އިލެކްޝަންސް ކޮމިޝަނުން ވިދާޅުވީ އެމްއާރްއެމް އުވާލުމަށް ކޮމިޝަނުން ނިންމީ، އެޕާޓީގައި ޤާނޫނުގައި ބުނެފައިވާ ޢަދަދަށް 3000 މެމްބަރުން ހަމަ ނުވާތީ ކަމުގައެވެ.

އެބޭންކުން ދާދި ދެންމެއަކުން ބުނީ، ރާއްޖެިން ބޭރުގެ މުއާމަލާތްކުރެވޭ ލިމިޓްތަަކަށް ގެނެވުނު ބަދަލުތައް، ބޭންކުގެ ރެގިއުލޭޓަރ، މޯލްޑިވްސް މަނިޓަރީ އޮތޯރިޓީގެ އިރުޝާދަށް ބަލައި އަނބުރާ ގެންގޮސްފި ކަމަށެވެ. އެހެންކަމުން ކުރި އެކޭ އެއްގޮތަށް ބީއެމްއެލްގެ ކާޑުތަކުން މިހާރު ޑޮލަރުން ކުރާ ވިޔަފާރީގެ މުއާމަލާތްތައް ކުރެއްވޭނެ ކަމަށް އެބޭންކުން ވަނީ ހާމަކޮށްފައެވެ.

އޭވިއޭޝަން ސެކިއުރިޓީ ކޮމާންޑުން ހާމަކޮށްފައިވާ ގޮތުގައި، މިއަދު (25 އޯގަސްޓް 24) ޔޫއެސް ބަންގްލާ އެއަރލައިންސް (BS338) އިން މާލެއިން ޑާކާއަށް ދަތުރުކުރަން ދިޔަ ބަންގްލަދޭޝް ރައްޔިތެއްގެ ލަގެޖްގައި ފޮރުވައިގެން ޤަވާޢިދާއި ޚިލާފަށް ރާއްޖެއިން ބޭރުކުރަން އުޅުނު 81030 ޑޮލަރު ވަނީ އަތުލައިގެންފައެވެ.

ރައީސް ނަޝީދު އެކްސްގައި ކުރެއްވި ޕޯސްޓްގަިއ ވިދާޅުވީ، މާލީ ޙާލަތު މިހިސާބަށް ދިޔަ ގޮތާއި، ދެން ވެދާނެ ކަމަށް ލަފާކުރެވޭ ގޮތާއި، އަދި އަރައިގަތުމަށް އަމަލުކުރަން ރާވާފައިވާ ގޮތްތައް ސާފު ބަހުން ރައްޔިތުންނަށް ކިޔައިދޭން ޖެހޭނެ ކަމަށެވެ.

ލުބުނާނުގެ ދެކުނުގެ ސަރަހައްދަށް އިޒްރޭލުން ދިން ހަމަލާތަކަށްފަހު ބުނީ، އެއީ ހިޒްބުﷲ އިން އިޒްރޭލަށް އާދިއްތަ ދުވަހުގެ ފަތިހު 5 ޖަހާއިރު ހަމަލާ ދިނުމަށް ތައްޔާރުވަމުން ދިޔަކަން އެނގިގެން، އެކަން ހުއްޓުވުމުގެ ގޮތުން އޭގެ ކުރިން ދިން ހަމަލާއެއް ކަމަށެވެ. އިޒްރޭލުން ލުބުނާނަށް ހަމަލާދިނީ 100 ހަނގުރާމަމަތީ މަތިންދާ ބޯޓު ބޭނުންކޮށްގެންނެވެ.

މެސެޖުކުރުމަށް ބޭނުންކުރާ އެޕްލިކޭޝަނެއް ކަމުގައިވާ ޓެލެގްރާމްގެ ފައުންޑަރ އަދި ސީއީއޯ، ޕަވެލް ޑުރޯވް ފްރާންސުގެ ބޯރގެޓް އެއާޕޯޓުން ހައްޔަރުކޮށްފިއެވެ. ފްރާންސްގެ މީޑިއާތަކުން ރިޕޯޓުކޮށްފައިވާ ގޮތުގައި އޭނާ ހައްޔަރުކުރީ ޓެލެގްރާމްއާ ގުޅޭ މައްސަލައަކާ ގުޅިގެންނެވެ.

ބޭންކް އޮފް މޯލްޑިވްސްއިން މިއަދު ނެރުނު ބަޔާނުގައި ބުނީ، އެބަދަލުތަކަށް މިހިނދުން ފެށިގެން އަމަލު ކުރުމަށް ނިންމާފައިވާ ކަމަށެވެ. އެބަދަލުތައް ގެނެސްފައި ވަނީ، ކާޑުން ކުރެވޭ ބޭރުގެ މުޢާމަލާތްތަކުގެ އަދަދު ދުވަހުން ދުވަހަށް އިތުރުވަމުން ދިޔަ ނަމަވެސް ބޭންކަން ގަންނަން ލިބޭ ބޭރު ފައިސާގެ އަދަދު އެއް މިންވަރެއްގައި ހިފެހެއްޓިފައިވާތީ ކަމުގައި ބޭންކް އޮފް މޯލްޑިވްސްއިން ވަނީ ބުނެފައެވެ.

ފައްޔާޒު ވަނީ، ރާއްޖެ އިޤުތިޞާދީ އަމާން ބަނދަރަކަށް ގެންގޮސްދެއްވުން އެދޭ ކަމަށާއި، އެހެން ނަމަވެސް މިސަރުކާރުގައި އެފަދަ ތަޞައްވަރެއް އަދި ޤާބިލް ކަމެއްވެސް ނެތްކަން ފާހަގަކުރައްވާފައެެވެ.

ގ. ދިލްކަޝް، މުޙައްމަދު ސަޢީދު އެބޯޑަށް ޢައްޔަނުކުރައްވައި، މެނޭޖިންގ ޑައިރެކްޓަރުގެ މަޤާމަށް ހަމަޖައްސަވާފައިވާކަން، ޕްރައިވަޓައިޒޭޝަން އެންް ކޯޕަރަޓައިޒޭޝަން ބޯޑުން ހޮނިހިރު ދުވަހުގެ ރޭގައި ވަނީ ހާމަކުރައްވާފައެވެ.

މޯލްޑިވްސް އިމިގްރޭޝަުން ވިދާޅުވީ، އޭނާ އާއި ގުޅޭގޮތުން "އިމިގްރޭޝަން ވޮޗް" އަށް ލިބިފައިވާ ރިޕޯޓަކާއި ގުޅިގެން، 2024 އޮގަސްޓު 11 ވަނަ ދުވަހު ވަނީ ހާއްސަ އިންސްޕެކްޝަނެއް ހިންގާފައި ކަމަށެވެ.

ޒީނާ މަޤާމުން އިސްތިއުފާ ދެއްވުމާއި ގުޅިގެން އޭނާ އެކުންފުނީގެ މެނޭޖިންގ ޑިރެކްޓަރުގެ މަޤާމުގައި ހުންނަވައިގެން ކޮށްދެއްވި ޚިދުމަތްތަކަށް ކުންފުނީގެ ފަރާތުން ވަނީ ޝުކުރު އަދާކުރައްވާފައެވެ.

ދުނިޔޭގައި ދެވަނައަށް އެންމެ ބޮޑު ޑައިމަންޑު އެފްރިކާގެ ގައުމެއް ކަމުގައިވާ ބޮސްވާނާ އިން ފެނިއްޖެއެވެ. އޭގެ ބަރުދަނުގައި 2،492 ކެރެޓު ހުންނަ ކަމަށް، މި ޑައިމަންޑު ހޯދި ކެނަޑާގެ މައިނިން ކުންފުނިން ވަނީ ހާމަކޮށްފައެވެ. އެކްސްރޭ ޓެކްނޮލޮޖީ ބޭނުންކޮށްގެން ހޯދި މި ޑައިމަންޑު ފެނިފައިވަނީ ބޮސްވާނާގެ އިރުއުތުރުގައި އޮންނަ ކަރޯވޭ ޑައިމަންޑު މައިނުންނެވެ.

އިންޑިއާ އާއި ބަންގްލަދޭޝްގެ ބައެއް ހިސާބުތަކުގައި ފެންބޮޑުވެ، އިންޑިއާގެ އިރުއުތުރާއި އަވަށްޓެރި ބަންގްލަދޭޝްގެ އިރުމަތީ ސަރަހައްދުގައި ލައްކައެއްހާ މީހުން ތާށިވެއްޖެއެވެ. ބަނގުލަދޭޝްގެ ޑިސާސްޓަރ މެނޭޖުމެންޓް އެންޑް ރިލީފް އިން ހާމަކޮށްފައިވާ ގޮތުގައި، މި ހާދިސާގެ އަސަރު އިރުމަތީ ބަންގްލަދޭޝްގެ ގާތްގަނޑަކަށް 4.5 މިލިއަން މީހުންނަށް ވަނީ ކޮށްފައެވެ. އަދި މި ހާދިސާގައި ހުކުރު ދުވަހާ ހަމައަށް 13 މީހުން ވަނީ އެ ގައުމުން މަރުވެފައެވެ.

މިގޮތުން، ގޯއްޗާއި ފްލެޓް ލިބިފައިވާ މާލޭގެ ރަށްވެހިންވަނީ މިރޭ މާލޭ ލޮނު ޒިޔާރަތްކޮޅު ރާޅު ގަނޑު ސަރަހައްދަށް އެއްވެ މުޒާހަރާކޮށްފައެވެ. އެފަރާތްތަކުން ގޮވާލާފައި ވަނީ، ގޯއްޗާއި ފްލެޓްތައް ދިނުން އަވަސްކުރުމަށެވެ. އަދި ނުހިއްކާ އޮތް ބިންތައް ހިއްކުމުގެ މަސައްކަތްތައް އަވަސްކުރުމަށްވެސް އެފަރާތްތަކުން ދަނީ ގޮވާލަމުންނެވެ.

މި ފަހަރު ރައީސުލްޖުމްހޫރިއްޔާ ކުރައްވައިފައި މި އޮތީ ބޭކާރު ކަމެއް ކަމަށާއި، އެ ކަންކަން އޮންނަގޮތް ރަނގަޅަށް ރައީސަށް ދަންނަވައިދޭނެ މީހުން އަރިހުގައި ނެތީތޯ ނުވަތަ، ހުސް ވަގުތު ގިނަކަމުން މިކަހަލަ ބޭކާރު ކަންކަން ރައީސަށް ކުރެއްވެނީތޯވެސް މައުރޫފު ވަނީ ސުވާލު އުފައްދަވާފައެވެ.

ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވާ ގޮތުގައި، މޯލްޑިވްސް ފުޑް އެންޑް ޑްރަގް އޮތޯރިޓީ އުވާލެއްވުމަށްފަހު، ހަމަ އެނަމުގައި އައު އިދާރާއެއް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ މިއަދު އުފައްދަވާފައެވެ. މިއަދު އުފެއްދެވި އައު އިދާރާއަކީ، ކާބޯތަކެތީގެ ރައްކާތެރިކަމުގެ ޤާނޫނު (ޤާނޫނު ނަންބަރު 6/2024)ގެ 8ވަނަ މާއްދާގެ (ހ)ގެ ދަށުން، އުފެއްދެވި އިދާރާއެއް ކަމުގައި ރައީސުލްޖުމްހޫރިއްޔާގެ އޮފީހުން ވިދާޅުވެފައިވެއެވެ. މިއިދާރާވެސް ހިނގަމުންދާނީ، އުވާލެއްވި، މޯލްޑިވްސް ފުޑް އެންޑް ޑްރަގް އޮތޯރިޓީއެކޭ އެއްގޮތަށް، ހަމަ މިނިސްޓްރީ އޮފް ހެލްތުގެ ދަށުންނެވެ.