Advertisement

ޕްރޮސެކިއުޓަރ ޖެނެރަލް ޙުސައިން ޝަމީމް --

07 Apr 2024
ޚަބަރު
ޢަލީ ސުލައިމާން

ކުށްކުރާ ކުޑަކުދިންނަށް އަދަބުދޭ އުމުރު ހަގު ކުރުމަކީ، އޮތް ހައްލެއް ނޫން: ޕީޖީ

ކުށުގެ ޒިންމާ އުފުލަންޖެހޭ ޢުމުރު ހަގު ކުރުމަކީ, ކުޑަކުދިން ކުށްކުރުމުގެ މައްސަލައަށް އޮތް ހައްލު ކަމުގައި ދެކެވަޑައި ނުގަންނަވާ ކަމުގައި ޕްރޮސެކިއުޓަރ ޖެނެރަލް ޙުސައިން ޝަމީމް ވިދާޅުވެއްޖެއެވެ.

ޕީޖީ ޝަމީމް މިހެން ވިދާޅުވީ، ޖިނާއީ ކުށުގެ ޒިންމާ އުފުލަންޖެހޭ އުމުރު 15 އަހަރުން 12 އަހަރަށް ދަށްކުރުމަށް، ސަރުކާރުން ނިންމަވާފައިވާ ކަމުގައި ހޯމް މިނިސްޓަރު އިއުލާނުކުރެއްވުމާއި ގުޅިގެން ފޭސްބުކްގައި ލިޔުއްވި ޕޯސްޓެއްގައެވެ.

ޕީޖީ ހުސައިން ޝަމީމް ވިދާޅުވީ، ޤާނޫނީ ނިޒާމު ކަނޑައެޅިފައި އޮތް ގޮތުން، ކުށުގެ ޒިންމާ އުފުލަންޖެހޭ ޢުމުރަކީ 15 އަހަރުކަމަށާއި، ނަމަވެސް، އޭގެ މާނައަކީ އެޢުމުރަށްވުރެ ހަގު ކުއްޖަކު ކުށެއް ކުރުމުން، އެކުއްޖާއާމެދު އެއްވެސް ފިޔަވަޅެއް ނޭޅުން ނޫންކަމަށެވެ.

ޕީޖީ ޝަމީމް ވިދާޅުވީ، ކުށްކުރާ ކުދިންނާއި މެދު ފިޔަވަޅު އެޅޭނެކަމަށާއި އެފަދަ، ފިޔަވަޅު އެޅޭނެ ނިޒާމުތައްވެސް އެބަހުހުރި ކަމަށެވެ. އަދި އެކަމާބެހޭ ގަވާއިދުވެސް އެބަ އޮތް ކަމަށާއި، މިހާރު ކުރަން އޮތް ހަމައެކަނި ކަމަކީ ފިޔަވަޅު އެޅުން ކަމަށެވެ.

ޕީޖީ ހުސައިން ޝަމީމް ވިދާޅުވީ، ކުށްކުރާ ކުދިންނަށް އަދަބު ދީގެން، ކުށްކުރާ ބަޔަކު އުފެއްދުމަށްވުރެ، ކުޑައިރު ކުރެވޭ ކުށްތަކުން ދުރުހެލިކުރުވުމަށް، އެ ޅަ ސިކުނޑިތަކަށް ވިސްނައިދީ، ކުރަން އޮތް ކަމަކީ އެކުދިން ރިހެބިލިޓޭޓް ކުރުން ކަމަށެވެ. 

ޕީޖީ ޙުސައިން ޝަމީމް ވިދާޅުވީ، ދުނިޔޭގެ ހުރިހާ ތަނެއްގައިވެސް ކުށްކުރާ ކުޑަކުދިންނަށް އަދަބު ދިނުމުގެ ބަދަލުގައި ދެމުން އަންނަނީ ފަރުވާ ކަމަށެވެ. އަދި އެމަނިކުފާނު ދެކެވަޑައިގަންނަވާ ގޮތުގައި، ކުށުގެ ޒިންމާ އުފުލަންޖެހޭ ޢުމުރު ހަގުކޮށްގެން، ކުށެއް ކުރެވޭ ހަމަ ކޮންމެ ކުއްޖަކު ޖަލަށް ލައިފިނަމަ، އެ އުފެއްދެނީ ކުށްވެރިންގެ ޖީލެއްކަމަށްވެސް ޕީޖީ ވިދާޅުވިއެވެ. އަދި އެގޮތަށް ޢަމަލުކުރުމުން އެކުދިންނަށް ރަނގަޅުވާން ބޭނުންވާނެ ސަބަބެއް ނުފެންނާނެ ކަމަށާއި، އޭގެ ނަތީޖާއަކީ، ކުށުގެ ތެރޭގައި އެކުދިންގެ ޢުމުރު ދުއްވާލަން ފަސްނުޖެހުން ކަމުގައިވެސް ޕީޖީ ފާހަގަކުރެއްވިއެވެ.

ޕީޖީ ޝަމީމް ވިދާޅުވީ، ކުޑަކުދިން ކުށްކުރާ މައްސަލަތަކުގައި އޮތް ހައްލަކީ، ރިހެބިލިޓޭޓްކޮށް ފަރުވާ ދިނުމާއި ރަނގަޅު މަގު ދައްކައިދިނުން ކަމަށެވެ. އަދި އެ ކަންކުރެވޭނެ ފަންނީ މީހުން ދިވެހިރާއްޖޭގައި އެބަތިއްބިކަމަށާއި، ކުށްކުރާ ޢުމުރުގައި މިއުޅޭ ފަންސާހަކަށް ކުދިންނަށް، ދައުލަތުން ފޯކަސްކޮށްގެން ޕްރޮގްރާމް ހިންގިއްޖެނަމަ، މިކަން ވާނީ ކާމިޔާބު އިންވެސްޓްމަންޓަކަށް ކަމުގައިވެސް ޕީޖީ ހުސައިން ޝަމީމް ވިދާޅުވިއެވެ. 

ކޮމެންޓް
އާދަމް
ސަމީރުގެ ވާހަކައިން ދޭހަވާނީ ސަމީމުއަކީ ކުށްކުރާ ކުދިން އުފެއްދުމަށް ބާރުދޭ އެކަމުގެ މޭސްތިރިއެއްކަމަށް
08 Apr 2024
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.