Advertisement
ރައީސުލްޖުމްހޫރިއްޔާ އާއި އިންޑިއާގެ ބޮޑުވަޒީރު -- ފޮޓޯ: ރައީސް އޮފީސް --
ރައީސް އިންޑިއާގެ ބޮޑުވަޒީރާއި ބައްދަލުކުރައްވައި މަޝްވަރާކުރައްވައިފި
ރައީސުލްޖުމްހޫރިއްޔާ ޑރ މުޙައްމަދު މުޢިއްޒު އިންޑިއާގެ ބޮޑުވަޒީރު ނަރެންދުރަ މޯދީއާއި ބައްދަލުކުރައްވައި މަޝްވަރާކުރައްވައިފިއެވެ.
މިބައްދަލުކުރެއްވުން އޮތީ މިއަދު މެންދުރު ކުރީގައި އިންޑިއާގެ ބޮޑުވަޒީރުގެ ރަސްމީ ގެކޮޅު ހައިދަރު އާބާދު ހައުސްގައެވެ.
މިބައްދަލު ކުރެއްވުމުގައި، ދެޤައުމުގެ ދެމެދުގައި ހުރި މައްސަލަތައް ހައްލުކޮށް ގުޅުން ބަދަހި ކުރުމާއި ގުޅޭ ގޮތުން އިންޑިއާގެ ބޮޑުވަޒީރާއިއެކު ރައީސުލްޖުމްހޫރިއްޔާ ވަނީ މަޝްވަރާކުރައްވާފައި ކަމުގައި އިންޑިއާގެ ޚާރިޖިއްޔާގެ އޮފީހުން ހާމަކުރައްވާފައިވެއެވެ. އެހެން ނަމަވެސް މިބައްދަލުވުމާއި ގުޅޭ އިތުރު މައުލޫމާތުގެ ރައީސުލްޖުމްހޫރިއްޔާގެ އޮފީހުން އަދި ހާމައެއް ނުކުރައްވައެވެ.
ރައީސުލްޖުމްހޫރިއްޔާގެ ދެކަނބަލުން، އިއްޔެ އިންޑިއާއަށް ފެއްޓެވި ފުރަމާނަ ދަތުރުފުޅަކީ އިންޑިއާގެ ރައީސާ ދުރޫޕަތީ މުރުމޫގެ ދައުވަތަކަށް ކުރައްވާ 5 ދުވަހުގެ ދަތުރުފުޅެކެވެ.
