ޤަވާއިދާއި ޚިލާފަށް އުޅޭ ބިދޭސީން ހޯދުމަށް އިމިގްރޭޝަނުން ހިންގަމުންދާ އޮޕަރޭޝަން ރަށްރަށުގައި ފަށައިފިއެވެ.

މިގޮތުން ބުރާސްފަތި ދުވަހު ވަނީ މި އޮޕަރޭޝަން މާލެ އަތޮޅު ގުރައިދޫގައި ހިންގާފައެވެ.

އިމިގްރޭޝަނުން ހާމަކުރައްވާފައިވާ ގޮތުގައި ބުރާސްފަތި ދުވަހު، ހިންގި އޮަޕަރޭޝަނުގައި ވަނީ، ގުރައިދޫން 39 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފައެވެ. އަދި އެރަށުގައި ހިންގި އޮޕަރޭޝަނުގައި 42 ތަނެއް ބަލައި ފާސްކޮށް 106 ބިދޭސީންނާއި ސުވާލުކޮށްފައިވާ ކަމަށާއި، 5 ދިވެހިންނަށް ނަސޭހަތްތެރިވެފައިވާ ކަމުގައި އިމިގްރޭޝަނުން ހާމަކުރައްވާފައިވެއެވެ.

މާލޭގައި އިމިގްރޭޝަނުން އޮޕަރޭޝަން ފެށުމާއި އެކު ބައެއް ބިދޭސީން ވަނީ މާލެ ދޫކޮށް އަތޮޅުތެރޭގެ ރަށްރަށަށް ގޮސްފައެވެ. އަދި އެފަދަ ބައެއް ރިޕޯޓްތައް ލިބިފައިވާ ކަމުގައި އިމިގްރޭޝަނުން ހާމަކުރައްވާފައިވެއެވެ.