ފުލުހުން މިކަން ހާމަކުރެއްވީ، ގއ. މާމެންދޫ / ބީޗްވިލާ، ވިފާޤު އިބްރާހިމް އަދުނާނުގެ މަރާ ގުޅިގެން ޗެނަލް 13 އިން ގެނެސްދިން ތަހުޤީޤީ ޑޮކިއުމެންޓްރީއެއްގައި، ނާޒިމަށާއި، ފުލުހުންގެ މައްޗަށް ކުރި ތުހުމަތުތަކާއި ގުޅިގެން، އެކަމާއި ގުޅޭ މައުލޫމާތު ހިއްސާކުރެއްވުމަށް ބޭއްވި ނޫސްވެރިންގެ ބައްދަލުވުގައެވެ.

މިނިސްޓްރީ އޮފް ޑިފެންސް އިން ވިދާޅުވީ، މާލޭގެ ފެންބަޮޑުވުމުގެ މައްސަލައަށް ހައްލު ހޯދުމުގެ ގޮތުން، ވަގުތީ ފެން ހިންދާ ނިޒާމު ޤާއިމުކޮށް ޚިދުމަތްދިނުމަށް އާރްޑީސީއާ އެކުގައި، ޑިފެންސް މިނިސްޓްރީން 15 މެއި 2024 ގައި އެއްބަސްވުމެއްގައި ސޮއެކޮށްފައި ވާކަމަށެވެ. އެ އެއްބަސްވުމުގެ ދަށުން، ވަގުތީ ފެންހިންދާ ނިޒާމްތައް ޤާއިމް ކުރުމުގެ މަސައްކަތް ކުރެވިފައިވަނީ، ޑިފެންސް މިނިސްޓްރީގެ ޕްރޮޖެކްޓެއްގެ ގޮތުގައި ކަމަށްވެސް އެމިނިސްޓްރީން ވިދާޅުވެއެވެ.

މިއަހަރުގެ ބާ އިމްތިހާން ބާއްވާފައި ވަނީ، މިއަދު ހެނދުނު، ވިލާ ކޮލެޖުގެ ހޯލުގައެވެ. މިއަހަރު އެ އިމްތިހާނަށް ހުޅުވާލި އިރު ޖާގަ ދިނުމަށް ނިންމާފައި އޮތީ 190 ކެންޑިޑޭޓަކަށެވެ. އޭގެ ތެރެއިން އިމްތިހާނުގައި ބައިވެރިވެފައި ވަނީ 183 ކެންޑިޑޭޓުންނެވެ. 2022 ވަނަ އަހަރު ބާއްވަންފެށި ބާއިމްތިހާނުގައި މިހާތަނަށް 505 ކެންޑިޑޭޓަކު ބައިވެރިވެފައިވާކަމުގައި ބާކައުންސިލުން ހާމަކުރައްވާފައިވެެއެވެ.

ރައްޔިތުންގެ މަޖިލީހުގެ އިދާރާއިން ހާމަކުރައްވާފައިވާ ގޮތުގައި، މަޖިލީހުގެ ރައީސް ޢަބްދުއްރަޙީމް ޢަބްދުﷲގެ މިދަތުރުފުޅަކީ، ޖެނީވާގައި ކުރިއަށްދާ އިންޓަރ-ޕާލިމެންޓަރީ ޔުނިއަންގެ 149 ވަނަ އެސެމްބްލީގައި ބައިވެރިވެވަޑައިގަތުމަށް ކުރައްވާ ދަތުރުފުޅެކެވެ.

ރާއްޖޭގައި މިވަގުުތު ހުރި ސިޔާސީ އެންމެ ތަޖުރިބާކާރު ލީޑަރުންގެ ތެރޭގައި ހިމެނިވަޑައިގަންނަވާ، އެމްޑީޕީގެ ރައީސް ޢަބްދުﷲ ޝާހިދު ވިދާޅުވީ، ސަރުކާރުން ދަނީ، ކައުންސިލަރުންނަކީ ނެތް ބައެއް ކަމުގައި، އަދި ރައްޔިތުންގެ އިތުބާރު ނެތް ބައެއް ކަމުގައި ދައްކަމުން ކަމަށެވެ.

އާތިފް ހުށައެޅުއްވި ޤަރާރުގައި ވިދާޅުވީ، ހިނގަމުންދާ 20 ވަނަ ރައްޔިތުންގެ މަޖިލީހުން ގެންދަނީ، ޤާނޫނު އަސާސީގެ ރޫޙާއި ޚިލާފަށް، ލާމަރުކަޒީ ޤާނޫނަށް ބަދަލު ގެނެސް ކައުސިލްތަކަށާއި ރައްޔިތުންނަށް އޮތް ބާރުތައް ނިގުޅައިގަންނަމުން ކަމަށެވެ. އަދި މި ސަރުކާރުން ގެންދަނީ ލާމަރުކަޒީ ޤާނޫނު އޭގެ ފުރިހަމަ މާނައިގައި ތަންފީޒްކުރުމަށް ކައުންސިލްތަކަށް އުނދަގޫތަކާއި ދަތިތައް ކުރިމަތި ކުރަމުން ކަމުގައިވެސް އާތިފް ހުށައެޅުއްވި ޤަރާރުގައި ވިދާޅުވެފައި ވެެއެވެ.

ފުލުހުންގެ އިދާރާއިން ވިދާޅުވީ، ތުއްތުކުއްޖެއްގެ އަތަށް ސައިކަލު ހުންގާނުދީގެން ދުއްވި މީހާގެ މައްޗަށް، ގަސްތުގައި ކުޑަކުއްޖަކު ނުރައްކަލަށް ހުށައެޅި މައްސަލަ ތަޙްޤީޤު ކުރަމުންދާ ކަމަށެވެ. އަދިއޭނާއަށް ޓްރެފިކް ޤާނޫނާއި ޚިލާފުވުމުގެ ކުށުގައި ފިޔަވަޅުއެޅުމަށް ޓްރާންސްޕޯޓް މިނިސްޓްރީއާއެކު މަސައްކަތް ކުރަމުންދާ ކަމުގައިވެސް ފުލުހުންގެ އިދާރާއިން ވިދާޅުވިއެވެ.

ލާމަރުކަޒީ ގުޅުން- ކައުންސިލަރުންގެ ކޮންފަރެންސްގެ ފުރަތަަމަ ކޮންފަރެންސް މިއަދު ފަށާފައި ވަނީ ކުޅުދުއްފުށީ ސިޓީގައެވެ. މި ކޮންފަރެންްސް ހުޅުވުމުގެ ރަސްމިއްޔާތުގައި ވާހަކަފުޅު ދައްކަވަމުން އެމްޑީޕީގެ ރައީސް، ޢަބްދުﷲ ޝާހިދު ވިދާޅުވީ، މިއަދު މި ކޮންފަރެންސް ކުޅުދުއްފުށި ސިޓީގައި ފެށިގެން ދިޔަ ނަމަވެސް ކުރިޔަށް އޮތް ތަނުގައި ރާއްޖޭގެ އެހެން ސަރަހައްދުތަކުގައިވެސް ބާއްވާނެ ކަމަށެވެ.

ރައީސުލްޖުމްހޫރިއްޔާގެ ވާހަކަފުޅުގައި ވިދާޅުވީ، އެމްޑީޕީއަށް ގެންނަ އެންމެ މުހިއްމު ބަދަލަކީ އެއީ ކަމަށެވެ. އަދި ވެރިކަމުގައި ޕާޓީ އޮންނައިރުގައި، ވަރަށް ފަސޭހައިން މީހުން އެހީތެރިކަން ފޯރުކޮށްދޭ ކަމަށާއި، އަދި އަމިއްލައަށް އެދިގެން އައިސްވެސް ޕާޓީއަށްދޭ ކޮންޓްރިބިއުޝަނެއްގެ ގޮތުގައި ފައިސާ ހަވާލުކުރާ ކަމުގައި ރައީސް ޞާލިޙް ވިދާޅުވިއެވެ.

މިހާރު ކުޅުދުއްފުށީ ސިޓީގައި ފެށިގެން ކުރިޔަށްދާ މިކޮންފަރެންސްގައި ބައިވެރިވަނީ، ހއ. ހދ. އަދި ށ. އަތޮޅުގައި ތިއްބެވި އެމްޑީޕީގެ ކައުންސިލަރުންނާއި، އަންހެނުންގެ ތަރައްޤީއަށް މަސައްކަތް ކުރައްވާ ކޮމިޓީތަކުގެ މެމްބަރުންނެވެ.

އެ ކޮމިޝަނުން ހާމަކޮށްފައިވާ ގޮތުގައި، އެ އިޞްލާޙުތަކަކީ 2019 ވަނަ އަހަރުން ފެށިގެން ސިޔާސީ ޕާޓީތަކާއެކު ފުޅާ ދާއިރާއެއްގައި މަޝްވަރާކުރެވި، ސިޔާސީ ޕާޓީތަކުން އެއްބަސްވެފައިވާ އިޞްލާޙުތަކެކެވެ.

މިކޮންފަރެންސާއި ބެހޭ ގޮތުން އެމްޑީޕީގެ ރައީސް، ޢަބްދުﷲ ޝާހިދު ވިދާޅުވީ، ދިވެހިރާއްޖެއަށް ޒަމާނީ ލާމަރުކަޒީ ނިޒާމު ތަޢާރަފްކޮށް، އެނިޒާމުގެ ފައިދާ ރައްޔިތުންނަށް ލިބިދެވޭކަން ކަށަވަރުކޮށްދޭ ޕާޓީއަކީ އެމްޑީޕި ކަމަށާއި، މި ކޮންފަރެންސްގައި މުހިއްމު މަޝްވަރާތަކެެއް ކުރެވި، ތަނަވަސް ޚިޔާލުތަކެއް ބަދަލުކުރެވޭނެ ކަމަށެވެ.

ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމުގެ ވެރިކަމުގައި އިމާރާތްކުރި ދަރުމަވަންތަ ހޮސްޕިޓަލުގައި ޤާއިމްކޮށްފައިވާ، ހައިބްރިޑް ތިއޭޓަރު ބޭނުން ކުރަންފަށާފައިވާ ކަން ހާމަކޮށްފައި ވަނީ އައިޖީއެމްއެޗުން އެހޮސްޕިޓަލްގެ ސޯޝަލް މީޑިއާ އެކައުންޓްތަކުގައި ކޮށްފައިވާ ޕޯސްޓެއްގައެވެ.

އާއްމުވެފައިވާ ވީޑިއޯއިން ފެންނަ ގޮތުގައި، އެ ތުއްތު ކުއްޖާއަތަށް ސައިކަލުގެ ހުންގާނުދީގެން ދުއްވާފައި ވަނީ، ސަރުކާރު ކުންފުންޏެއްގައި ވަޒީފާ އަދާކުރާ މުވައްޒަފެކެވެ. އަދި އެމަންޒަރު ވީޑިއޯކޮށްފައި ވަނީ އެވަގުތު ހައިވޭގައި ކާރެއްގައި ދިޔަ އެހެން ބައެކެވެ.

މޫސުމާއި ބެހޭ ޤައުމީ އިދާރާއިން ވަނީ، މިއަދުގެ މެންދުރުފަހު 3:00 ޖެހުމާއި ހަމައަށް، ރ. އަތޮޅުން ފެށިގެން ވ. އަތޮޅާއި ދެމެދުގެ އަތޮޅުތަކަށް ޔެލޯ އެލާޓް ނެރެފައެވެ.

މިޙަފްލާގައި ރައީސުލްޖުމްހޫރިއްޔާ ވިދާޅުވީ، ވޭތުވެ ދިޔަ 45 އަހަރުގެ ތެރޭގައި އދ އާއެކު މަސައްކަތްކޮށް ރާއްޖެއިން މުހިންމު ކާމިޔާބީތަކެއް ޙާސިލްކޮށްފައިވާ ކަމަށެވެ. އަދި ގުޅިގެން ކުރެވޭ އެ މަސައްކަތްތަކަކީ ރާއްޖޭގެ ރައްޔިތުންގެ އުންމީދުތަކާ އެއްގޮތަށް ކަންކަން ހާސިލުކުރުމަށާއި ދިވެހިރާއްޖެއަށް ކުރިމަތިވާ ގޮންޖެހުންތަކާ ކުރިމަތިލުމުގައި ވެސް އެހާމެ މުހިންމު ކަމެއްކަން އެމަނިކުފާނު ފާހަގަކުރެއްވިއެވެ.