ޓެކްސް އެޕީލް ޓްރައިބިއުނަލަށް ހަތަރު ބޭފުޅަކު ޢައްޔަނު ކުރައްވައިފިއެވެ.

ޓެކްސް އެޕީލްޓްރައިބިއުނަލަށް ރައީސުލްޖުމްހޫރިއްޔާ މެމްބަރުން ޢައްޔަނުކުރައްވާފައި ވަނީ، ބުރާސްފަތި ދުވަހުގައެވެ. އެޓްރައިބިއުނަލަށް ޢައްޔަނުކުރެއްވި މެމްބަރުންނަކީ:

1. އަލްފާޟިލް ޙަސަން ޒުހައިރު މުޙައްމަދު، ގ. މާވާރުލު

2. އަލްފާޟިލް އިބްރާހީމް ޝަރީފް، ގ. އަލިޝާ

3. އަލްއުސްތާޛާ ޝިފްޒާ ޢަބްދުލްޤައްޔޫމް، ގަސްދޮށުގެ، ގއ. ނިލަންދޫ

4. އަލްއުސްތާޛު ޢަބްދުލްޣަނީ މުޙައްމަދު، ހ. ހޯސްޓްސައިޑް 

ރައީސުލްޖުމްހޫރިއްޔާ، ޓެކްސް އެޕީލް ޓައިބިއުނަލަށް މި ހަތަރު މެންބަރުން ޢައްޔަނުކުރައްވާފައި ވަނީ އެބޭފުޅުންނަށް ރައްޔިތުންގެ މަޖިލީހުން ރުހުންދެއްވުމުންނެވެ.

ރައީސުލްޖުމްހޫރިއްޔާ މި ހަތަރު ބޭފުޅުން ޓެކްސް އެޕީލް ޓްރައިބިއުނަަލަށް ޢައްޔަނުކުރައްވާފައި ވަނީ ޤާނޫނު ނަންބަރު 3/2010 (ޓެކްސް ނެގުމާބެހޭ އިދާރީ ޤާނޫނު) ގެ 56 ވަނަ މާއްދާގެ (ހ) ގެ (1) ވަނަ ނަންބަރުގައިވާ ގޮތުގެމަތީންނެވެ.