ހަށިިވިއްކުމުގެ ވިޔަފާރި ހުއްޓުވުމަށް، އިމިގްރޭޝަނުން ހިންގަމުންދާ އޮޕަރޭޝަނުންގެ ތެރެއިން، 9 މީހުން ހައްޔަރުކޮށް ބައެއް މީހުން ޑީޕޯޓްކޮށްލައިފިއެވެ.

އިމިގްރޭޝަނުން ވިދާޅުވީ، ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދިއަ ބިދޭސީން ހޯދުމަށް އިމިގްރޭޝަނާއި ފުލުހުން ގުޅިގެން މި އޮކްޓޫބަރު މަހުގައި ވަނީ ހާއްސަ އިންސްޕެކްޝަން ތަކެއް ހިންގާފައި ކަމަށެވެ. މިގޮތުން، އެ ފަދަ 05 މައްސަލައަކާއި ގުޅިގެން ބިދޭސީ 07 އަންހެނަކު އަދި އެމީހުންގެ އެޖެންޓުންގެ ގޮތުގައި މަސައްކަތް ކުރަމުންދިއަ ބިދޭސީ 02 ފިރިހެނަކު ވަނީ އިމިގްރޭޝަންގެ ބެލުމުގެ ދަށަށް ގެންގޮސްފައި ކަމުގައި އިމިގްރޭޝަނުން ވިދާޅުވިއެވެ.

އިމިގްރޭޝަނުން ވިދާޅުވީ، އެ މައްސަލަތައް ތަހުޤީޤު ކުރުމަށްފަހު ރާއްޖެ އަނބުރާ ނާދެވޭ ގޮތަށް އޭގެ ތެރެއިން 05 އަންހެނަކު އަދި 01 ފިރިހެނަކު މިހާރު ވަނީ ޑީޕޯޓުކޮށްފައި ކަމަށެވެ. އަދި އަނެއް 03 ބިދޭސީން ޑީޕޯޓުކުރުމުގެ މަސައްކަތް މިހާރުދަނީ ކުރަމުންކަމުގައިވެސް އިމިގްރޭޝަނުން ވިދާޅުވިއެވެ.