ގުޅީފަޅުގެ ބިން ލިބޭ ފަރާތްތަކުގެ ގުރުނެގުމުގެ ކަންކަން ކުރިއަށްދަނިކޮށް، ގުރުއަތު ކަރުދާސް އަޅާފައިވާ ފޮއްޓެއް ބަންޑުންވެއްޖެއެވެ.

ބިންވެރިޔާ ސްކީމުގެ ދަށުން ގުޅީފަޅުން ގޯތި ލިބިފައިވާ ފަރާތްތަކަށް ގޯތި ލިބޭ ސަރަހައްދުތައް ކަނޑައެޅުމަށްޓަކައި ގުރުއަތުލުން ކުރިޔަށް ދަނީ، ދަރުބާރު ގޭގައެވެ. އަދި ގޯތި ލިބުނު މީހުންނަށް ގުރުއަތު ކަރުދާސްކޮޅު ނަގަށް ފުރުޞަތު ނުދީ، ފޮށިން ކަރުދާސްކޮޅު ނަގަނީ މިނިސްޓްރީން ކަނޑައަޅާފައިވާ އެމިނިސްޓްރީގެ މުވައްޒަފުންނެވެ. މިގޮތުން މިއަދު ގުރުއަތުލުން ހިނގަމުން ދަނިކޮށް، 1250 އަކަފޫޓުގެ ގޯތި ލިބިފައިވާ މީހުންގެ ގުރުއަތު ފޮށި ވަނީ ބަންޑުންވެފައެވެ. މިނިސްޓްރީން ހާމަކޮށްފައިވާ ގޮތުގައި އެކެޓަގަރީން ޖުމުލަ 669 މީހަކަށް ގޯތި ލިބިފައިވެއެވެ.

ގުޅިފަޅުގެ ކެޓަގަރީތައް؛

1250 އަކަފޫޓުގެ 669 ގޯތި

1650 އަކަފޫޓުގެ 1234 ގޯތި

2050 އަކަފޫޓުގެ 916 ގޯތި

2450 އަކަފޫޓުގެ 473 ގޯތި

2850 އަކަފޫޓުގެ 158 ގޯތި

3250 އަކަފޫޓުގެ 49 ގޯތި

3650 އަކަފޫޓުގެ 21 ގޯތި

ހައުސިންގ މިނިސްޓްރީން ހާމަކޮށްފައިވާ ގޮތުގައި، ގޯތިލިބޭ ފަރާތްތަކުގެ ގުރުނަގާ ނިމުމުން، ގޯތިތަކުގެ ރަޖިސްޓްރީ އާއި ބިން ލިބޭ ފަރާތްތަކާއެކުވާ އެއްބަސްވުން ތަކާއިގުޅޭ މަޢުލޫމާތު މި މިނިސްޓްރީ އިން ފަހުން ޙިއްޞާ ކުރާނެއެވެ.