އެކޮމިޝަނުން ވިދާޅުވީ، މިއަދުން ފެށިގެން، ސިޔާސީ ޕާޓީއަކުން ވަކިވުމަށް އެދޭނަމަ my.elections.gov.mv "މައި ޕޯޓަލް" މެދުވެރިކޮށް މި ޚިދުމަތް ފަސޭހަކަމާއެކު އާންމުނަށް ބޭނުންކުރެވޭނެއެވެ. އަދި މިޕޯޓަލް މެދުވެރިކޮށް ހުށަހަޅާ ހުށަހެޅުމެއްގެ އަދާހަމަ ވަގުތުން ފެންނާނެހެން މި ޕޯޓަލް ވަނީ ފަރުމާކޮށްފައި ކަމަށްވެސް އެކޮމިޝަނުން ވިދާޅުވިއެވެ. މީގެ އިތުރުން އެކޮމިޝަނުން ވިދާޅުވީ، "މައި ޕޯޓަލް" މެދުވެރިކޮށް މި ޚިދުމަތް ދޭން ފެށުމާއެކު، މީގެކުރިން ބޭނުންކުރަމުން އައި "ސިޔާސީ ޕާޓީގެ ދަފްތަރަށް ޝަކުވާ ހުށަހަޅާ ފޯމު" ބޭނުންކުރުން ހުއްޓާލައިފައިވާކަމަށެވެ.

އެމިނިސްޓްރީން ވިދާޅުވީ، މިގޮތުން، ވަރކް ޕަރމިޓް މިސިންގ ރިކުއެސްޓް ސަރވިސް ފީގެ ގޮތުގައި 1000ރ ނަގާނެ ކަމަށާއި، ވަރކް ޕަރމިޓް ނެގްލިޖެންސް ފައިންގެ ގޮތުގައި 2000ރ އިން ޖޫރިމަނާ ކުރާނެ ކަމަށެވެ. މިޖޫރިމަނާކުރާނީ، ވަރކް ޕަރމިޓް ހުއްދައިގެ ދަށުން ދިވެހިރާއްޖޭގައި ވަޒީފާ އަދާކުރާ ބިދޭސީއަކު ފިލުމުގައި، ވަޒީފާދޭ ފަރާތުގެ އިހުމާލުވުން އޮވެއްޖެނަމަ ކަމުގައިވެސް އައު އުސޫލުގައި ބުނެފައިވެއެވެ.

ކޮންމެ އަހަރެއްގެވެސް ޔޫރަޕްގެ ފިނިމޫސުމުގައި ރާއްޖެއަށް އަންނަ ފަތުރުވެރިންނެ އަދަދު ވަރަށް ބޮޑަށް އިތުރުވެފެން ދާއިރު އެކަމަށް ތައްޔާރުވުމުގެ ގޮތުން އެމްއޭސީއެލްގެ އެއަރޕޯޓް އޮޕަރޭޝަންސް ޑިވިޜަން އިން މިއަދު ވަނީ ބައްދަލުވުމެއް ބާއްވާފައެވެ. މި ބައްދަލުވުމުގެ މަޤްޞަދަކީ ކުރިއަށް އޮތް ފަތުރުވެރިކަމުގެ ސީޒަންގައި އެއަރޕޯޓް އޮޕަރޭޝަންސްއަށް ދިމާވާ ގޮންޖެހުންތައް މަޝްވަރާކޮށް އެ ކަންކަން ހައްލުކުރަން މަސައްކަތްތައް އިންތިޒާމްކުރުން ކަމުގައި އެމްއޭސީއެލްއިން ހާމަކޮށްފައިވެއެވެ.

އިސްލާމިކް މިނިސްޓްރީން ވަނީ، އެމަރުކަޒުގެ 40 ވަނަ އަހަރީ ދުވަހަށް މުންނާރުގެ ބުޑުގައި މަސްފެންގަނޑެއް ހަދަން ބޭނުންވާ ކަމުގައި ހާމަކޮށް އެކަމަށް ބީލަން ހުށައެޅުމަށް ހުޅުވާލާފައެވެ. އެހެން ނަމަވެސް އިސްލާމީ މަރުކަޒުގެ މުންނާރު ބުޑުގައި އޮންނަ ފެންގަނޑަކީ ވަރަށް ކުރިއްސުރެ އެތަނުގައި ހަދާފައި އޮންނަ، އަދި ފަހުން ނުބަލަހައްޓައި ދޫކޮށްލާފައި އޮތް ތަނެކެވެ. މިނިސްޓަރ ޝަހީމް ވިދާޅުވީ، ރާއްޖޭގެ އިޤުތިޞާދީ ހާލަތަށް ރިޢާޔަތްކޮށް އެފަދަ ކަންކަން ކުރުން ރަނގަޅުކަމަށް ނުފެންނާތީ އިސްލާމިކް މިނިސްޓްރީން ކުރި އިޢުލާނު ބާޠިލްކުރުމަށް އަންގަވާފައި ވާކަމަށެވެ.

ޢަބްދުލްމަޖީދު މާހިރު އަވަހާރަވުމާއި ގުޅިގެން ރައީސުލްޖުމްހޫރިއްޔާވެސް ވަނީ އެ އާއިލާއަށް ތަޢުޒިޔާ ވިދާޅުވެފައެވެ. ރައީސުލްޖުމްހޫރިއްޔާގެ ތަޢުޒިޔާގެ މެސެޖުގައި، ޢަބްދުލްމަޖީދު މާހިރު އަވަހާރަވި ޚަބަރު އެއްސެވީ ފުން ހިތާމައާއެކުގައިކަން ފާހަގަކުރައްވާފައި ވެއެވެ.

2019 ވަނަ އަހަރު އދ. ގެ އާއްމު މަޖިލީހުގައި ނެގި ވޯޓުގައި، އައިސީޖޭގެ ނިންމުމާއި އެއްގޮތަށް މޮރިޝަސްއާ ޗާގޯސް ހަވާލުކުރުމަށް 113 ޤައުމަކުން ވޯޓު ދީފައިވެއެވެ. އެވޯޓުގައި ރާއްޖެއިން ވޯޓުދިނީ އިނގިރޭސި ވިލާތާއި އެއްކޮޅަށެވެ. އިނގިރޭސިވިލާތުން ޗާގޯސް އަށް ވެރިވެގަނެގެން އުޅެނީ ގާނޫނު ހިލާފަށް ކަމަށް ނިންމައި، ޗާގޯސް މޮރިޝަސްއާ ހަވާލު ކުރަން އަންގައި އިންޓަނޭޝަނަލް ކޯޓް އޮފް ޖަސްޓިސް (އައިސީޖޭ) އިން އަމުރު ކުރީ 2019 ވަނަ އަހަރުގެ ފެބުރުއަރީ މަހުގައެވެ.

މާފުށީ ޖަލުގައި ހުއްޓައި މަރުވި އެމީހާއަކީ ކުޑަކުދިންނަށް ޖިންސީ ގޯނާކުރުމުގެ ރެކޯޑްތައް އޮންނަ މީހެކެވެ. އޭނާ ޖަލަށް ލާފައި ހުރީވެސް 15 އަހަރުގެ ކުއްޖަކަށް ޖިންސީ ގޯނާ ކުރުމުގެ މައްސަލައެއްގައެެވެ. މޯލްޑިވްސް ކަރެކްޝަނަލް ސަރވިސް އާއި ފުލުހުންގެ އިދާރާއިން ހާމަކުރައްވާފައިވާ ގޮތުގައި އުމުރުން 62 އަހަރުގެ ދިވެހި އެ ފިރިހެންމީހާ މަރުވެފައި ވަނީ ދަންޖެހިގެންނެވެ.

އެމިނިސްޓްރީން ހާމަކޮށްފައިވާ ގޮތުގައި، ދުނިޔޭގެ ޖަނަވާރު ދުވަސް ފާހަގަކުރުމުގެ ގޮތުން ހަރަކާތްތައް ކުރިޔަށް ގެންދިޔުމަށް ހަމަޖައްސާފައި ވަނީ އާޓިފިޝަލް ބީޗުގައެވެ. މިގޮތުން މިއަދު ހަވީރު، 4:00 އިން ފެށިގެން ރޭ ގަނޑު 11:00 އާއި ހަމައަށް ދުވަހާއި ގުޅޭ ޚާއްޞަ ފެއާއެއް ކުރިޔަށްދާނެ ކަމުގައި، މިނިސްޓްރީން ވަނީ ހާމަކޮށްފައެވެ.

މަޓީން ކަންބޮޑުވުން ފާޅުކޮށް ނެރެފައިވާ ބަޔާނުގައި ބުނެފައި ވަނީ، އެމްއެމްއޭގެ ޤަވާއިދުތަކަށް ބަދަލު ގެނެސްފައި ވަނީ، އެ ޖަމިއްޔާއާ އެކުގައި އެމްއެމްއޭއިން ބޭއްވި މަޝްވަރާތަކުގައި ފާހަގަކުރި ކަންކަމަށް އިޖާބަ ދިނުމެއް ނެތި ކަމަށެވެ.

ފުލުހުންގެ އިދާރާއިން ވިދާޅުވީ ކަމާއި ގުޅުންހުރި އިދާރާތަކާއި ގުޅިގެން އެކަމާއި ގުޅޭ މައުލޫމާތު ހޯދުމުގެ މަސައްކަތް ކުރަމުންދާ ކަމަށެވެ.

މިއަދު ބޭއްވި ނޫސްވެރިންގެ ބައްދަލުވުުމުގައި ޕްރޮސެކިއުޓަރ ޖެނެރަލް ޢައްބާސް ޝަރީފް ވިދާޅުވީީ، ތިން ހަފްތާގެ ތެރޭގައި އާއްމު ގިނަ ފަރާތްތަކުގެ ޝަކުވާތަކެއް ލިބިފައިވާ ކަމަށެވެ. އެހެންވެ ރަސްމީކޮށް އާއްމުންނަށް ކަންބޮޑުވުންތަކާއި ޝަކުވާތައް ހުށައެޅުމުގެ ފުރުޞަތު މިއަދުން ފެށިގެން 20 ދުވަހުގެ މުއްދަތަށް ހުޅުވާލާަފައިވާ ކަމުގައި ޕީޖީ ވިދާޅުވިއެވެ.

އެބައްދަލުކުރެއްވުމާއި ގުޅޭ ގޮތުން، ފޮރިން މިނިސްޓަރ ޑރ. ޢަބްދުﷲ ޚަލީލު އެކްސްގައި ކުރެއްވި ޕޯސްޓްގައި ވިދާޅުވީ، އެބައްދަލުވުމުގައި މަޝްވަރާކުރެއްވުނީ، އިންޑިއާ އާއި ދިވެހިރާއްޖޭގެ ގުޅުން މިހާރަށްވުރެ އިތުރަށް ބަދަހިކުރުމަށް ކުރެވިދާނޭ ކަންކަމާއި ގުޅޭ ގޮތުންނެވެ.

ފުލުހުންގެ އިދާރާައިން ވިދާޅުވީ، އިއްޔެ 15:04 ހާއިރު ބުރިޖާއި ދިމާއިން މޫދަށް އޭނާަ މަސްބާނަން ފޭބިކަން އެނގިފައިވާ ކަމަށެވެ. އެހެން ނަމަވެސް އޭނާ މަރުވީ ގެނބިގެން ކަމެއް ނުވަތަ ސިއްޙީ އެހެން މައްސަލައެއް ދިމާވެގެން ކަމެއް މިހާތަނަށް ތަޙްޤީޤަށް އެނގިފައިނުވާ ކަމަށާއި، އެހެން ނަމަވެސް އިތުރު ޓެސްޓްތައް ހެދުމަށް ސާމްޕަލް ނަގާފައިވާ ކަމުގައި ފުލުހުންގެ އިދާރާއިން ވިދާޅުވިއެވެ.

ފުލުހުންގެ އިދާރާއިން ވިދާޅުވީ، ޒަޚަމްތަކާއި އެކު އޮތް އެމީހާ ފެނިގެން އައިޖީއެމްއެޗަށް ގެންދިޔައިރުވެސް އޮތޯ ނިޔާވެފައި ކަމުގައި ހޮސްޕިޓަލުން ފުލުހުންނަށް މައުލޫމާތު ދީފައިވާ ކަމަށެވެ. ފުލުހުންގެ އިދާރާއިން ވިދާޅުވީ މައްސަލަ ތަޙްޤީޤު ކުރަމުންދާ ކަމަށެވެ.

ޖޯރޭ ނިޔާވުމުގެ ހިތާމައިގައި އެމްޑީޕީގެ ކުރީގެ ދެރައީސުން އަދި ދިވެހިރާއްޖޭގެ ރައީސުލްޖުމްހޫރިއްޔާކަން ކުރައްވާފައިވާ ދެބޭފުޅުން ކަމުގައިވާ، ކުރީގެ ރައީސް މުޙައްމަދު ނަޝީދާއު ކުރީގެ ރައީސް އިބްރާހީމް މުޙައްމަދު ޞާލިޙްވެސް ވަނީ ޖައުހަރީގެ އާއިލާއަށް ތައުޒިޔާ ވިދާޅުވެފައެވެ.