'ބިގިނަރސް އިލެކްޓްރީޝަން ކޯސް ފޯރ ވިމެން'ގެ ނަމުގައި ތަމްރީން ޕްރޮގްރާމެއް ހިންގުމަށް ސްޓެލްކޯއިން ތައްޔާރުވެއްޖެއެވެ.

އެކުންފުނިން ހާމަކޮށްފައިވާ ގޮތުގައި، މިއީ، އިލެކްޓްރިކަލް ދާއިރާއަށް އަންހެނުން ޝައުގުވެރިކުރުވައި، އެ ދާއިރާގައި ފިރިހެނުންނާއި އެއް ހަމައެއްގައި މަސައްކަތް ކުރުމުގެ ފުރުސަތު ފަހިކޮށްދިނުމަށްޓަކައި ހިންގުމަށް ހަމަޖައްސާފައިވާ ކޯހެކެވެ.

ހިލޭ ބައިވެރިވެވޭ މި ކޯހުގައި، ރައްކާތެރިގޮތުގައި ކަރަންޓު ބޭނުން ކުރުމާއި، ކަރަންޓަށް ކުރާ ޚަރަދު ކުޑަ ކުރުމުގެ އިތުރުން، ކަރަންޓު ވަޔަރ ކުރުމުގެ އަސާސީ މަޢުލޫމާތު މި ކޯހުގައި ކިޔަވައިދިނުމަށް ވަނީ ހަމަޖެހިފައިއެވެ. 

ސްޓެލްކޯއިން ހާމަކޮށްފައިވާ ގޮތުގައި މިކޯހުގައި ކިޔަވައިދޭނީ، 4 ދުވަހު ދުވާލަކު 3 ގަޑިއިރުއެވެ. ކޯހުގައި ބައިވެރިވުމުގެ ފުރުޞަތު، އުމުރުން 16 އަހަރުން މަތީގެ އަންހެނުންނަށް ވަނީ ހުޅުވާލާފައެވެ. 

މިތަމްރީން ކޯހުގައި ބައިވެރިވާން ބޭނުންވާ ފަރާތްތަކުން ނޮވެމްބަރު މަހުގެ 4 ވަނަ ދުވަހުގެ 15:00 ކުރިން ހުށައަޅަން ޖެހޭނެއެވެ.