޗެއް ވިދާޅުވެފައެއް ނުވެއެވެ.

އެހެން ނަމަވެސް އެހިސާބުގަނޑުގައި ދިިރިއުޅޭ ބައެއް މީހުން ތުހުމަތުކޮށްފައިވާ ގޮތުގައި ފުރާޅު މައްޗަށް ވެއްޓިފައި އޮއްވައި ފެނުނު މީހަކީ ވައްކަން ކުރަން އުޅުނު ކަމަށް ބެލެވޭ މީހެކެވެ. 

އެހާދިސާގައި އެމީހާއަށް ލިބުނު އަނިޔާތަކެއް އެނގިފައެއް ނުވެއެވެ.