ޏ.އަތޮޅު ތަޢުލީމީ މަރުކަޒުގައި 5 ބުރީގެ ޢިމާރާތެއް އެޅުމުގެ މަސައްކަތު އެއްބަސްވުމުގައި އަމިއްލަ ކުންފުންޏަކާއި، މިނިސްޓްރީ އޮފް އެޑިޔުކޭޝަނުން ސޮއިކޮށްފިއެވެ.

އެޑިޔުކޭޝަން މިނިސްޓްރީން ހާމަކުރައްވާފައިވާ ގޮތުގައި، ޏ. ފުވައްމުލަކުގައި ހުންނަ، ޏ.އަތޮޅު ތަޢުލީމީ މަރުކަޒުގައި ފަސްބުރީގެ އައު އިމާރާތެއް އެޅުމުގެ މަސައްކަތް ބުރާސްފަތި ދުވަހު ހަވާލުކޮށްފައި ވަނީ، ޓިކް ޓެކް އިންވެސްޓްމެންޓް ނަމަކަށް ކިޔާ ކުންފުންޏަކާއެވެ. 35.9 މިލިއަން ރުފިޔާއަށް އެކުންފުންޏަށް މިމަޝްރޫޢު ހަވާލުކޮށްފައި ވަނީ 420 ދުވަހުގެ ތެރޭގައި މަސައްކަތް ނިންމާ ގޮތަށެވެ.

މީގެ އިތުރުން، ޅ. އޮޅުވެލިފުށީ ސްކޫލުގައި 10 ކްލާސްރޫމް ހިމެނޭ 2 ބުރީގެ ޢިމާރާތެއް އެޅުމުގެ މަސައްކަތް، ވީއަވަރ އިންވެސްޓްމަންޓް ޕްރައިވެޓް ލިމިޓެޑާއި ހަވާލުކޮށް އެމަޝްރޫޢުގެ އެއްބަސްވުމުގައިވެސް ބުރާސްފަތި ދުވަހު ވަނީ ސޮއެކޮށްފައެވެ. އެކުންފުންޏާއި މަސައްކަތް ހަވާލުކޮށްފައި ވަނީ 10.4 މިލިޔަން ރުފިޔާއަށް، އެއް އަހަރު ދުވަހުގެ ތެރޭގައި މަސައްކަތް ނިންމާ ގޮތަށެވެ.