މާލޭ މައްޗަންގޮޅި އައު ސަހަރާގެ އުސްކޮށް ހުރި އިންފާރު ބައުވެ، އެފާރު ތަޅާލުމުގެ މަސައްކަތް ފަށައިފިއެވެ.

މާލޭ ސިޓީ ކައުންސިލުން ހާަމަކޮށްފައިވާ ގޮތުގައި، އާސަހާރާގެ ވެއްޓެން ކައިރިފައި ހުރި ވަށާ ފާރު ނަގައި ސަހަރާ ރީތިކޮށް ހުޅުވިފައި އޮންނަ ހިތްފަސޭހަ ސާފުތާހިރު ތަނަކަށް ހެދުމުގެ މަސައްކަތް އެކައުންސިލުން އަންނަނީ ކުރަމުންނެވެ.

ރައީސް މައުމޫނުގެ ދައުރުގައި، އާ ސަހަރާއަކީ މާލޭގައި މަރުވާ މީހުން ވަޅުލުމަށް ޚާއްޞަ ޤަބުރުސްޠާނުގެ ގޮތުގައި ކަނޑައަޅުއްވައި، މާލޭގެ ހަތަރު އަވަށުގެ ޤަބުރުސްޠާނުގައި އާއްމުކޮށް މީހުން ވަޅުލުން ހުއްޓަވައިލެއްވިއެވެ.

މާލޭ އައު ސަހަރާގައި ހުންނަ މިސްކިތް، މަސްޖިދުއްތަޢާވުންވެސް ވަނީ ދާދިފަހުން އަލުން ޢިމާރާތްކޮށް ހުޅުވާފައެވެ.

މާލެ ސަރަހައްދުގައި މިހާރު އާއްމުކޮށް މީހުން ވަޅުލަމުން އަންނަނީ، އާ ސަހަރާގަޔާއި، ހުޅުމާލެ ސަހަރާގައެވެ.