Advertisement
ސިނަމާލެ ބުރިޖުގެ މަސައްކަތްތައް ފެށުން ---
ބްރިޖުގެ މެއިންޓަނަންސް މަސައްކަތާއި ހަވާލުވި ކުންފުނިން އެމަސައްކަތް ފަށައިިފި
ސިނަމާލެ ބުރިޖުގެ މެއިންޓަނަންސް މަސައްކަތްތަކާއި ހަވާލުވި ކުންފުނިން މިއަދު ޢަމަލީ މަސައްކަތް ފަށާފައިވާ ކަމުގައި މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ އިން ވިދާޅުވެއްޖެއެވެ.
އެކަމަށްޓަކައި މިއަދު ވަނީ ބުރިޖު ސަރަހައްދުގައި ޚާއްޞަ ރަސްމިއްޔާތެއްވެސް ބާއްވާފައެވެ.
ބުރިޖުގެ މެއިންޓަނަންސް މަސައްކަތްތައް ދެވަނަ ފަހަރަށްވެސް ހަވާލުކޮށްފައި ވަނީ ކުރިންވެސް އެމަސައްކަތް ކުރަމުން އައި، ޗައިނާގެ ސީސީސީސީ ކުންފުންޏަށެވެ. އަލުން އެކުންފުންޏާއި އެމަަސައްކަތް ހަވާލުކުރި އިރު، އެމަސައްކަތުގައި ދިވެހިން ބައިވެރިކޮށް ދިވެހިންނަށް ތަމްރީނާއި ތަޖުރިބާ ހޯދައިދޭނެ ކަމުގައިވެސް ކޮންސްޓްރަކްޝަން މިނިސްޓްރީން ވަނީ ވިދާޅުވެފައެވެ.
މިގޮތުން މިހާރު ވެވިފައިވާ 3 އަހަރު ދުވަހުގެ އެއްބަސްވުން ނިމޭއިރު، ދިވެހިންނަށް އެކަން ކުރެވޭނެ ވަރަށް ދިވެހިން ތަމްރީން ކުރެވޭނެ ކަމުގައިވެސް ކޮންސްޓްރަކްޝަން މިނިސްޓަރު، ޑރ. އަބްދުﷲ މުއްތަލިބު ވަނީ ވިދާޅުވެފައެވެ.
ސިނަމާލެ ބުރިޖުގެ މަޝްރޫޢަކީ، ގްރޭޓާމާލެ ކަނެކްޓިވިޓީ ބުރިޖުގެ މަޝްރޫޢު ފިޔަވައި، ރާއްޖޭގައި ހިންގުނު ޢުމުރާނީ ތަރައްޤީގެ އެންމެ ބޮޑު މަޝްރޫޢެވެ. އެބުރިޖު އެޅުމަށް 200 މިލިއަން ޑޮލަރު ޚަރަދުކޮށްފައިވެއެވެ.
