އެމްޑީޕީން ނެރުނު ބަޔާނުގައި ބުނެފައި ވަނީ، ރައީސް ޑރ. މުހައްމަދު މުއިއްޒުގެ އެންގެވުމަށް ދައުލަތުގެ މުދަލާއި ވަސީލަތްތަކަށް ނުފޫޒު ފޯރުވައި ޕީއެންސީއަށް މެމްބަރުން އިތުރު ކުުރުމުގެ މަސައްކަތްތައް ސަރުކާރުގެ އޮފީސްތަކާއި ކުންފުނިތައް މެދުވެރިކޮށް ކުރަމުންދާތީ ކަންބޮޑުވާ ކަމަށެވެ. އަދި މީގެކުރިން އުފެދުނު ޕީޕީއެމްގެ ސަރުކާރެކޭ އެއްގޮތަށް މިވަގުތު އޮތް ޕީއެންސީގެ ސަރުކާރުން ވެސް ޕާޓީއަށް މެމްބަރުން އިތުރު ކުރުމަށް ވަޒީފާއަށް ނުފޫޒު ފޯރުވަމުންދާ ކަމުގެ ޝަކުވާތައް ލިބެމުންދާ ކަމުގައިވެސް އެމްޑީޕީން ވަނީ ބުނެފައެވެ. އެޕާޓީން ބުނީ އެއްވެސް މީހަކަށް ވަޒީފާގެ ބިރު ދައްކައި ޕީއެންސީއަށް ސޮއިކުރަން މަޖުބޫރު ކުރުވުމަކީ ބަލައިގަނެވޭނެ ކަމެއް ނޫންކަމަށެވެ.

އިމިގްރޭޝަނުން ވިދާޅުވީ، ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދިއަ ބިދޭސީން ހޯދުމަށް އިމިގްރޭޝަނާއި ފުލުހުން ގުޅިގެން މި އޮކްޓޫބަރު މަހުގައި ވަނީ ހާއްސަ އިންސްޕެކްޝަން ތަކެއް ހިންގާފައި ކަމަށެވެ. މިގޮތުން، އެ ފަދަ 05 މައްސަލައަކާއި ގުޅިގެން ބިދޭސީ 07 އަންހެނަކު އަދި އެމީހުންގެ އެޖެންޓުންގެ ގޮތުގައި މަސައްކަތް ކުރަމުންދިއަ ބިދޭސީ 02 ފިރިހެނަކު ވަނީ އިމިގްރޭޝަންގެ ބެލުމުގެ ދަށަށް ގެންގޮސްފައި ކަމުގައި އިމިގްރޭޝަނުން ވިދާޅުވިއެވެ.

އަދި މިހާރު ތައްޔާރުކުރެވިފާ މިވާ ސްޓްރެޓެޖިކް އެކްޝަން ޕްލޭނަކީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު ޤައުމަށާއި ޔުޓިލިޓީ ހިދުމަތްތަކުގެ ސިނާއަތްތަކަށް ކަނޑައަޅުއްވާފައިވާ ހަރުދަނާ ސިޔާސަތުތަކާއި އެއްގޮތްވާގޮތުގެ މަތީންނާއި، ސްޓެލްކޯގެ ސްޓްރެޓެޖިކް ކޮމިޓީގެ ލަފާގެ މަތިން ތައްޔާރުކުރެވި އަދި، ކުންފުނީގެ ބޯޑުގެ ފުރިހަމަ ތާޢީދާއެކު އެކުލަވާލެވިފައިވާ ޕްލޭނެއްކަމުގައިވެސް ސްޓެލްކޯއިން ޙާމަކުރައްވާފައިވެއެވެ.

އިމިގްރޭޝަނުން ހާމަކުރައްވާފައިވާ ގޮތުގައި ބުރާސްފަތި ދުވަހު، ހިންގި އޮަޕަރޭޝަނުގައި ވަނީ، ގުރައިދޫން 39 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފައެވެ. އަދި އެރަށުގައި ހިންގި އޮޕަރޭޝަނުގައި 42 ތަނެއް ބަލައި ފާސްކޮށް 106 ބިދޭސީންނާއި ސުވާލުކޮށްފައިވާ ކަމަށާއި، 5 ދިވެހިންނަށް ނަސޭހަތްތެރިވެފައިވާ ކަމުގައި އިމިގްރޭޝަނުން ހާމަކުރައްވާފައިވެއެވެ.

ރައީސުލްޖުމްހޫރިއްޔާގެ ނައިބު، އަލްއުސްތާޛު ޙުސައިން މުޙައްމަދު ލަޠީފު މިވަގުތު ހުންނެވީ، ސަމޯއާގައި މިހާރު ކުރިއަށްދާ ކޮމަންވެލްތު ހެޑްސް އޮފް ގަވަރމަންޓް މީޓިންގް (ޗޮގަމް 2024)ގައި ބައިވެރިވެވަޑައިގެންނެވުމަށްޓަކައި، ސަމޯއާގެ ވެރިރަށް އަޕިއާއަށް ވަޑައިގެންނެވެ. ހުސްވި ޑިސެމްބަރު، 2023، ގައި ދުބާއީގައި ބޭއްވި ކޮޕް-28 ގެ ހަވާސާގައި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއިވެސް، ރަސްގެފާނު ޗާލްސްއާ ބައްދަލުވެވަޑައިގެންނެވިއެވެ.

ރައީސުލްޖުމްހޫރިއްޔާގެ ބައްޕާފުޅު ފަޟީލަތުއްޝައިޚް އަލްއުސްތާޛު އަލްމަރުޙޫމް ޙުސައިން ޢަބްދުއްރަޙްމާނަކީ، 5 އޮކްޓޫބަރު 1980 ގައި ދިވެހިރާއްޖޭގެ ހައިކޯޓު އުފައްދަވައި، އެ ކޯޓަށް ފުރަތަމަ ޢައްޔަނު ކުރެއްވި ފަނޑިޔާރުންގެ ތެރޭގައި ހިމެނިވަޑައިގަންނަވާ ބޭފުޅެކެވެ. އެމަނިކުފާނު ޝަރީޢަތާ ޤާނޫނުގެ ރޮނގުން މަތީ ތަޢުލީމު ޙާޞިލްކުރައްވާފައިވަނީ މިޞްރުގެ އަލްއަޒްހަރު ޔުނިވަރސިޓީއިންނެވެ.

އިޒްރޭލުގެ ހަމަލާތައް ކުއްވެރިކޮށް ދިވެހި ޚާރިޖިއްޔާއިން ނެރުނު ނޫސްބަޔާނުގައި ވިދާޅުވެފައި ވަނީ، އިރާނުގެ އަސްކަރީ މަރުކަޒުތަކަށް އަމާޒުކޮށް ބުނެ އިޒްރާއީލުން ދިން ހަމަލާއަކީ ބައިނަލްއަގުވާމީ ގާނޫނުތަކާއި ގަވާއިދުތަކާ ހިލާފަށް ދިން ހަމަލާއެއް ކަމަށާއި، ދިވެހި ސަރުކާރުން އެހަމަލާތައް ކުއްވެރި ކުރާ ކަމަށެވެ. ޚާރިޖިއްޔާގެ ބަޔާނުގައި އިތުރަށް ބުނެފައި ވަނީ، މެދު އިރުމަތީގައި ހިނގަމުންދާ ހަނގުރާމަ ފުޅާވިޔަ ނުދީ ސުލްޙަ ޤާއިމްކުރުމަށް މަސައްކަތް ކުރަންޖެހޭ ކަމަށެވެ.

ބަނޑުދަށުގައި ރީނދޫކުލައިގެ ރޮނގެއް ހުންނަ މި ކަނޑު ހަރުފަ ފެނިފައި ވަނީ، ހުކުރު ދުވަހު ހެނދުނު، މާލޭ ދެކުނު ފަރާތު ފަޅު ތެރެއިން ލޯންޗު ފަހަރު އަޅާފައި އޮންނަ ސަރަހައްދުންނެވެ. މިކަނޑު ހަރުފަ ފެނުނު މީހުން ވަނީ، އޭތި ހިފައި ހަންބުރިއަކަށް ލުމަށް ފަހުގައި، މާލޭގެ ދެކުނު ފަރާތުން ވާދޫ ކަނޑު ތެރެއަށް ދޫކޮށްލާފައެވެ.

މި ޚިދުމަތް ފެށުމުގައި ކުރިމަތިވެފައިވާ އެންމެބޮޑު ގޮންޖެހުމަކީ، ވޭތުވެދިޔަ ތަނުގައި ޑޮމެއިންގެ ރެކޯޑުތައް ހަރުދަނާ ގޮތެއްގައި މިނިސްޓްރީގައި ބެލެހެއްޓިފައި ނެތުމާއި، ޚިދުމަތް ފޯރުކޮށްދިނުމުގައި ޢަމަލުކުރާނެ ހަރުދަނާ އުޞޫލުތަކެއް އެކުލަވާލާފައި ނެތުން ކަމުގައިވެސް އެމިނިސްޓްރީން ވަނީ ވިދާޅުވެފައެވެ.

ކޮމަންވެލްތު ހެޑްސް އޮފް ގަވަރމަންޓް ރިޓްރީޓަކީ، ކޮމަންވެލްތުގެ މެންބަރު ޤައުމުތަކަށް ބޭނުންވާ ބަދަލުތައް ގެނައުމަށްޓަކައި، ނަތީޖާ ނެރެވޭނެ މަސައްކަތްތަކެއް ކުރުމަށް ފުރުޞަތު ފަހިވެގެންދާ، ކޮމަންވެލްތުގެ ޤައުމުތަކުގެ އެންމެ އިސްވެރިން ބައިވެރިވެޑައިގަންނަވާ ބައްދަލުވުމުކެވެ.

ރައީސުލްޖުމްހޫރިއްޔާ، ޓެކްސް އެޕީލް ޓައިބިއުނަލަށް މި ހަތަރު މެންބަރުން ޢައްޔަނުކުރައްވާފައި ވަނީ އެބޭފުޅުންނަށް ރައްޔިތުންގެ މަޖިލީހުން ރުހުންދެއްވުމުންނެވެ.

އެކުންފުނިން ހާމަކޮށްފައިވާ ގޮތުގައި، މިއީ، އިލެކްޓްރިކަލް ދާއިރާއަށް އަންހެނުން ޝައުގުވެރިކުރުވައި، އެ ދާއިރާގައި ފިރިހެނުންނާއި އެއް ހަމައެއްގައި މަސައްކަތް ކުރުމުގެ ފުރުސަތު ފަހިކޮށްދިނުމަށްޓަކައި ހިންގުމަށް ހަމަޖައްސާފައިވާ ކޯހެކެވެ.

މިނިސްޓަރ ޒަމީރު ބަޖެޓު ހުށައަޅުއްވައި ދެއްވަމުން ވިދާޅުވީ، ސަޕްލިމެންޓްރީ ބަޖެޓުގެ ޖުމުލަ އަދަދަކީ، ފަސް ބިލިޔަން އެއް ސަތޭކަ ނަވާރަ މިލިޔަން ފަސްލައްކަ އަށްހާސް އެއް ސަތޭކަ ނަވާވީސް ރުފިޔާ ކަމަށެވެ. އަދި ސަޕްލިމެންޓްރީ ބަޖެޓުގައި ކަނޑައަޅާފައި ވަނީ، ސަރުކާރުގެ ރިކަރަންޓް ޚަރަދަށް 1.5 ބިލިއަން ރުފިޔާ އާއި ކެޕިޓަލް ޚަރަދަށް 3.5 ބިލިޔަން ރުފިޔާކަމުގައިވެސް މިނިސްޓަރ މޫސާ ޒަމީރު ވިދާޅުވިއެވެ.

މިއަދު ބޭންކް އޮފް މޯލްޑިވްސްއިން އާއްމު ކުރި އިޢުލާާނުގައި ބުނީ، މިހާރު ދަރިވަރުންނަށް ދެމުން އަންނަ ލިމިޓް އަންނަ ނޮވެމްބަރު މަހުގެ 1 ވަނަ ދުވަހުން ފެށިގެން 1200 ޑޮލަރާއި ހަމައަށް އިތުރުކޮށްދީފައިވާ ކަމަށެވެ. މިހާތަނަށް ދަރިވަރުންނަށް ދެމުން އައިސްފައި ވަނީ 750 ޑޮލަރުގެ ލިމިޓެކެވެ.