Advertisement
އެމްޑީޕީގެ ކައުންސިލަރުންގެ ކޮންފަރެންސްގެ ބައިވެރިން ---
އެމްޑީޕީގެ ކައުންސިލަރުންގެ މަހާސިންތާ ކުޅުދުއްފުށީގައި ފަށައިފި
އެމްޑީޕީން އެޕާޓީގެ ކައުންސިލަރުންނާއި އެކު ބާއްވާ، "ލާ މަރުކަޒީ ގުޅުން" މަހާސިންތާ ކުޅުދުއްފުށި ސިޓީގައި ފަށައިފިއެވެ.
މިމަހާސިންތާއަކީ، އުތުރުގެ ތިން އަތޮޅުގައި ތިއްބެވި އެމްޑީޕީއަށް ނިސްބަތްވާ ކައުންސިލަރުންނާއި ޑަބްލިޔޫޑީސީގެ މެންބަރުން ބައިވެރިކޮށްގެން ކުޅުދުއްފުށި ސިޓީގައި ބާއްވާ ކޮންފަރެންސެކެވެ. މިކޮންފަރެންސް ބޭއްވުމަށް އެމްޑީޕީން ނިންމީ ރާއްޖޭގެ ލާމަރުކަޒީ ނިޒާމު ހަލާކުކޮށްލުމަށް ސަރުކާރުން މަސައްކަތްތައް ކުރަމުންދާތީ ކަމުގައި އެމްޑީޕީން ވަނީ ބުނެފައެވެ. އެމްޑީޕީން ހާމަކޮށްފައިވާ ގޮތުގައި މިއަދު ފަށާ ކައުންސިލަރުންގެ ކޮންފަރެންސްގައި އެންމެ އުތުރުގެ ތިން އަތޮޅުގެ ކައުންސިލަރުންނާއި ޑަބުލިޔު.ޑީ.ސީ މެމްބަރުންނާއިއެކުތެ 80 ވުރެ ގިނަ މެމްބަރުން ބައިވެރިވާނެއެވެ.
މިކޮންފަރެންސާއި ބެހޭ ގޮތުން އެމްޑީޕީގެ ރައީސް، ޢަބްދުﷲ ޝާހިދު ވިދާޅުވީ، ދިވެހިރާއްޖެއަށް ޒަމާނީ ލާމަރުކަޒީ ނިޒާމު ތަޢާރަފްކޮށް، އެނިޒާމުގެ ފައިދާ ރައްޔިތުންނަށް ލިބިދެވޭކަން ކަށަވަރުކޮށްދޭ ޕާޓީއަކީ އެމްޑީޕި ކަމަށާއި، މި ކޮންފަރެންސްގައި މުހިއްމު މަޝްވަރާތަކެެއް ކުރެވި، ތަނަވަސް ޚިޔާލުތަކެއް ބަދަލުކުރެވޭނެ ކަމަށެވެ.
ކަތީބުން ލައްވައިގެން އެޓޯލްސް މިނިސްޓްރީގެ ދަށުން އަތޮޅުތަކާއި ރަށްތައް ހިންގަމުން އައުމާއި ދެކޮޅަށް އަޑު އަުފުލައި، މަރުކަޒީ ބާރުތައް ބަހާލައި ލާމަރުކަޒީ ނިޒާމެއް ގެނައުމުގެ މަސައްކަތްތައް ކުރީ، އެމްޑީޕީންނެވެ. އަދި ރާއްޖޭގައި އޮތް ކަތީބު ނިޒާމް އުވާލީ އެމްޑީޕީގެ ފުރަތަމަ ވެރިކަމުގައެވެ.
