Advertisement

ކުރީގެ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް --

31 Mar 2024
ޚަބަރު
ޢަލީ ސުލައިމާން

ވެރިކަން ލިބުމަކީ ރައްޔިތުންގެ ފައިސާ ބޭނުންހާ ގޮތަކަށް ބޭނުންކުރަން ލިބޭ ލައިސަންސެއް ނޫން: ރައީސް ޞާލިޙް

ވެރިކަން ލިބުމަކީ، ރައްޔިތުންގެ ފައިސާ ވެރިކަމުގައި ހުންނަމީހަކު ބޭނުންހައި ގޮތަކަށް ބޭނުން ކުރުމަށް ލިބޭ ލައިސަންސެއް ނޫންކަމުގައި ކުރީގެ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، ރައްޔިތުންގެ މަޖިލީހުގެ ހިންނަވަރު ދާއިރާގެ މެމްބަރު އަދި އެދާއިރާގެ އިންތިޚާބުގައި އެމްޑީޕީގެ ޓިކެޓްގަިއ ވާދަކުރައްވާ ކެންޑިޑޭޓް ޖީހާން މަޙްމޫދުގެ ފަރާތުން އެދާއިރާގެ ރައްޔިތުންނަށް ދެއްވި ތަރާވީހުގައި ބައިވެރިވެވަޑައިގެން ދެއްކެވި ވާހަކަފުޅުގައެވެ.

ރައީސް ޞާލިޙް ވިދާޅުވީ، ވެރިކަމުގައި ހުންނަ މީހަކު މަސައްކަތް ކުރަން ވާނީ މުޅިޤައުމުގެ ރައްޔިތުންގެ ލާބަޔާއި މަންފާއަށްޓަކައި ކަމަށެވެ. އެހެން ނަމަވެސް ޑރ. މުއިއްޒުގެ ފަރާތްޕުޅުން އެކަން ފެނިގެން ނުދާކަން ފާހަގަ ކުރައްވާ، ފ. މަގޫދޫ ރައްޔިތުންނާއި މެދު މިސަރުކާރުން ކަންތައް ކުރަމުންދާ ގޮތް މިސާލެއްގެ ގޮތުގައި އެމަނިކުފާނު ފާހަގަކުރެއްވިއެވެ.

މިސަރުކާރުން މަގޫދޫ އެއާޕޯޓުގެ މަސައްކަތް ހުއްޓާލައި ނިލަންދޫގައި  އެއާޕޯޓް އެޅުމުގެ މަސައްކަތް ފަށާފައި ވަނީ، ރައީސް ޑރ. މުޢިއްޒުގެ ކޮއްކޯފުޅަށް އެދާއިރާގެ މަޖިލިސްގޮނޑި ހޯއްދަވައި ދެއްވުމަށްޓަކައި ކަމުގައި ރައީސް ޞާލިޙް ވިދާޅުވިއެވެ.

"އިއްޔެ އަޅުގަނޑުމެންނަށް ފެނިގެން ދިޔައީ، ފ. އަތޮޅުން އެއް މިސާލު. ފ. އަތޮޅު މަގޫދޫގައި، އެމްޑީޕީގެ ސަރުކާރުން އަޅަންފަށައި ނިމުމަކަށް ގޮސްފައި އޮތް އެއާޕޯޓް ޕްރޮޖެކްޓް ހުއްޓާލި ވާހަކަ. ހުއްޓާލާފައި އަމިއްލަ ކޮއްކޮ، އިންތިޚާބު ކުރުމަށްޓަކައި ޖެހިގެން އޮތް ނިލަންދޫއަށް އެއާޕޯޓް ބަދަލުކުރި ވާހަކަ. ކޮންކަހަލަ ގެއްލުމެއްތޯ މުޅި ޤައުމަށް ވެގެން މިދިޔައީ."

ކުރީގެ ރައީސް އިބްރާހީމް މުޙައްމަދު ޞާލިޙް --

ރައީސް ޞާލިޙް ވިދާޅުވީ، މަގޫދޫ އެއާޕޯޓްގެ މަސައްކަތް މިސަރުކާރުން ހުއްޓާލާއިރު، އެމްޑީޕީގެ ސަރުކާރުގައި އެއާޕޯޓު އެޅުމަށްޓަކައި، 115 މިލިއަނެއްހައި ރުފިޔާ އޮތީ ޚަރަދު ކުރެވިފައި ކަމަށެވެ. އަދި އެމަޝްރޫއުގެ ދަށުން އެއާޕޯޓުގެ ޓާމިނަލާއި، ފަޔަރބިލްޑިންގެ މަސައްކަތްވެސް އޮތީ ނިމުމަކާއި ހަމައަށް ގޮސްފައި ކަމަށާއި، ރަންވޭގައި ތާރު އެޅުމަށްޓަކައި އޭގެ ކުރިން އަޅާ އޭބީސީ ފަށަލަވެސް އޮތީ އަޅާފައި ކަމަށެވެ. 

ރައީސް ޞާލިޙް ވިދާޅުވީ، މަގޫދޫގައި އެއާޕޯޓު އެޅުމުގެ މަސައްކަތް ހުއްޓާލާފައި ނިލަންދޫގައި އެއާޕޯޓު އެޅުމުގެ މަސައްކަތް ފަށާފައި އެވަނީ އެއްވެސް ކަހަލަ ބެލުމެއް ނެތިކަމަށެވެ.

ރައީސް ޞާލިޙް ވިދާޅުވީ، މިފަދަ ކަންކަން ހަމަޔަކަށް އެޅުވުމަށްޓަކައި އެންމެ ފުރަތަމަ ތެދުވަންޖެހޭނެ ބަޔަކީ، ހިންނަވަރުގެ ރައްޔިތުން ކަމަށެވެ. އަދި މިފަހަރުވެސް ޖީހާން މަހުމޫދު އެގޮނޑިއަށް އިންތިޚާބުކުރުމަށްޓަކައި ހިންނަވަރުގެ ރައްޔިތުން ޖީހާނަށް ވޯޓު ދެއްވާނެކަން ޔަޤީން ކުރައްވާ ކަމަށާއި އެމަނިކުފާނު ހުންނެވީ ޖީހާނާއި އެކުގައިކަމަށް ރައީސް ޞާލިޙް ވަނީ ވިދާޅުވެފައެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.