ހައުސިންގ މިނިސްޓަރ ޑރ. ޢަލީ ހައިދަރު ކުރިން ވިދާޅުވީ މިދިޔަ ހަފްތާގައި ފްލެޓް ލިބޭ މީހުންގެ ލިސްޓް އާއްމު ކުރައްވާނެ ކަމަށެވެ. އެހެން ނަމަވެސް ބައެއް މައްސަލަތައް ދިމާވެގެން ފްލެޓް ލިބޭ މީހުންގެ ފައިނަލް ލިސްޓް އާއްމު ކުރުން ނޮވެމްބަރު މަހަށް ފަސްކޮށްފައިވާ ކަމުގައި އެމިނިސްޓްރީން ވަނީ ވިދާޅުވެފައެވެ.

ސަރުކާރުގެ ބޯހިޔާވަހިކަމުގެ މަޝްރޫއުތަކުން، މާލެއާއި ރާއްޖޭގެ އެކި ސަރަހައްދުތަކުގައި ތަރައްގީ ކޮށްފައިވާ ހައުސިން ޔުނިޓުތަކަށް ދައްކަންޖެހޭ ފައިސާ މަހުން މަހަށް ދައްކަމުން ނުދާތީ، އެކަން ތަކުރާރުވަމުން ދާނަމަ ފިޔަވަޅު އަޅާނެ ކަމުގެ އިންޒާރު، ގެދޮރުވެރިކަމާއި ބިމާއި އުމްރާނީ ތަރައްގީއާ ބެހޭ ވުޒާރާއިން ދީފިއެވެ. އާދީއްތަ ދުވަހުގެ ރޭ އެ މިނިސްޓްރީއިން އާންމުކުރި އިއުލާނެއްގައި ބުނީ، 1 ޖެނުއަރީ 2024 އިން ފެށިގެން، ފުލެޓުތަކުގެ ކުލި %20 ކުޑަކޮށްދީފައިވީ ނަމަވެސް، އެތަންތަނުގެ ކުލި ގަވާއިދުން ނުދައްކާ ކަމަށެވެ.

މިއަދަށް ތާވަލުކޮށްފައި އޮތް ކޮމިޓީގެ އެޖެންޑާގައި އޮތީ، ގެދޮރުވެރިޔާ ސްކީމްގެ ދަށުން ފްލެޓު ލިބޭނެކަމަށް ގެޒެޓު ކުރެވިފައިވާ އެންމެހާ ފަރާތްތަކާއި، އަދި ކަމުގެ މަސްލަޙަތު އޮތް އެންމެހައި ފަރާތްތަކުގެ ފްލެޓުތައް ބާތިލު ނުކުރުމަށް އެދި ހުށަހެޅިފައިވާ ޕެޓިޝަނާ ގުޅޭގޮތުން ހައުސިންގ މިނިސްޓްރީގެ ބޭފުޅުންނާ މަޝްވަރާ ކުރުމެވެ. މި މައްސަލައާ ގުޅިގެން މަޖިލީހުގެ ކޮމެޓީއިން ބޭނުންވީ، މި ކަމާއި ގުޅުން ހުރި އެންމެހައި ފަރާތްތަކާއި ބައްދަލު ކުރުމަށެވެ.

އެމިނިސްޓްރީން ކުރި އިއުލާނުގައި ބުނެފައި ވަނީ، ގުޅީފަޅަށް ގޯތި ބަދަލުކުރުމަށް ހުށަހަޅުއްވާފައިވާ ފަރާތްތަކުގެ ތެރެއިން 1250 އާއި 1650 އަކަފޫޓުގެ ގޯތި ބަދަލުކުރުމަށް ހުށަހަޅުއްވާފައިވާ ފަރާތްތަކުގެ އަދަދު ގުޅީފަޅަށް ބަދަލުކުރުމަށް ކަނޑައެޅިފައިވާ ގޯތީގެ އަދަދަށްވުރެ އިތުރުކަމަށެވެ. އެހެން ކަމުން އެފަރާތްތަކުގެ މެދުގައި ގުރުއަތުނެގުން އަންނަ ހަފްތާގެ އަންގާރަ ދުވަހު ބޭއްވުމަށް ހަމަޖައްސާފައިވާ ކަމަށެވެ.

މިނިސްޓްރީ އޮފް ހައުސިންގ، ލޭންޑް އެންޑް އަރބަން ޑިވެލޮޕްމަންޓުން ވިދާޅުވީ، ސަރުކާރުން ކުރިއަށް ގެންގޮސްފައިވާ ބިންވެރިޔާ ސްކީމްގެ ދަށުން ގިރާވަރުފަޅުން ގޯތި ލިބިފައިވާ ފަރާތްތަކަށް ގުޅީފަޅަށް ބަދަލުވުމަށް އެ މިނިސްޓްރީން ހުޅުވާލި ފުރަތަމަ ފުރުޞަތުގެ ދަށުން، އެކަމަށް އެދި ހުށަހެޅުއްވި ފަރާތްތަކުގެ އަދަދަށް ރިއާޔަތްކޮށް، 2450 އަދި 2050 އަކަފޫޓުގެ ގޯއްޗަށް އެދި ހުށަހަޅުއްވާފައި ވަނީ ގުޅީފަޅަށް ބަދަލުކުރުމަށް ކަނޑައަޅާފައިވާ އަދަދަށްވުރެ މަދު އަދަދެއްކަމަށްވާތީ އާއި، ގުޅީފަޅަށް ބަދަލުވުމަށް ހުށަހަޅުއްވާފައިވާ ރިކުއެސްޓްތަކަށް ބަލައި ގޯތި އިތުރުކޮށް، ލޭންޑް ޔޫސް ޕްލޭނަށް ވަނީ ބަދަލުގެނެސްފައި ކަމަށެވެ. އެހެން ކަމުން މިގެނެވުނު ބަދަލާއި ގުޅިގެން ތިރީގައި މިވާ ތާވަލުގައި ބަޔާންކޮށްފައިވާ އަދަދަށް ގޯތި ބަދަލުކުރުމުގެ ފުރުސަތު އޮތުމާއެކު، ގިރާވަރުފަޅުން ގޯތި ލިބިފައިވާ ފަރާތްތަކަށް ގުޅީފަޅަށް ގޯތި ބަދަލުކުރުމުގެ އިތުރު ފުރުސަތެއް ދޭން ނިންމައި މިއަދުންފެށިގެން އެފުރުޞަތު ހުޅުވާލާފައިވާ ކަމަށެވެ.

އެކޮމިޓީއަށް އަލަށް ޢައްޔަނު ކުރެއްވި ބޭފުޅުންނަކީ، ކުރީގެ ކޮންސްޓްރަކްޝަން މިނިސްޓަރ، މައުރޫފް ޖަމީލުގެ އިތުރުން ފާތިމަތު ސައީދާއި އާމިނަތު ޝާއިރާއެވެ.

އެމިނިސްޓްރީން ވިދާޅުވީ، މިހާތަނަށް، ބިންވެރިޔާ ސްކީމްގެ ދަށުން ގޯތި ލިބިފައިވާ މީހުންގެ ތެރެއިން، 8394 މީހުންނާއިއެކު އެއްބަސްވުމުގައި ސޮއެކޮށް، އެމީހުންނަށް ގޯތި ލިބުނު ކަމުގެ ލިޔުމާއި ގޯތީގެ ރެޖިސްޓްރީ ހަވާލުކުރެވިފައިވާ ކަމަށެވެ.

ގުޅީފަޅު ބިންހިއްކުމުގެ މަޝްރޫޢު ހުއްޓުވުމަށް، ހައުސިންގ މިނިސްޓްރީއާ ދެކޮޅަށް ކޯޓަށް ދިޔައީ، ހ. ޝޭޑީކޯނަރ، ޙުމައިދާ ޢަބްދުލްޤަފޫރެވެ.

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ސަރުކާރުން މާލޭގެ ބޯހިޔާވަހިކަމުގެ މައްސަލައަށް ހައްލު ހޯދުމުގެ ގޮތުން ބިންވެރިޔާ ސްކީމްގެ ދަށުން، ހުޅުމާލެއާއި ގުޅީފަޅު އަދި ގިރާވަރު ފަޅުން ބިން ހިއްކައިގެން ޖުމުލަ 9003 ގޯތި ދޫކުރުމަށް ވަނީ ނިންމާފައެވެ. އެގޮތުން ހުޅުމާލެއިން 1351 ގޯއްޗާއި ގުޅީފަޅުން 2219 ގޯތީގެ އިތުރުން ގިރާވަރުފަޅުން ދޫކުރާ 5433 ގޯތި ލިބޭ ފަރާތްތަކަށް ކަނޑައަޅައި އެފަރާތްތަކަށް ގޯތި ލިބުނު ކަމުގެ ލިޔުމާއި ރެޖިސްޓްރީ ހަވާލުކޮށް، ބިން ކަނޑައި ދިނުމުގެ މަސައްކަތް ސަރުކާރު ބަދަލުވުމާއި ހަމައަށް ކުރިޔަށް ގެންދިޔައެވެ.

4000 ފްލެޓް ލިބޭ ކަމަށް ކަނޑައެޅި ފަރާތްތަކުގެ ތެރެއިން ޝަރުތު ފުރިހަމަވުމުގައި އެއްވެސް މައްސަލައެއް ނެތްކަމަށް ފާހަގަވެފައި ވަނީ %20.7 މީހުން ކަމަށެވެ. އަދި %19.7 މީހުންނަކީ، ޝަރުޠު ހަމަވާކަމަށް ކަނޑައެޅި ނަމަވެސް އެމީހުން ހުށައަޅާފައިވާ ފޯމްތަކުގެ މައުލޫމާތަށް ބަލާއިރު ޝަރުޠު ހަމަ ނުވާ މީހުންކަމަށާއި، ފްލެޓް ލިބޭކަމަށް ކަނޑައެޅި މީހުންގެ ޖުމުލަ %59.6 (2،113) މީހުންނަކީ، ފްލެޓްދިނުމަށް ކަނޑައަޅާފައިވާ ޝަރުޠުތަކަށް ބަލާއިރު، ޝަރުޠު ހަމަނުވާ މީހުން ކަމުގައި، އޭސީސީގެ ތަޙްޤީޤަށް ފާހަގަވެފައިވާ ކަމުގައި އޭސީސީން ވަނީ ބުނެފައެވެ.

އެޗްޑީސީން އިއްޔެ އާއްމު ކުރި ބަޔާނެއްގައި ބުނެފައި ވަނީ، އެޗްޑީސީއަށް ފައިސާ ދައްކަންޖެހޭ ފޭސް 1 ގެ ފްލެޓްތަކަށް، މި ފެށުނު ފެބުރުއަރީ މަހުގެ 1 ވަނަ ދުވަހުންފެށިގެން، މެއިންޓަނަންސްފީ ނުހިމަނައި، ކުލީގެ %20 އިންސައްތަ ކުޑަކޮށްދިނުމަށް ނިންމާފައިވާ ކަމަށެވެ. އަދި އެކަމާއި ގުޅޭ ގޮތުން އިތުރު މައުލޫމާތު ބޭނުންވާ ފަރާތްތަކުން އެކުންފުނީގެ ހޮޓްލައިން 1516އަށް ގުޅުއްވައިގެން މައުލޫމާތު ސާފު ކުރެއްވުމަށްވެސް އެޗްޑީސީން ވަނީ އެދިފައެވެ.

އެމިނިސްޓްރީން ނެރެފައިވާ ނޫސްބަޔާނުގައި ވިދާޅުވެފައި ވަނީ، މާލެ ސަރަހައްދުން ފްލެޓްތައް ދޫކުރުމަށް ސަރުކާރުން ހިންގާ "ގެދޮރުވެރިޔާ ސްކީމް"ގެ ދަށުން، ފްލެޓަށް އަދި ހުށައަޅާފައިވާ ފަރާތްތަކުގެ ތެރެއިން ދާއިމީ ލިސްޓުގައި ހިމެނޭ ފަރާތްތަކަށް ފްލެޓްތައް ހަވާލުކުރުމުގެ މަސައްކަތް މިއަދު ފަށާނެކަމަށް މިނިސްޓްރީން ވިދާޅުވެފައި ނުވާނެ ކަމަށެވެ. އަދި އެފަދަ ވާހަކައެއް ހައުސިންގ މިނިސްޓަރ ޑރ. ޢަލީ ޙައިދަރުވެސް ވިދާޅުވެފައި ނުވާކަމުގައި އެމިނިސްޓްރީން ވިދާޅުވިއެވެ.

ބިންވެރިޔާ ސްކީމްގެ ދަށުން ގޯތީގެ ރަޖިސްޓްރީ ޙަވާލުކޮށްފައިވާ ފަރާތްތަކަށް ބިން ކަނޑާ ޙަވާލުކުރުމުގެ މަސައްކަތް އަލުން ފަށައިފިއެވެ. ބިންވެރިޔާ ސްކީމްއަކީ މިދިޔަ ސަރުކާރުން ރައީސުލްޖުމްހޫރިއްޔާ އިބްރާހިމް މުހައްމަދު ސާލިހް ފައްޓަވާފައިވާ މަޝްޫއެކެވެ. މިއީ މާލެ ރައްޔިތުންނަށް ޒަމާންތަކެއް ވަންދެން ދިމާވެފައިއޮތް ބޯހިޔާވަހިކަމުގެ މައްސަލައަށް ހައްލެއް ގެނެސްދެެއްވުމަށް ކުރިއަށްގެންދެވި މަަސައްކަތެކެވެ.

އެފްޑީސީން ބުނީ ފްލެޓްތަކުގެ މަސައްކަތް 3 ޝިފްޓަކަށް ބަހާލައިގެން މެދުކެނޑުމެއް ނެތި 24 ގަޑިއިރު ކުރަމުންދާ ކަމަށެވެ. އަދި ފްލެޓްތައް ލިބިފައިވާ ފަރާތްތަކަށް ވީހާވެސް އަވަހަކަށް ފްލެޓްތައް ހަވާލުކުރުމުގެ ގޮތުން އެއްބަސްވުންތަަކުގައި ސޮއިކުރަން ފެށުމަށް މިހާރު ތައްޔާރުވަމުން އަންނަ ކަމުގައިވެސް އެކުންފުނިން ވަނީ ބުނެފައެވެ.

އެމިނިސްޓްރީން ވިދާޅުވީ، ބިންވެރިޔާ ސްކީމުގެ ދަށުން މާލެ ސަރަހައްދުން ގޯއްޗަށް އެދި ހުށަހަޅާފައިވާ ފަރާތްތަކުގެ ތެރެއިން މިހާތަނަށް ގޯތީގެ އެއްބަސްވުމާއި ގޯތީގެ ރަޖިސްޓަރީ ހަވާލުކުރެވިފައި ނުވާ ފަރާތްތަކަށް، ގޯތީގެ އެއްބަސްވުމުގައި ސޮއި ކުރުމާއި ރަޖިސްޓަރީ ޙަވާލުކުރުމުގެ އިތުރުން ބިން ޙަވާލުކުރުމުގެ މަސައްކަތް ިއްޔެ ފަށާފައިވާ ކަމަށެވެ.