Advertisement
ތުއްތުކުއްޖެއްގެ އަތަށް ހުންގާނުދީގެ ދުއްވި ވީޑިއޯގެ ސްކްރީން ޝޮޓެއް --
ކުޑަކުއްޖަކަށް ސައިކަލު ހުންގާނުދީ ދުއްވި މީހާ ހޯދައި ފުލުހަށް ހާޟިރުކޮށްފި
ހައިވޭގައި ތުއްތުކުއްޖެއްގެއަތަށް ސައިކަލުގެ ހުންގާނުދީ ދުއްވި މީހާ ހޯދައި ފުލުހަށް ހާޟިރުކޮށްފިއެވެ.
ފުލުހުންގެ އިދާރާއިން ވިދާޅުވީ، ތުއްތުކުއްޖެއްގެ އަތަށް ސައިކަލު ހުންގާނުދީގެން ދުއްވި މީހާގެ މައްޗަށް، ގަސްތުގައި ކުޑަކުއްޖަކު ނުރައްކަލަށް ހުށައެޅި މައްސަލަ ތަޙްޤީޤު ކުރަމުންދާ ކަމަށެވެ. އަދިއޭނާއަށް ޓްރެފިކް ޤާނޫނާއި ޚިލާފުވުމުގެ ކުށުގައި ފިޔަވަޅުއެޅުމަށް ޓްރާންސްޕޯޓް މިނިސްޓްރީއާއެކު މަސައްކަތް ކުރަމުންދާ ކަމުގައިވެސް ފުލުހުންގެ އިދާރާއިން ވިދާޅުވިއެވެ.
ބައެއް މީިޑިއާތަކުގައި ހާމަކޮށްފައިވާ ގޮތުގައި ތުއްތުކުއްޖެއްގެއަތަށް ސައިކަލުގެ ހުންގާނުދީ ދުއްވާފައި ވަނީ، އެމްއެންޑީއެފްގެ އޮފިސަރެކެވެ. އެހެން ނަމަވެސް ފުލުހުން އޭނާގެ ވަނަވަރެއް ހާމައެއް ނުކުރެއެވެ.
މިމައްސަލަ ފެންމަތިވީ، އޭނާ ތުއްތުކުއްޖާގެ އަތަށް ސައިކަލު ހުންގާނުދީގެން ހައިވޭގައި ދުއްވަމުންދިޔަ މަންޒަރު ބަޔަކަށް ފެނި ސޯޝަލްމީޑިއާގައި އެ ވީޑިއޯ ހިއްސާކުރުމުންނެވެ.
ފުލުހުންގެ އިދާރާއިން ވިދާޅުވީ، އެމައްސަލަ ބަލައި ތަޙްޤީޤު ކުރަމުންދާކަމަށެވެ.
