މި އޮޕަރޭޝަނުގައި އެމީހުން ހައްޔަރުކޮށް, ކޯޓު އަމުރެއްގެ ދަށުން ވަނީ އެމީހުން ދިރިއުޅެމުންދިޔަ ތަން ބަލައިފާސްކޮށްފައެވެ. އަދި އެތަނުން މަސްތުވާތަކެތިކަމަށް ބެލެވޭ ތަކެތި ފެނިފައިވާކަމަށް ފުލުހުން ހާމަކޮށްފައި ވެއެވެ. އެ ތަކެތީގެ ވަގުތީ ބަރުދަނުގައި 7.38 ގުރާމު ހުރިކަމަށް ހާމަކޮށްފައި ވެއެވެ.

މާލެ އަތޮޅުން ފެށިގެން އދ އަތޮޅާއި ހަމައަށް އޮރެންޖު އިންޒާރު ނެރެފިއެވެ. މޯލްޑިވްސް މީޓިއޮރޮލިޖިކަލް ސާވިސް (މެޓް އޮފީސް) އިން ހާމަކޮށްފައިވާ ގޮތުގައި، މި ސަރަހައްދަށް ބޯކޮށް ވާރޭ ވެހުމާއެކު، ފެން ބޮޑުވާނެ ކަމަށް ލަފާ ކުރެވެއެވެ.

މިއަދުގެ މެންދުރު ކުރިން މާލޭ ސަރަހައްދަށް ވެހެން ފެށި ވާރޭގައި، މާލޭގެ ގިނަ ސަރަހައްދުތަކެއް ފެނު އަޑިއަށް ހިނގައްޖެއެވެ. މި ކޮޅި ގަނޑުގައި، ބޯކޮށް ވާރޭ ވެހެމުން ދާއިރު، ގަދަ ވައި ވެސް އަންނަނީ ޖެހެމުންނެވެ.

ޑިޕާޓްމެންޓް އޮފް ޕަބްލިކް އެގްޒެމިނޭޝަނުން ވިދާޅުވީ، އެހެން އަހަރު ތަކެކޭވެސް އެއްފަދައިން މިއަހަރުވެސް ދަރިވަރުންނަށް ސެންޓަރުތަކުން ނަތީޖާ ދޫކުރަމުންދާނެ ކަމަށާއި، ސެންޓަރތަކުން ކެނޑިޑޭޓުންނަށް ނަތީޖާ ދޫކުރާނީ މިއަދުގެ 12.00 އިން ފެށިގެން ކަމަށެވެ.

ރާއްޖޭގައި ބިދޭސީން ވިޔަފާރި ކުރުން މަނާ ދާއިރާތަކުގައި ބިދޭސީން ބައިވެރިވެގެން ކުރަމުންގެންދާ ވިޔަފާރިތަކާއި، އެފަރާތްތަކުން ރަޖިސްޓްރީނުކޮށް ކުރާ ވިޔަފާރިތަކުގެ މަޢުލޫމާތު އެއްކޮށް، ތަންފީޛީ އިދާރާތަކަށް ރިޕޯޓްކުރުމުގެ މަސައްކަތް ކުރުމަށް ކުޅުދުއްފުށީ ސިޓީ ކައުންސިލުން ނިންމާފައިވާތީ، އެ މައުލޫމާތު އެ އިދާރާއަށް ރިޕޯޓު ކުރުމަށް އެދިއްޖެއެވެ.

ސަރުކާރުގެ މެނިފެސްޓޯއާއި، މުހިންމު ސިޔާސަތުތައް ތަންފީޒުކުރުމުގައި، ޒުވާނުންގެ ޚިޔާލާ މަޝްވަރާ ހޯދައި، މިފަދަ ކަންކަމުގައި ކުރިއަށްދާންވީ ގޮތްތަކާއި ގުޅޭގޮތުން ރައީސުލްޖުމްހޫރިއްޔާއަށް ލަފާ އެރުވުމާއި، ތަފާތު އެކި ދާއިރާތަކުގައި ޒުވާނުންގެ ކުރިއެރުމަށް ހުރި ހުރަސްތަކާއި ގޮންޖެހުންތައް ދެނެގަނެ، އެކަންކަމާމެދު ފުޅާ ދާއިރާއެއްގައި މަޝްވަރާކޮށް، ޤައުމީ ފެންވަރުގައާއި ސަރަހައްދީ ފެންވަރުގައި، ޙައްލު ހޯދުމަށް، މަސައްކަތް ކުރެވޭނެ ގޮތްތަކާ ގުޅޭގޮތުން ރައީސުލްޖުމްހޫރިއްޔާއަށް ލަފާއެރުވުމަށް ހާއްސަ ކޮމެޓީއެއް އުފައްދަވައިފިއެވެ.

ގަލޮޅު އުތުރު ދާއިރާގެ މެންބަރު މުޙައްމަދު އިބްރާހީމް (ކުޑޫ)، މިނިސްޓަރ އޮފް ހައުސިންގ، ލޭންޑް އެންޑް އަރބަން ޑިވެލޮޕްމަންޓް ޑޮކްޓަރ ޢަލީ ޙައިދަރު އަޙްމަދާއި ކުރެއްވި ސުވާލަށް ފަހު މެމްބަރުންނަށް އިތުރު ސުވާލު ކުރުމަށް ހުޅުވާލި ފުރުޞަތުގައި، ވައިކަރަދޫ ދާއިރާގެ މެމްބަރު ހުސެއިން ޒިޔާދު ވަނީ، ރައީސްގެ ވަޢުދުފުޅާއި ޚިލާފަށް ހައުސިންގ މިނިސްޓްރީ ޢަމަލުކުރަމުންދާ ސަބަބެއް އޮޅުން ފިލުވުމަށް ސުވާލު ކުރައްވާފައެވެ. އެގޮތުން، ކުރީގެ ސަރުކާރުން ދީފައިވާ ގޯއްޗާއި ފްލެޓު އަތުނުލައްވާނެ ކަމަށް ރިޔާސީ އިންތިޚާބުގެ ތެރޭގައި މިހާރުގެ ރައީސް ޑރ. މުހައްމަދު މުޢިއްޒު ވައުދުވެވަޑައިގެންފައިވާ އިރު، އެ ސިޔާސަތު މިނިސްޓްރީން ބަދަލު ކުރީ ރައީސް ޑރ. މުހައްމަދު މުއިއްޒުއާ މަޝްވަރާކުރެއްވުމަށްފަހުގައި ތޯ ޒިޔާދު ސުވާލު ކުރެއްވިއެވެ.

މިއަދު ކުރިޔަށްދާ ރައްޔިތުންގެ މަޖިލީހުގެ ޖަލްސާ ހޫނުވީ، ހައުސިން މިނިސްޓަރު ޑރ. އަލީ ހައިދަރާއި، އެމްޑީޕީގެ ވައިކަރަދޫ މެންބަރު ޒިޔާދު ކުރެއްވި ސުވާލާއި ގުޅިގެންނެވެ. ކުރީ ސަރުކާރުން ދީފައިވާ ގޯއްޗާއި ފެލްޓެތައް އަތުނުލައްވާނެ ކަމުގައި ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވަޢުދުވެވަޑައިގެންފައި ވާއިރު، ފްލެޓާއި ގޯތިތައް ދޫކުރުމުގައި އަމަލު ކުރަމުން އަންނަ ގޮތް ހައުސިން މިނިސްޓްރީން ބަދަލު ކުރީ ރައީސް ޑރ. މުޙައްމަދު މުޢިއްޒާއި މަޝްވަރާކޮށްފައިތޯ ދެންނެވި ސުވާލަށް މިނިސްޓަރު ޖަވާބެއް ނުދެއްވިއެވެ.

ނެޝަނަލް ޑިޒާސްޓަރ މެނޭޖްމެންޓް އޮތޯރިޓީން ވިދާޅުވީ، ހުކުރު ދުވަހުގެ ރޭ ދަންވަރު ހިނގި އަލިފާނުގެ ހާދިސާގައި މުޅިން އަނދައިގެން ގޮސްފައި ވަނީ، އދ. ހަންޏާމީދޫ ރޯޝަނީ ގެ ކަމަށެވެ. އެގޭގައި ދިރިއުޅެމުން އައީ އުމުރުން 40 އަހަރުގެ ފިރިހެނަކު އެކަނި ކަމަށްވެސް އެ އޮޮތޯރިޓީން ބުންޏެވެ.

ޖުލައި މަހު ބޭއްވި އިންތިހާބު ކަގަމީ ފަސޭހަކަމާއެކު ކާމިޔާބު ކުރައްވާނެކަމަށް ކުރިން ވެސް އޮތީ ބެލެވިފައެވެ. ކަގަމީ އަކީ އެ ގައުމުގައި 1994 ގައި ހިނގި ގަތުލުއާންމަށްފަހު އެކުލަވާލި ވަގުތީ ސަރުކާރު ހިންގެވުމަށް ހަވާލުވެ، އަދި އޭގެ ފަހުން އެ ގައުމުގެ ރައީސްކަމަށް އިންތިހާބުވި ބޭފުޅާއެވެ. އޭގެ ފަހުން އެއްވެސް އިންތިހާބަކުން ކަގަލީ ބަލިވެފައެއް ނުވެއެވެ.

ހުޅުމާލޭގެ އެކި ސަރަހައްދުތަކުގެ ދުވާރު މަތީގައި އަދި ހެޖު ތެރޭގައި ކެފޭ، ރެސްޓޯރެންޓް އަދި ޓޭކް-އަވޭ ޕޮއިންޓުތަކުން ގޮނޑި މޭޒު ބަހައްޓައިގެން ޚިދުމަތްދެމުން ގެންދާތީ އެ ގޮނޑިތަކާއި މޭޒުތައް، އިއްޔެގެ ނިޔަލަށް ނެގުމަށް އެޗްޑީސީން މިމަހުގެ 1 ވަނަ ދުވަހު ވަނީ އަންގާފައެވެ.

ރައީސް ޔާމީނުގެ ޝަރީއަތަށް މިސަރުކާރުން ނުފޫޒު ފޯރުވާފައިވާ ކަމަށް ރައީސް ޔާމީނު ގެންދަވަނީ ވިދާޅުވަމުންނެވެ. އަދި އެކަމާއި ގުޅޭ ގޮތުން ދާދިފަހުން ރައްޔިތުންގެ މަޖިލީހުގެ ރައީސް ޢަބުދުއްރަހީމް ދައްކަވާފައިވާ ވާހަކަފުޅުތަކަށްވެސް ރައީސް ޔާމީނު ރައްދު ދެއްވާފައިވެއެވެ. މީގެ އިތުރުން އެމަނިކުފާނު ވަނީ، ސަރުކާރުގެ ބައެއް މަޤާމުތަކުގައި ބޭފުޅުން ޝަރުޢީ ދާއިރާގެ ބައެއް ބޭފުޅުންނާއި ދައްކަވާފައިވާ ވާހަކަފުޅުތަކެއްގެ ރެކޯޑިންގ ހުރިކަމުގައިވެސް ވިދާޅުވެފައެވެ.

އިންޑިއާގެ ސިފައިންގެ މައްސަލަ އާއި ގުޅޭ ގޮތުން އަޒާން ވިދާޅުވީ، މިސަރުކާރުން ވަނީ ރާއްޖެއިން އިންޑިއާ ސިފައިން ބާލާފައި ކަމަށެވެ. އަދި ރާއްޖެއިން އިންޑިއާ ސިފައިން ބާލައިފި ނަމަ ހަނޑު ހަކުރުފުށް ނުލިބިދާނެ ކަމަށް ބުނެ ކުރީ ސަރުކާރުގެ އިސްވެރިން ވާހަކަ ދެއްކެވި ކަމުގައިވެސް އަޒާންގެ ޕޯސްޓުގައި ފާހަގަކުރައްވާފައި ވެއެވެ.

ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) ހާމަކޮށްފައިވާ ގޮތުގައި އެބަދަލުތައް ގެނެސްފައި ވަނީ މިދިޔަ ބުރާސްފަތި ދުވަހުންފެށިގެންނެވެ.

މި މަޝްރޫޢުތައް ނިމުން ފާހަގަކުރުމަށް ބޭއްވި ރަސްމިއްޔާތުގައި އިންޑިއާގެ އެކްސްޓަރނަލް އެފެއާޒް މިނިސްޓަރ ޑރ. އެސް ޖައިޝަންކަރު ބައިވެރިވެވަޑަިއގެންނެވިއެވެ. މަޝްރޫޢުތައް ނިންމައި ދިވެހި ސަރުކާރާއި ރަސްމީ ގޮތުން ހަވާލުކޮށްދެއްވީ އެމަނިކުފާނެވެ.

އިންޑިއާގެ ޚާރިޖީ ވަޒީރު ޑރ. އެސް ޖަޔަޝަންކަރުގެ މިދަތުރުފުޅުގައި ވަނީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި ބައްދަލުކުރައްވާފައެވެ. މީގެ އިތުރުން ޚާރިޖީ ވަޒީރު މޫސާ ޒަމީރާއިވެސް ބައްދަލު ކުރައްވައި ދެޤައުމުގެ ގުޅުން ބަދަހި ކުރެއްވުމާއި ގުޅޭ ގޮތުން މަޝްވަރާކުރެއްވިއެވެ. މީގެ އިތުރުން އެމަނިކުފާނު ވަނީ، އިންޑިއާ ސަރުކާރުގެ އެހީގައި ރާއްޖޭގައި ހިންގާފައިވާ މަޝްރޫޢުތަކުގެ ނިމުން ފާހަގަކުރުމުގެ ރަސްމިއްޔާތުތަކުގައި ބައިވެރިވެވަޑައިގެންފައެވެ.